وش تبي زود ...؟

[خيال البرقا]

السلام عليكم ........

الحقيقة طمعتوني بأني اكتب في منتداكم ولا راح اوقف كتابة في

هالمنتدى الغالي .. ولو ان كتاباتي على قد الحال بس انشاءالله

نتطور مع مرور الزمن والبركة فيكم طال عمركم اللي يسعدني

توجيهكم ونصحكم ونقدكم لي .. لأني بدون توجيهاتكم ماراح اتعلم..

اتمنى ان ها الكلمات تحوز على حيز بسيط من رضاكم ...








كنت احسب ان الغلا محدود بقيــــاسِ = من قبل اعرفك يا غلا مـــاله حدود

همي نزعته وضيقت الصدر واليــــاسِ = هاذي حياتي فدوتك وش تبي زود

عجزت اميز بين شعري والاحسـاسِ = الشعر مهما كان بالوصف محـــدود

الحب ماهو كلام وسط قرطاسِ = الحب له شاهد لمح كحلة أنجود

من شفتها زاد الفكر داخل الراسِ = نومي غدا عقبه شلافيح وقعود

عزيل من يبني قواعد بلا ساسِ = وصل الحبيبه دونه اسوار وجنود

ودي بشوفة شبيه العقد الألماسِ = راع اللثام اللي نصف بيض الخدود



وسلاااااااامتكم

[الازوري]

عساك على القوه


صح السانك

ولا هنت

تحياتي

[مرزوق حمدان العتيبي]

...
الله لايهينك ياخيال البرقاا.
ابيات رائعه ولاتحتاج كل هذه المقدمه التي
فيها تحاول ان تقلل من مقدرتك الشعريه ...
سر الى عالم الابداع والله يقويك ..
نحن في انتظار جديدك بالاضافه الى تفاعلك بالقسم مع مشاركات اخوانك..
كل الود

[خيال البرقا]

أخوي الأزوري

صح بدنك ولاتهون طال عمرك

وردودكم هي الدافع والمحفز للمبتدئ بالشعر مثلي



تقبل تحياااااااااتي يا الغااااااالي

[خيال البرقا]

أخوي وحبيب قلبي مرزوق

صح بدنك ولاتهون يا مروض الكلمات

ردك هذا أكبر شرف لي وصدقني اني اعتز بردك هذا

ولا تتخيل فرحتي بكلماتك اللي اعتبرها شهادة ووسام اضعه على صدري

الله لا يحرمني من طلتك يا ولد عمي وتكفى لا تبخل علي بالشور مالي غناة عنك طال عمرك

وصدقني أني اكثر عضو يتابع جديدك واني من اشد المعجبين بقصايدك اللي حقيقة تشجي الفوائد

بروعة كلماتك يا مروض الكلمات ,,,,,


تقبل مني كل الأحترام والتقدير على تواضعك وردك على مشاركاتي المتواضعة ,,,

[((الدلبحي))]

موفق خير

وصح السانك وعساك على القوه

تحياااااااااااااااااتي

[خيال البرقا]

اخوي الدلبحي

صح بدنك ولا تهون طال عمرك

اتشرف بمرورك طال عمرك ويسعدني تواجدك



تقبل تحياااااااتي