(الحب نعمه ونوب سقام)

[مازن بن سعد بن شبلان]

(الحب نعمه ونوب سقام)




ياطول صبري على الأيام=وياحظي الي تعثر بي

سهران يوم العرب نيّام=وصروف الأيام تلعب بي

ارجي عسى الواحد العلام=يرأف بحالي ويلطف بي

في حيرتي لي ثلاث اعوام=ثلاثة اعوام في كربي

لو كنت في ظاهري ضرغام=في داخلي هم يفتك بي

حبر القلم بالنيابه قام=يكتب شعوري ويشعر بي

اثر المحبه لها ميسام=يكوي وكيّه على قلبي

كيّه على قلبي الهيّام=الي من أعوام منعطبي

كنت أحسب إن الغرام أحلام=يالين شفته على دربي

مانيب راعي لها الأوهام=يالين هب الهوى الغربي

ياليته يهب طول العام=الي بريح الشذى يسبي

ريحة شذى عذبة الأنغام=جعلي فدى صوتها العذبي

نظره وكلمه وأنا منظام=ضيمي على الوصل والقربي

قلبي غدا في يديه لجام=يمشي بطوعه وهو طربي

ممشىً على سنةٍ وإسلام=مانتبع العالم الغربي

الله يزيده من الأنعام=زاهي جماله وهو ذربي

الحب نعمه ونوب سقام=وانا من الثانيه قربي

شعر / مازن بن سعد بن شبلان العضياني

[أبن حشيان]

اخي مازن قصيدتك جميله جدا الله يعطيك العافيه صح لسانك يلغالي تقبل مروووري

[محمد الذيابـــي]

صح لسانك يامازن

[مازن بن سعد بن شبلان]

إبن حشيان صح بدنك وشاكر لك مرورك العذب

[مازن بن سعد بن شبلان]

محمد الذيابي

اشكر لك مرورك ولاهنت يالغالي

[صالح الوازعـي]

صح لسانك يبن العم قصيده جزله

وشاعر جزل

تقبل مروري

[فهد العازمي العتيبي]

..


صح لسانك يا ابن شبلان

ولاهنت ...