محاورة كايفة بين سفر والقرقاح ...

[فهد الزهراني]

تغير نهج القسم قليلا

ودنا نرجع شوي للمحاورات والتحليل في المعاني لما فيها من فائده وتسلية للجميع ...

طاروق جرى بين القرقاح والدغيلبي وهو اول طاروق في حفلة لقبيلة قحطان بمدينة الرياض في بداية شهر 3 تقريبا

فلاح
يامرحبا باسمي واسم شيباني-وعيالي عمي كلهم وخواني
والدعوة اللي من لسان ونية- الله يرد لنا الملك عبدالله
..
يامرحبا بك يالامير الوافي-في حفل ربعا يكرمون اللافي
انا اشهد ان لي عزوة مسمية-الله يرد لنا الملك عبدالله
سفر
دام البقاء يامقدم الترحيبة- اقولها باسمي وكل عتيبة
يالله لعل افراحكم يومية- والله يرد لنا......
..
الليلة يالقرقاح مس حزامك-القوم خلفك والبحر قدامك
والخطة تنفذ مية في المية- والله يرد......
فلاح
فاولتك الترحيب والكمبودي_والزند زندي والعضود عضودي
اقلط وتلقى الهيل والبرية- الله يرد .........
..
الشيخ هياف بن سالم عمي-وربعي تنومسني وتجلى همي
وان كان نارك مثل ناري حية- الله يرد .......
سفر
يااصحابنا ماصار منكم قاصر-مير الامور مشاورة ومباصر
وش رأيكم في الخطة الخمسية-الله يرد ........
..
الله يامزين فلاح وطبعه_وان كان كلا قام يمدح ربعه
آنا من اهل السيف والجنبية_ والله يرد لنا......
فلاح
الحمد لله كل شي طيب-مير انت متهيب وانا متهيب
اهم شي البنية التحتية- الله يرد........
..
امدح بني عمك ولا لك عايب-حنا هلا الطالة عيال الشايب
والوضع حسب الحالة النفسية- الله يرد .......
سفر
في نجد ولا في ربوع الطايف-لاخافوا الاصحاب ماني خايف
امشي وعندي كامل الحرية-والله يرد لنا......
..
نعما بكم في العدل ولا الميلا-لكنكم ما تجهلون الهيلا
تحت الحكم والدولة سعودية-والله يرد.......
فلاح
ياعسكري لا تخلف امر الضابط-تخطي ويلحقك الجزاء وترابط
مانعترف بالنمره الملغية-الله يرد لنا.....
..
انتم بعد مثل الطويل النايف-لكن حنا ممنين الخايف
اثقل جبال الكورة الارضية-الله يرد ......
سفر
منته بلا ضابط ولاني جندي-الطيب عندي والغنايم عندي
والوضع ماهو مشكلة شخصية-الله .........
..
الظاهر ان المدح ليله طايل-تعرف عتيبة لا طمين العايل
قبيلة غزواتها دولية- الله .............
فلاح
اللي نقص ياطير شلوى وفه-في كفه وباقي العرب في كفه
وزعتك ماتأثر على المالية- الله ......
..
نقوة حلالك من يدك في جيبي-وآنا ادري انك عتيبي بن عتيبي
لكن ما انته راعي الدرعية-الله ..........
سفر
ترى المنافس حقا من حقوقي - وآنا حماسي ماشيا في عروقي
عندي حقوق النسخة الاصلية- الله يرد ........
..
وطنك من خيرات الارض اعطاني-مادمت قحطاني ولد قحطاني
دفاعكم دون الوطن شرعية- الله........
فلاح
ماعاد تضحك وانت ليلك عاوي-العب شوي شوي يابرقاوي
الله لنا ياشاعر الردية- الله .............
التسجيل من الجوال معذرة على رداءة الصوت
http://www.dosbnifhm.info/files/2202.rm

تحميل
من هنا مع التحية للجميع (http://www.dosbnifhm.info/files/2202.rm)

[فيصل بن فهد الجهني]

عزالله انه طاروق كايف


ابو محمد و ابو سعد .. بحور من الابداع


وافين .. ولا لحقهم قصور



سلمت يا فهد على المحاوره .. و انت طيب و ما تجيب الا الطيبات


تقبل مروري



,,, تحيتي

[رائد الكيرعاني القحطاني]

http://www.youtube.com/watch?v=iYRJA1StBPw&feature=player_embedded



هذا رابط الحفل كامل


عز الله الحفله كلها حففففله



والطارووق طاروووووق






كان ابداع في هالطارووق وفي طارووق سلطان والشيخي وفي الرباعيه





لاهنت يافهد




أما التحليل يا فهد والله انه يسج طعم المحاوره حلاتها لا قام كلّ يعيد النظر فيها ويتطعّمها *** وبعض الاحيان تبلش يكون المعنى واضح ويدخل واحد ويحلّف ويبرهن ان المعنى كذا

[صريح وجريح]

شعااااار كباااااااااااااار

وطااارررووق جميل

سلمت يالزهراني

[الكاايد]

شد انتباهي صياح الجمهور :)

طبعاً مع كامل الاحترام لفلاح وسفر

فهد الزاهراني

انت مميز والشهادة فيك مجروحه اشكرك ع إيراد المحاورة

[بطـران العتيبي]

لاهنت يافهد شعراء كبار وعلى ماعتقد المعنى سياسي تقبل مروري ..

[فهد الزهراني]

مشكورين احبتي جميعا

لاهنتم على مروركم الكريم

وشكرا لك يارايد على الاضافة بالملف المرئي لاهنت

وتحليل المعاني بالعكس جدا مشوق خاصة هنا مع اخوان دائما لنا معهم نقاشات رائعة استفاد منها الجميع وهذي حلاوة المحاورة مع شعراء مبدعين ونقاد مبدعين ومحللين مبدعين

الهدف انا نتسلى ونحاول الوصول الى المعاني وانا اعتبر تحليل المحاورات من الاشياء التي تحببني في هذ االقسم وان شاء الله تستمر على طول.

مع فائق الاحترام لرأيك الكريم ومن يشطح ويصر على رأي فلن نلتفت له الدعوى نقاش وتسلية..

بخصوص المحاورة لفت نظري في رد سفر على البيت الاول قوله

باسمي وكل عتيبه مع انه يستيع القول باسمي وباسم عتيبه واعتقد كتركيب الثانية افضل لكن قصد احراج القرقاح لماذا لا يرحب بأسم قحطان ؟؟ وهذا من ذكاء سفر وصيداته اللي مايتوب منها!

بخصوص معنى الطاروق فالله اعلم انه سياسي واعتقد وقتها كان على وقت الثورات في مصر وتونس وكأن الربع ينقاشون مثل هذا الامر

استدلالي بقول فلاح (كل شي طيب وانت متهيب وانا متهيب) يعني خايفين لو يصير عندنا فتن مثلهم

ورد سفر يقول( من نجد الى الطايف ماعلي خوف كناية عن تواجد قبيلته في هذه المناطق وانه سيكون في حرية من امره ولن يخاف احد)

والبيت الثاني من الطاروق كل قام يمدح في قبيلته ويستحث الخطى للأتيان بمدح آخر مما دون من القاب ومسميات على عتيبة وقحطان..

والله اعلم ننتظر باقي الاخوة..

[خالد السويداني القحطاني]

السلام عليكم ورحمة الله وبركاته
اشكرك اخي فهد على الطارووق
الرائع و100% انه سياسي يافهد
ولايهونون الربع وكل واااحد ماخذ
شخصية حاااكم وقبيلته هم شعبه
مدح القبائل يمدح دولته وليس قبيلته
حتى في الوقفه الاخيره مطب كبير
ولو كشفووووه صااارت علووووووم
لاكن رحمتي على الصفوف الي يصايحون
ويحسبون انهم يمدحونهم وهم يمدحون
شعب ليبيا شعب مصر ((ههههههههههه))
(_^)
ودي وتقديري

[بطـران العتيبي]

اخوي فهد الزهراني تحليلك للطاروق صحيح 100% اشكرك على طرحك الجميل تقبل مروري ..

[ابو فايح]

والله مدري وين وجهوا البوصله

أحس إنها لم تتعدى الأفتخار بالقبيله وبترحيبة القرقاح والله أعلم رغم أن بها مواري أنها حول ما تكلمتوا عنه وإن كان كذلك أرى الشعراء لم يتعمقوا فالمعنى بس من بعيد لبعيد


لاهنت يا فهد

[سرحان 511]

.

..


انا اتعجب من اللي يقولون انها سياسيه

وانهم يقصدون بالقبيله دولتين ثم يمطها ضحكه (هههههه)

بنا على ماذا وضع استنتاجه

اجل كل الطواريق اللي فيها افتخار بين القبايل سياسيه

وكل طاروق لازم نلوي عنقه على السياسه اينما اتجهت وجهته

سبحانك ربي

عودة : الطاروق سطحي الى حد كبير والسبب في تسطيح المعنى القرقاح

وكله تفاخر بالقبيله فقطططط

..

.

[فهد الزهراني]

شكرا للجميع

وكل رأي محترم

وهنا مجرد اجتهادات ...قد تصيب وقد تخطيء ولا نجزم بشي.

وأتمنى ان لا يتم الانتقاص من أي رأي بل يوضح ويرد عليه بالطريقة الملائمة ففي النهاية هي مجرد محاورات ونحن هنا للنقاش والاستفادة ..والتسلية ..

تحياتي لكم

[منيرالروقي]

أبيض وجه يافهد


أعجبني بيت للقرقاح فيه تمريرة تاريخيه

نقوة حلالك من يدك في جيبي
وانا ادري انك عتيبي بن عتيبي

بيت خطير يعني الجزية المزعومه

لكن
ههههه

جاء الرد من الداهيه الأخطر

وطنك من خيرات الارض اعطاني
مادمت قحطاني ولد قحطاني

رد للتمريره بمعنى الأحتلال الحقيقي للدير والأرض


أما يقف للقبيله شاعر يرد مثل هالرد ويفطن فالأمور


ولا يستريحون

[سلمان المرشدي]

أبيض وجه يافهد


أعجبني بيت للقرقاح فيه تمريرة تاريخيه

نقوة حلالك من يدك في جيبي
وانا ادري انك عتيبي بن عتيبي

بيت خطير يعني الجزية المزعومه

لكن
ههههه

جاء الرد من الداهيه الأخطر

وطنك من خيرات الارض اعطاني
مادمت قحطاني ولد قحطاني

رد للتمريره بمعنى الأحتلال الحقيقي للدير والأرض


أما يقف للقبيله شاعر يرد مثل هالرد ويفطن فالأمور


ولا يستريحون

الاخ منير بارك الله فيك لم يذكر ان العتبان دفعو الجزيه حسب ماسمعنا من التاريخ