((مطير وعتيبه )) .. بين العتيبي والمطيري صداقه .. من عصرنا الاول الى وقتنا الحين

[سعود بن عيد العضيله]

السلام عليكم ورحمة الله
عندما رايت ان هناك من لاتعجبه العلاقه الطيبه والمتميزه بين قبيلتين عزيزتين متجاورتين قبيلتي مطير وقبيلة عتيبه ويثير النعرات والعصبيات الجاهليه واشعال الفتنه خاصة في بعض المسابقات الشعريه وغيرها ، جادت قريحتي بهذه الابيات :


بين العتيبي والمطيري صداقه ... من عصرنا الاول الى وقتنا الحين
اخوان فالاسلام ربع ورفاقه ... وهذا طبيعي فالعرب والمسلمين
واللي مشكك في وثوق العلاقه .. يروح للدوشان والا الرباعين
ينشد شيوخ المعرفه والعراقه .. ويلقى الجواب اعلوم زينن على زين
واللي مضى من جهل والا حماقه .. كانت قبل مايدخل الناس فالدين
كانت تقوم المعركه لاجل ناقه ... كان السبب فيها اضعوف ومجانين
اكبر فخرنا ديننا واعتناقه ... شريعة محمد بها العدل واللين
جيران مااحد خان جاره وباقه .. غير النسب معروف بين الاصيلين
عدونا ماهو على اسم البطاقه ... عدواننا هم اليهود الملاعين
ولو كان فيه اشخاص فيهم صفاقه .. يبقون دوم ايسار والعالم ايمين
لمطير وعتيبه ثمانين باقه ... من الزهور اليانعه والرياحين
هدية ن لاهل القلوب الرقاقه ... يستاهلون الطيب قومن كريمين
الطيب فيهم يعشقونه اعشاقه ... ولاهي غريبه فالرجال الشجيعين
اعلومهم جزلات ماهي ادقاقه ... الله خلقهم روس ماهم كراعين
حذرا منافق ما تبين نفاقه ... يبي يخرب بينكم يالنظيفين
يجيه على ضر الاجواد فاقه ... خبيث طبع ورفقته للشياطين
العز والنوماس قايم اسباقه ... وكل القبايل والنعم بالملايين
الخير نفتح له ثلاثين طاقه ... والشر نغلق بابه ويبطي اسنين سعود بن عيد العضيله المطيري

[أبن حشيان]

ياسعود ابن عيد ماعلاكم زود ولك مني مائه وثمانون نعم عدد الابيات التي كتبت وانشالله يجيك الرد مني او من احد الشعار

[فهيد الايدا المورقي]

سعود العضيله صح لسانك وبيض الله وجهك


تحيتي

[سعود بن عيد العضيله]

ابن حشيان
حياك الله و نعم حالك وبيض الله وجهك على هالكلام الطيب
انا ماقلت القصيده ادور رد الله يسلمك انا كتبتها لاني اشعر بالفخر والاعتزاز بعلاقتنا الطيبه مع بعض واخوتنا وجيرتنا ولاهي غريبه

[فهد الزهراني]

ياصح الله لسانك وفكرك ياسعود

اشهد بالله انك كفو وقصيدك كفو وموقفك يستاهل من يشيد به وفعلا القبائل هي كذلك ما بينها الا الطيب بوجود العقلاء ويجب عدم السماح للمراهقين وصغار العقول بتعكير هذه العلاقة

القبائل قوة في اتحادها تحت مظلة الدين والدولة حماها الله ..

والامور المشتركة والعلاقات الوثيقة ومآثر الطيب هي التي يجب ابرازها ويجب التغافل عن احداث الفتن التي كانت بأسبابها بمافيها الجهل وقل الدين وانتشار الجوع والقحط.

اتمنى تسود هذه الروح
وتستمر هذه المساجلات وصدقوني ستغير الكثير خاصة في عقول النشء

دمتم بخير اخي سعود

[سعود بن عيد العضيله]

بناخي الايداء
صح بدنك اخوي ووجهك ابيض
ماعليك زود ومشكور على المرور

[ابو فايح]

صح لسانك وكثر الله من أمثالك


مهما حصل نبقى إخوه يجمعنا دين واحد ينفي كل مظاهر العنصريه

[ابن البجاديه]

الاخ العزيـــــــز سعود العضيله

انت من روس ريجيل ماهي بغريبه عليكم العلوم الطيبه..

وكلامك يدل على طيبك وشجاعتك..


وحنا ومطير تحت راية لا اله الا الله محمد رسول الله..

انساب واخوان وربع وجماعه..

مافيه احدن دون احد..

وجعل عمرك طويــــــــــل ياسعود وصح لسانك..

وتقبل تحياتي واحترامي لك ولامثالك من اهل الطيب..

[الوازعـي]

صح لسانك يالعضيله وهذاء الصحيح الواقعي

والمثل قال//

أنتجمعنا على الدين والطاعه "" ونتفرقنا دروب الله أوساعي

[سعود بن عيد العضيله]

فهد الزهراني
حياك الله وصح بدنك وماعليك زود
اشكرك على مداخلتك الراقيه وكلامك الطيب الجميل ولاهو غريب منكم الطيب يابني زهران
اتفق معك فيما قلت والله يديم الامن والامان والمحبه بين الجميع

[ثنيان المطيري]

صح لسانك ياسعود

ونرد علاك رجل ماهي بشينه

[سعود بن عيد العضيله]

ابو فايح
صح بدنك والله يعطيك العافيه مشكور على المرور

[سعود بن عيد العضيله]

ابن البجاديه
حياك الله اخوي وماعليك زود وصح بدنك
عباراتك تدل على عقلك وفكرك الراقي وقلبك الطيب
اشكرك واتفق معك فيماقلت ولاهنت على المرور

[عبدالرحمن المسعودي]

صصصح اللـسآنك يالعضيله

وما بينااا شك اخوان

[سلطان الهيــــلا]

صح لسانك يالعضيله وكثر الله من امثالك

[سعود بن عيد العضيله]

ثنيان الجش
عبدالرحمن المسعودي
سلطان الهيلا
صحت ابدانكم ومشكورين على المرور لاهنتم

[سلمان المرشدي]

اخي سعود الشكرك مليون ولاتكفيك وهذا دليل علئ رجاحة عقلك بعيد المهاترات وكلام المراهقن
لكن مهما قالو تبقئ مطير وعتيبه جيران وعواني تجمعهم خوة الدين و صداقه الطيبه من دون كل القبايل فاانتم خوالنا ونحن خوالكم وهذا من مايشرفنا ويشرفكم ياحمران النواظر

[سعد الرويس العتيبي]

بارك الله بك , شكراً أخي الكريم

[ولدعساف]

..

.


صح لسـآنكـ حتى ترضى .. وكثر الله من أمثالكـ ..

وبالفعل فعلاقة قبيلة عتيبه بمطير هي علاقة اخوة في الدين قبل كُل شيء .. وعلاقة نسب وجيره ..

فـ لله در الشاعر الذي يجعل شعره مفتاحاً للخير مغلاقاً لشر ..

ودي وتقديري لشخصك الكريم :)..


.


..

[سعود بن عيد العضيله]

ابوعدي المرشدي
حياك الله اخوي ولاشكر على واجب ويسلم راسك على هذا الكلام الطيب
صدقت فيما قلت وماعليك زود والله لايهينك ويعطيك العافيه

[سعود بن عيد العضيله]

سعد الرويس
العفو اخوي ومشكور على المرور لاهنت

[سعود بن عيد العضيله]

ولد عساف
اهلا وسهلا بك وصح بدنك وماعليك زود
اشكرك على المرور الكريم والاسلوب الراقي
تحياتي وتقديري واحترامي لك