في النهاية تضيع لـ الشاعر : محمد بن حديد العضياني

[راعي الشوشلية]

السلام عليكم ورحمة الله وبركاتة

هذة القصيدة نالت أعجابي واتمنى أن تنال أعجابكم
وهيا كلمات لشاعر الكبير : محمد بن حديد العضياني



كل ماتعبت لحاجة بالنهاية تضيع=حسبي الله على الايام وأفعالها
ضيعتنا وضعنا بعد كنا جميع=وزهرة العمر جاها الدهر واشتالها
ضايقٍ في عيوني كل فجٍ وسيع=وصرت في حالةٍ ميئوس من حالها
وعنا الهم مايشفع لحالي شفيع=حالتي حالة قشرا ويرثى لها
قصتي بالضياع يشيب منها الرضيع=طال حبل الزمان وطالت حبالها
ودي اقولها واصرخ بصوتٍ رفيع=بس ياقف لساني كل ماقالها


تحياتي للجميع ..

[أعلامي]

ضيعتنا وضعنا بعـد كنـا جميـع // وزهرة العمر جاها الدهر واشتالهـا

صح لسان الشاعر محمد ابن حديد العضياني
شاعر جزل ولايجيب الا الجزاله ولاهنت يا راعي الشوشلية على نقل مثل هذه القصائد اللتي ينطرب السمع بها

[محمد الذيابـــي]

,,

لا هنت يالغالي.

,,,,,

[عامر الهاجري]

اسمح لي على بعض التعديل في نقلك للقصيده

كل ماتعبت لحاجة بالنهاية تضيـع
=حسبي الله علـى الايـام وأفعالهـا
ضيعتنا وضعنا بعـد كنـا جميـع
=وزهرة العمر جاها الدهر واشتالهـا
اه ياقلبي اللي قام يصقع صقيع
=مثل ماتصقع الطبله لطبالها
ونار شوق يذوب لها الحديد ويميع
=شعلة يحترق قلبي على جالها
واه يالصبر ضايق بي فضاك الوسيع
=حالتي حالة قشرا ويرثى لها
وعنا الهم مايشفـع لحالـي شفيـع
=حالتي حالـة قشـرا ويرثـى لهـا
قصتي بالضياع يشيب منها الرضيع
=طال حبل الزمان وطالـت حبالهـا
ودي اقولها واصرخ بصوتٍ رفيـع
=بس يعجز لسانـي كـل ماقالهـا