المساعد الشخصي الرقمي

مشاهدة النسخة كاملة : العروشية من ديار العصمة في بني سعد


رفيق الطيب
07-Jun-2011, 02:56 PM
بسم الله الرحمن الرحيم
السلام عليكم ورحمة الله وبركاته تحيه طيبه وبعد:
بناءً على ما تقدم به الأخوان من مواضيع بما تخص قرى قبيلة العصمه وهجرهم احببت ان اشارك بهذا الموضوع اقراراً على ما تقدم به بعض الأخوان وتوضيح وتصحيح لما تقدم به بعض الأخوان , قرية العروشيه هل هي للعصمه ام لا . فلقد ذكر المؤرخين امثال الجاسر وال فهد عصمة بني سعد في مؤلفاته...

وبهذا يكون أن العصمه من الحجاز وما زال لهم بقيه في السراه في بني سعد في قرية العروشيه مع الشهبه وهم اليوم خوال وانساب وعواني مع الشهبه فهم اليوم تربطهم علاقه قويه وموده ومحبه وصلة رحم قويه جداً.
وهذه صوره من حجه قديمه بين الشهبه والعصمه على الحمى وهي حجه مجدده بتاريخ 1150هـ على قواعد وحمى حجه سابقه بتاريخ 1080هـ وهي أيضا مجدده لحجه سابقه وهي توضح العصمه من الرواضي والدعاجين من الطوال واليكم هذه الصورة

http://www.otaiby.com/upload/uploads/otaiby.com_13071750731.jpg (http://www.otaiby.com/upload/)

وهذه صوره من حجه لصالح بن مرشد العصيمي تثبت أن الدعاجين والعصمه من الشفعان كانوا يسكنون هذه القرى ومن الشفعان الفواينه والمذكور اسم بعض أبائهم وهم زايد بن فاين و زويد بن فاين و عمر بن فاين ,والدعاجين وهذه الحجة بتاريخ يوم الاثنين السادس عشر من شهر سفر سنة خمس و أربعين ومائتين و ألف كما ورد في الحجة.

http://www.otaiby.com/upload/uploads/otaiby.com_13071748301.jpg (http://www.otaiby.com/upload/)


وبهذا يكون هذا إثبات لكلامي و إيضاح ونزول لرغبة الأخوان قمت بالرد بالدلائل والبراهين تثبت صحة ما قلت

ولكم جزيل الشكر

ابن فاين
08-Jun-2011, 10:54 PM
بيض الله وجهك ياأبو صالح والنعم بأهل العروشيه ربعنا الرواضي

فهد العازمي العتيبي
10-Jun-2011, 07:41 PM
..


لاهنت يالعصيمي على الموضوع والوثائق

ونعم بالديره واهلها

وجعلها عمار دياركم يالعصمه ...

الامير حريبيش
11-Jun-2011, 06:47 PM
رفيق الطيب ونعم في العصمه في مقر عتيبه القديم او في اطراف الحجاز ونجد وبيض الله وجهك علي الوثائق الدامغه في الحجه التي اسكتت لسان كل معارض او مشكك وبيض الله وجهك مره ثانيه

(مہودع دنہيأهہ)
14-Jun-2011, 09:04 AM
والله ونعم مليون في عيال عمنا العصمه ولا يسدون.ولاكن وانا اخوك جنوب الطايف ديار لقبايل بني سعد بس.ولا العرويشه هجره لخامس واحد من العصمه بس.ولا ديار العصمه الأصليه قطر ساموده وركبه وهاك الديار.

وعندي سؤال ياليت تجاوبني عليه.الوثايق هذي كم عمرها!!!يعني بالتحديد لا تقلي أرقام التاريخ لأني ماعرف له والله هههههههههههههههههه يعني بالتحديد قبل كم سنه!!عشان تضيف لي معلومات اكثر.

وبيض الله وجهك يارفيق الطيب على الطرح القيم ولاهنت.



تقبل مروري:وننتضر جديدك



أخوووووووووك

رفيق الطيب
14-Jun-2011, 01:34 PM
بيض الله وجهك ياأبو صالح والنعم بأهل العروشيه ربعنا الرواضي

ونعم فيكــــــ وفي ربعكــ الفواينة أهل بسل

تشــــــرفت بمروركـ الكريم

رفيق الطيب
14-Jun-2011, 01:35 PM
..


لاهنت يالعصيمي على الموضوع والوثائق

ونعم بالديره واهلها

وجعلها عمار دياركم يالعصمه ...

ونعم فيك وفي ربعك

حياك الله ,,, تشرفت بمرورك الغالي

رفيق الطيب
14-Jun-2011, 01:36 PM
رفيق الطيب ونعم في العصمه في مقر عتيبه القديم او في اطراف الحجاز ونجد وبيض الله وجهك علي الوثائق الدامغه في الحجه التي اسكتت لسان كل معارض او مشكك وبيض الله وجهك مره ثانيه

حيااااااك الله يالأمـــــير

ماعلاك زود ونعم فيك وفي النفعة كلهم

تشرفت بمرورك الرائع

رفيق الطيب
14-Jun-2011, 01:51 PM
والله ونعم مليون في عيال عمنا العصمه ولا يسدون.ولاكن وانا اخوك جنوب الطايف ديار لقبايل بني سعد بس.ولا العرويشه هجره لخامس واحد من العصمه بس.ولا ديار العصمه الأصليه قطر ساموده وركبه وهاك الديار.

وعندي سؤال ياليت تجاوبني عليه.الوثايق هذي كم عمرها!!!يعني بالتحديد لا تقلي أرقام التاريخ لأني ماعرف له والله هههههههههههههههههه يعني بالتحديد قبل كم سنه!!عشان تضيف لي معلومات اكثر.

وبيض الله وجهك يارفيق الطيب على الطرح القيم ولاهنت.



تقبل مروري:وننتضر جديدك



أخوووووووووك

حيااااااااااااك الله يالسعدي

العروشية ليست هجرة لأنها تعتبر أول قرية للعصمة

وجميع ديار العصمة تقال لها هجرة وليست قرية ماعدى العروشية يقال إلها قرية

والعروشية أقدم قرية للعصمة واللي في سامودة والجفر كلهم من العروشية

وتقع في قلب سراة بني سعد وكانت قبل خمسمائة سنة تجمع آلاد عاصم جميعهم

والآن فيها خامس الرواضي من الشفعان من العصمة لازالوا يعيشون في قريتهم الأولى


بالنسبة للحجج فيه أقدم من هذي اللي نزلتها بكثير

واللي نزلتها في هذا الموضوع .. الآولى قبل 380 سنة

والثانية قبل 275 سنة


شاكر لك مرورك الرائع

والله يعطيك ألف عافية




رفيق الطيب
12 / 7 / 1432هـ

عائضي
15-Jun-2011, 04:36 AM
بيض الله وجهك

لك الشكر و التقدير على الطرح جهود مميز لك

لك احترامي

(مہودع دنہيأهہ)
15-Jun-2011, 07:39 AM
حيااااااااااااك الله يالسعدي

العروشية ليست هجرة لأنها تعتبر أول قرية للعصمة

وجميع ديار العصمة تقال لها هجرة وليست قرية ماعدى العروشية يقال إلها قرية

والعروشية أقدم قرية للعصمة واللي في سامودة والجفر كلهم من العروشية

وتقع في قلب سراة بني سعد وكانت قبل خمسمائة سنة تجمع آلاد عاصم جميعهم

والآن فيها خامس الرواضي من الشفعان من العصمة لازالوا يعيشون في قريتهم الأولى


بالنسبة للحجج فيه أقدم من هذي اللي نزلتها بكثير

واللي نزلتها في هذا الموضوع .. الآولى قبل 380 سنة

والثانية قبل 275 سنة


شاكر لك مرورك الرائع

والله يعطيك ألف عافية




رفيق الطيب
12 / 7 / 1432هـ


أسمع مني وانا أخوووك.السراه فالأصل لشبابة بني مالك وزهران وشبابة فهم.من ضار بعدين حدرو يمها بني سعد.عاد متى وكيف هذي إلا الأن مالقيت لها جواب.وعلى حسب ما أضن يعني وجهة نضر لا أكثر ولا أقل إن اللي حدرو لسراه هم بني سعد بس.وقبايل عتيبه الباقيه بقت في ديارها الأصليه شرق الطايف ومنهم من حدر لنجد ولشمال الطايف.ولأني ماعمري سمعت بئن العصمه كافه كانو في بني سعد لا من الشياب ولا من بعض أخوياي العصمه .لذا أعتقد والله أعلم إن ديار العصمه الأصليه قطرساموده وركبه والديار اللي هناك.وأكرر شكري لك يا أخوي على الطرح القيم.وياليت لو عندك وثايق أقدم من اللي عرضتها تتكرم علينا إبها.وياليت بعد تفيدنا متى هاجرو العصمه من قرى بني سعد وليش؟لأن مثل ماتعرف وانا أخوك تاريخ عتيبه وأخبارها فالحجاز يعتبر شبه مغيب بسب قلة المهتمين .عشان كه نتمنى تفيدنا بكل ماتعرف عن هذه الأمر.



وتقبل مروري:



أخوووووووك

عائضي
15-Jun-2011, 01:50 PM
أسمع مني وانا أخوووك.السراه فالأصل لشبابة بني مالك وزهران وشبابة فهم.من ضار بعدين حدرو يمها بني سعد.عاد متى وكيف هذي إلا الأن مالقيت لها جواب.وعلى حسب ما أضن يعني وجهة نضر لا أكثر ولا أقل إن اللي حدرو لسراه هم بني سعد بس.وقبايل عتيبه الباقيه بقت في ديارها الأصليه شرق الطايف ومنهم من حدر لنجد ولشمال الطايف.ولأني ماعمري سمعت بئن العصمه كافه كانو في بني سعد لا من الشياب ولا من بعض أخوياي العصمه .لذا أعتقد والله أعلم إن ديار العصمه الأصليه قطرساموده وركبه والديار اللي هناك وأكرر شكري لك يا أخوي على الطرح القيم.وياليت لو عندك وثايق أقدم من اللي عرضتها تتكرم علينا إبها.وياليت بعد تفيدنا متى هاجرو العصمه من قرى بني سعد وليش؟لأن مثل ماتعرف وانا أخوك تاريخ عتيبه وأخبارها فالحجاز يعتبر شبه مغيب بسب قلة المهتمين .عشان كه نتمنى تفيدنا بكل ماتعرف عن هذه الأمر.



وتقبل مروري:



أخوووووووك

اخواني :

بما اني في نجد و لا اعرف المواقع اللي ذكرتوها ودي تذكرون اين تقع بالنسبه لطائف واي طريق اقرب اليها او يصل اليها ؟

كذلك افهم منك اخي سعدي هوازني اللي باللون الاحمر من مشاركتك انها في الاصل لبني مالك وزهران. ماتعرف اسباب تركهم لها ؟


اشكركم على جهودكم و اثراااااااء المعلومات

رفيق الطيب
15-Jun-2011, 04:19 PM
أخي الكريم

قبل كل شي فليعلم الجميع أن ديار عتيبة الأصلية سراة بني سعد

وسامودة ليست من ديار العصمة الأصلية

أصل العصمة من العروشية (( سراة بني سعد ))

وقول أنها لشبابة وبني مالك لاصحة له أبداً

وهناك قصص لاداعي لذكرها الآن عن سبب رحيل العصمة

من ديارهم الأصلية العروشية ... قد تسبب شوشرة لامنتهى لها

رفيق الطيب
15-Jun-2011, 04:24 PM
اخواني :

بما اني في نجد و لا اعرف المواقع اللي ذكرتوها ودي تذكرون اين تقع بالنسبه لطائف واي طريق اقرب اليها او يصل اليها ؟

كذلك افهم منك اخي سعدي هوازني اللي باللون الاحمر من مشاركتك انها في الاصل لبني مالك وزهران. ماتعرف اسباب تركهم لها ؟


اشكركم على جهودكم و اثراااااااء المعلومات

حياك الله يالطيب

لاتصدق أن بني سعد أصلها لشبابة

يقول الشاعر :


عتيبة قبيلة وأصلها مابه أطعون = وبني سعد ساس النسب والمظلة

قرنة عتيبة في نسبها يعدون = وظير النبي منهم وهم خولة له

والرسول صلى الله عليه وسلم مرضعته حليمة السعدية من بني سعد ... جنوب الطائف

وهذا دليل أن عتيبة أصلها من بني سعد

وعند ذكر سامودة على اللسان فإننا نقول هجرة سامودة لأنها ليست الأصل

فجميع العصمة أهل نجد والحجاز يعودون في العروشية

واللي ماهو من العروشية ماهو عصيمي

(مہودع دنہيأهہ)
16-Jun-2011, 05:06 AM
اخواني :

بما اني في نجد و لا اعرف المواقع اللي ذكرتوها ودي تذكرون اين تقع بالنسبه لطائف واي طريق اقرب اليها او يصل اليها ؟

كذلك افهم منك اخي سعدي هوازني اللي باللون الاحمر من مشاركتك انها في الاصل لبني مالك وزهران. ماتعرف اسباب تركهم لها ؟


اشكركم على جهودكم و اثراااااااء المعلومات



أخوي الديار هذي جنوب الطايف بسبعين كليو تقريباً .على طريق الجنوب.


والمعذره على الخطاء اللي وقعت فيه يوم قلت بني مالك وزهران.(لأنها هي فالأصل لعدوان)


وأول ذكر لبني سعد فيه كان(فالقرن الراابع)واما متى حدرو يمها بالتحديد وكيف حدرو يمها (هذي إلا الأن مافي شي موكد لها ولا لقينا لها جواب حتى الأن)


وأتمنى أني فدتك بما أعرف.

(مہودع دنہيأهہ)
16-Jun-2011, 05:11 AM
حياك الله يالطيب

لاتصدق أن بني سعد أصلها لشبابة

يقول الشاعر :


عتيبة قبيلة وأصلها مابه أطعون = وبني سعد ساس النسب والمظلة

قرنة عتيبة في نسبها يعدون = وظير النبي منهم وهم خولة له

والرسول صلى الله عليه وسلم مرضعته حليمة السعدية من بني سعد ... جنوب الطائف

وهذا دليل أن عتيبة أصلها من بني سعد

وعند ذكر سامودة على اللسان فإننا نقول هجرة سامودة لأنها ليست الأصل

فجميع العصمة أهل نجد والحجاز يعودون في العروشية

واللي ماهو من العروشية ماهو عصيمي





يا أخوي الله يهديك بس.ومن اللي ذلحين طعن في نسب عتيبه؟؟؟(تراء كل اللي قلته انا كان عند الديار بس)والسراه فالأصل لقبيلة عدوان.وأول ذكر جاء لبني سعد فيها فالقرن الرااابع.هذه اللي أتكلم عنه انا.وبعدين وانا أخوك(عتيبه محتفضه بئسم جاهلي وهو بني سعد ولا فيه أحد يقدر يطعن في نسبها لأنه واضح وضوح الشمس .عشان كه الله يرحم ولدينك أفهم الكلام زين وانا أخوك قبل لاترد.





وكلن وله وجهت نضر(وإختلاف الراي لايفسد للود قضيه)

رفيق الطيب
16-Jun-2011, 01:21 PM
إنني أرى الآن أننا قد خرجنا عن صلب الموضوع

والموضوع يتكلم عن أول قرية للعصمة (( العروشية )) والتعريف بها

شكراً لكل من مر من هنا





بارك الله فيكم ...
:)

(مہودع دنہيأهہ)
17-Jun-2011, 04:12 AM
والله مدري إن كان ضهرنا عن الموضوع ولا لا.

ولاكن المهم إنا تشرفنا بالنقاش معك.

رفيق الطيب
17-Jun-2011, 07:11 PM
وأنا كذلك

حياك الله

عبد الله الثبيتي
09-Jul-2011, 07:57 PM
ونعم بالديرة وأهلها

معروفين أهل الكرم

الله يجعل ديارهم بالسيل

رفيق الطيب
31-Aug-2011, 10:52 PM
ونعم فيك

الله يسلمك

محمد الذيابـــي
12-Nov-2011, 05:29 PM
,,


لا هنت على النقل الرائع...

,,,,,,

الجد الخامس
09-Dec-2011, 05:43 PM
يارفيق الطيب بارك الله فيك اشوف بالوثيقه غير العصيمي بالحمى من اهل ا لعروشيه وش معناته هذا وبعدين وشهو الحمى اللي يتلكمون عنه الظاهر انه حدود مزرعه لهم والله اعلم واحب اقول لك اني سمعت فيه به اثنين اخوان مستوطنين ببني سعد مدري عاد بالعروشيه هم والا وين لكن بجبال بني سعد وواحد منهم وعياله يكتبون الثبيتي والثاني يكتب العصيمي فان كان انت منهم ليت توضح لنا هالاشكاليه واحب اقول لك بارك الله فيك ديار العصمه مثل ما قالوا الاخوان ساموده والقطر هذاك والظاهر انك ما قريت قصيد العصمه زين لو قريت الشعر القديم عرفت حدودهم وديرتهم

رفيق الطيب
10-Dec-2011, 08:30 PM
يارفيق الطيب بارك الله فيك اشوف بالوثيقه غير العصيمي بالحمى من اهل ا لعروشيه وش معناته هذا وبعدين وشهو الحمى اللي يتلكمون عنه الظاهر انه حدود مزرعه لهم والله اعلم واحب اقول لك اني سمعت فيه به اثنين اخوان مستوطنين ببني سعد مدري عاد بالعروشيه هم والا وين لكن بجبال بني سعد وواحد منهم وعياله يكتبون الثبيتي والثاني يكتب العصيمي فان كان انت منهم ليت توضح لنا هالاشكاليه واحب اقول لك بارك الله فيك ديار العصمه مثل ما قالوا الاخوان ساموده والقطر هذاك والظاهر انك ما قريت قصيد العصمه زين لو قريت الشعر القديم عرفت حدودهم وديرتهم

هلا فيك
الحمى أرض مشتركة بين العصمة والشهبة
الشاة اللي تطب فيها تعقر
وبشرط الفحل والمنيحة ماتعقر وكذلك منيحة الخطار المشرية
وفيه اثنين عيال عم واحد يكتب عصيمي والاخر ثبيتي
ووصل الله العصيمي هو جدي ولد عم عوض الثبيتي رحمه الله
العصيمي خلف حوالي 50 من ذرينه أطال الله في عمر الأحياء منهم ورحم من مات منهم
والثبيتي رحمة الله عليه خلف حوالي 15 من ذريته حفظهم الله
وسبب كتابته لثبيتي هو سبب القرابة بينه وبين الشهبة من الثبتة
وغير اللقب الأساسي كحال القبائل الآخرى حين مجاورتها مع قبائل أخرى

وماتقدر تحكم على أصل العصمة وديارهم
واللي باين أمام الجميع أن أصلهم من بني سعد .. العروشية
لأن حجج تملك العصمة بني سعد أقدم من حجج العصمة في شمال الطائف
والله العالم لهذا ...

وشكراً لك
وحياك الله

رفيق الطيب
10-Dec-2011, 08:35 PM
ولنا ربع في الكويت وفي الشرقية
منهم فيصل المسلم من خامس الرواضي الشفعان
رحل جده من العروشية بسبب ثأر عندما قتل قاتل ابيه

عايض جزاء العصيمي
10-Dec-2011, 10:31 PM
بيض الله وجهك

الجد الخامس
15-Dec-2011, 02:13 AM
الله يحفظك يا اخوي رفيق الطيب مادمت تقول انهم والدك وابن عمه واحد يكتب عصيمي والثاني يكتب ثبتي لصلة قرابته بالشهبه فهذا يثبت ان عتيبه متداخله وان ممكن اي احد يغير اسمه وينتسب لقبيله من ابناء عمه من عتيبه وكلهم عتبان وهوازن ومتداخلين وودي افيدك اخوي ان ديار برقا الاصليه مو بني سعد وهالشي معلوم بكتب التاريخ لو قريت او تؤمن بهالشي ولو ما تبي عاد هالشي راجع لك ما اقدر اغصبك
يمكن احد شرا من العصمه ببني سعد ويمكن احد من بني سعد انتسب باسم خواله العصمه وهذي تصير كثير بالقبايل ويمكن تشابه اسامي وفيه يا اخوك عصم وعصمان زود ونعمين بهم ربعنا وانا ما اقول ان عصمة العروشيه عصم او عصمان زود الله اعلم لكن الشي بالشي يذكر واكيد انت ما دام تقول عصمه فاكيد انك عصمه مو ثبته والناس مؤتمنون على انسابهم واكيد جدكم شاري لان برقا مو اصلا ببني سعد وعتيبه تداخلت قايلها وهالشي معروف وكلهم ربع واحدين وكلهم هوازن مافي فرق بينهم لكن عاد الانساب امانه والله اعلم
لاحظ يا اخوك ان ابوك وعمك واحد كاتب ثبيتي والثاني عصيمي ولاحظ ان مافي من العصمه الا هالرجلين وهالشي مو منطقي العصمة كلهم من مئات السنين هاجرو من بني سعد وهالرجل وابن عمه طول هالسنين مافي غيرهم وتو جالهم ذريه عاد انت احكمها يا اخوك وموضوع فيه وثايق قديمه او جديده مع احترامي لكلامك انا ما شفت وانت تقول شفت وما باقول لك حطها لنا نشوفها لاني متاكد انها ما بتفيدنا بشي بموضوعنا ذا ابداً لكن باقول لك اقرها زين امازين مره ثانيه بتعرف حزتها ان افادتي لك صحيحه والمسلم وربعه معروفين عند العصمة ومعروف منين اهم يا اخوي مو من العروشيه الله يطول عمرك ومو من بني سعد الله يحفظك

رفيق الطيب
15-Dec-2011, 03:12 PM
الله يحفظك يا اخوي رفيق الطيب مادمت تقول انهم والدك وابن عمه واحد يكتب عصيمي والثاني يكتب ثبتي لصلة قرابته بالشهبه فهذا يثبت ان عتيبه متداخله وان ممكن اي احد يغير اسمه وينتسب لقبيله من ابناء عمه من عتيبه وكلهم عتبان وهوازن ومتداخلين وودي افيدك اخوي ان ديار برقا الاصليه مو بني سعد وهالشي معلوم بكتب التاريخ لو قريت او تؤمن بهالشي ولو ما تبي عاد هالشي راجع لك ما اقدر اغصبك
يمكن احد شرا من العصمه ببني سعد ويمكن احد من بني سعد انتسب باسم خواله العصمه وهذي تصير كثير بالقبايل ويمكن تشابه اسامي وفيه يا اخوك عصم وعصمان زود ونعمين بهم ربعنا وانا ما اقول ان عصمة العروشيه عصم او عصمان زود الله اعلم لكن الشي بالشي يذكر واكيد انت ما دام تقول عصمه فاكيد انك عصمه مو ثبته والناس مؤتمنون على انسابهم واكيد جدكم شاري لان برقا مو اصلا ببني سعد وعتيبه تداخلت قايلها وهالشي معروف وكلهم ربع واحدين وكلهم هوازن مافي فرق بينهم لكن عاد الانساب امانه والله اعلم
لاحظ يا اخوك ان ابوك وعمك واحد كاتب ثبيتي والثاني عصيمي ولاحظ ان مافي من العصمه الا هالرجلين وهالشي مو منطقي العصمة كلهم من مئات السنين هاجرو من بني سعد وهالرجل وابن عمه طول هالسنين مافي غيرهم وتو جالهم ذريه عاد انت احكمها يا اخوك وموضوع فيه وثايق قديمه او جديده مع احترامي لكلامك انا ما شفت وانت تقول شفت وما باقول لك حطها لنا نشوفها لاني متاكد انها ما بتفيدنا بشي بموضوعنا ذا ابداً لكن باقول لك اقرها زين امازين مره ثانيه بتعرف حزتها ان افادتي لك صحيحه والمسلم وربعه معروفين عند العصمة ومعروف منين اهم يا اخوي مو من العروشيه الله يطول عمرك ومو من بني سعد الله يحفظك

إيش رايك لو قلت لك أن الفواينة كانوا في بني سعد
وجدهم فاين عاش ومات فالعروشية وكذلك العوض مذكور جدهم عايض
وأصلاً وادي البان ماكان فيه شهبة كان جميعه للعصمة والشهبة سكنوا عام 1080هـ والله العالم
علماً أن أقدم حجة لدينا عام 981هـ وفيه أقدم منها وديار عتيبة الأصلية بني سعد بالحجج وليس بالكتب
وإحنا من بني سعد العروشية متوارثينها أبا عن جد وهي أصل الشفعان منها بالـــــوثايـــق والحــــجـــج
وفيصل المسلم هو : فيصل بن علي بن عبد الله بن مسلم بن سليمان بن راضي بن حمدان بن راشد
بن راضي بن حسن الشفيعي العصيمي السعدي
وهذا نسبه الصحيح وأنا ألتقي معه في الجد راشد بن راضي بن حسن العصيمي
وعد أنت كم جد لفيصل المسلم .... وأنت لو تعد جدانك مايجون خمسة !!!
الأصل أصل ماتقدر تحرف فيها ... وأنا كلمتك بإحترام علماً أنك تريد الطعن بالأنساب مع إحترامي لك
والا أنا كان لي تعامل ثاني معك يالغالي ...وإذا ماتعرف نحن أصل العصمة
وترى حججنا قديمة إذا بغيت إفادة في شي أبشر
وماراح حنا نقصر معك إن شاء الله

الجد الخامس
15-Dec-2011, 04:42 PM
هلا اخوي
ورقة الحمى اللي انت موردها بافتراض انها صج فهي تقول ان من اهل العروشيه فلان وفلان العصيمي وفلان الطويل وفلان الطويل هذول من اهلها يعني فيه بعد غيرهم وهذول مو عصمه كلهم
وتاريخها مو بعيد ومبين منم المكتوب على حمى سابق يعني قريب من التاريخ اللي انت ذكرته ومن ورقتك والتواريخ اللي ذكرتها يبين ان الشهبه هم اهل الديره وان الاخوين العصمه المذكورين من جملة سكان قرية العروشيه ؟ سامحني على تفكيري القاصر اللي ما سمح لي افهم غير جذي
عاد انت مبين زعلت علي وقلت اني لو اعد جداني ما يجون خمسه صدقني اخوي انا يكفيني ربعي يعرفوني ما ابي اعرف واجد من جداني لان الرسول صلى الله عليه وسلم يقول كذب النسابون
عموما اخوي لا تاخذ بخاطرك مني لان انت طرحت الموضوع بزينه وتناقضاته وانا طالبك السموحه يمكن موضوعك زين وانا مفهوميتي لك عليها وانت اخوي كاتب بعمرك ان المسلم قايل انه مخضاري بمنتدى الكويت وعاد مدري منو مات بالعروشيه لو فاين لو عايض فلو افترضانا انه فيه بعد عندك ورقه تثبت انهم ماتو بعروشيه بعد تراها كبيره يا اخوك وربنا العالم لا تدري نفس بأي أرض تموت عادي ابوي مات بالكويت خلاص يعني جده الثالث من الكويت
وعاد انا قلت اللي عندي تبي تقول ان اصل العصمه من عروشيه من بني سعد انك انت جدهم كلهم عاد ما معي فيك حيله ياخوك ربنا وربك الله قول اللي تبي يا غاي بس فيه نغطه يا خوي الله يخليك لا تقولني شي ما قلته والله ما شككت بنسبك حاشا لله انت قلت ابن عم ابوك كتبت ثبيتي لانه الشهبه قرابته وبينت انت ان هالشي عادي عند العتبان والقبايل مدري شنو فعاد يكتب يقول لانهم قرابه لانه عيال خال لانهم اصدقاء براحته كلهم خير وبركه وكلهم ربعنا واهلنا ا
حفظك الله وانا مداخلتي خلصت والسموحه لو مداخلتي زعلتك طال عمرك

رفيق الطيب
15-Dec-2011, 04:50 PM
الطويل اللي ذكرته من الدعاجين
وهذا يدل أن العروشية منبع بقبائل برقا جميعها ( والله العالم )
والوثيقة مجددة عن وثيقة أقدم منها عام 1080هـ ..
والشهبة مالهم شي فالعروشية وفيه خامس منهم سكن قبل خمسين سنة
بعد إعطائهم وثيقة من قبل العصمة بالسماح لهم بالبناء فالعروشية .
وأنت من أهل الكويت ماتعرف أكثر من كذا
تحياتي للجميع

برقا بالعز ترقا
25-Dec-2011, 01:08 AM
ونعم بالعصمه وكل قبايل عتيبه " مشكوور ولا هنت

صامل العصيمي
16-Mar-2012, 10:00 PM
ونعم بالساااااااااس

صامل العصيمي
19-Jul-2012, 04:16 AM
رفيق الطيب . بيض الله وجهك على التوثيق

(( ظهر الحق وزهق الباطل إن الباطل كان زهوقا ))



تحياتي لعصمة بني سعد .

وصل الشهيب
19-Jul-2012, 04:25 AM
بقي أقطم محزم و مهند الشفيعي وعبدالله الثبيتي وإبن عاصم . ماهنئوك ولا باركوا لك بعد كسبت القضيه
خخخخخخخخ

صامل العصيمي
19-Jul-2012, 04:28 AM
بقي أقطم محزم و مهند الشفيعي وعبدالله الثبيتي وإبن عاصم . ماهنئوك ولا باركوا لك بعد كسبت القضيه
خخخخخخخخ

ياوصل رفيق الطيب ماقال إلا كل صحيح

الباب مفتوح رد عليه إذا عندك حجج وإثباتات دامغة مثل التي ردت عليك وعلى كل مشكك

ولما لم تشكر رفيق الطيب , وتبارك له ؟

اشكره , وبارك له , لأنه كسب القضية .

تأمر ولا تفعل !


تحياتي للجميع .

وصل الشهيب
19-Jul-2012, 04:42 AM
صامل ،
أنت رفيق الطيب
ورفيق الطيب أنت
ركز معي
أنا إمتدحتك وقلت عنك أنك أنت رفيق الطيب .ورفيق الطيب أنت .
أقصدك أنت يامهند
والحق ماهو عليك
الحق على أبوك اللي إشترى لك لاب توب

صامل العصيمي
19-Jul-2012, 04:50 AM
صامل ،
أنت رفيق الطيب
ورفيق الطيب أنت
ركز معي
أنا إمتدحتك وقلت عنك أنك أنت رفيق الطيب .ورفيق الطيب أنت .
أقصدك أنت يامهند
والحق ماهو عليك
الحق على أبوك اللي إشترى لك لاب توب

شكراً شكراً شكراً

كل الأعضاء صاروا رفيق الطيب , باقي وصل , ماصار رفيق الطيب !

أقصد أن معرف رفيق الطيب , لكل الأعضاء , إلا أنت !

الله يهديك , بارك لصاحب الموضوع ,

وهدي أعصابك .

تحيتي .



:)

وصل الشهيب
19-Jul-2012, 05:34 AM
أنا مهدي أعصابي يامهند
أرد عليك الآن من بيت أبو مقبول . عديلي
سعيد إبن إبراهيم الشهيب
في بيته اللي قدام بيتكم في العروشيه .يعني مابينه وبين بيتكم إلا الشارع ماهو بيته القديم الحجر اللي جنب الحصن
الجو عليل وشاعري . بس طلع الورقه والقلم وأكتب قصيده
الأمن مستتب
وسكون الليل . يثير المشاعر
مهند
الفرق بيننا شاسع
أنا وأعوذ بالله من كلمة أنا
في الخمسينات
وأنت يقول لي أبوك ليلة حفلة اللوا . عبدالله بن عبدالعزيز بن مستور الشهيب . وليعلم الجميع أنه من أهل العروشيه .مدير شرطة ينبع إن عمرك
مايجي خمسة عشر سنه
ماأقول إلا
أكتب يامهند . أكتب ماشئت
وش تبي أكثر من كذا
باااااااااااااي

صامل العصيمي
19-Jul-2012, 05:43 AM
لا تحرف إسمي ياوصل

الأعضاء يعرفون من هو صامل

وبيني وبينهم تواصل .

وصل الشهيب
19-Jul-2012, 05:57 AM
وش أكثر من هالتواصل يبو صالح
ماأقول إلا
الله يلعن الكذب والكذاب

صامل العصيمي
19-Jul-2012, 06:01 AM
أكرر شكري لرفيق الطيب

فموضوعه يبري العلة

وأشكر كل من شكره وبارك له

شكراً لكم وبارك الله فيكم

وكثر الله من أمثالكم .

تحيتي .

خالد سفر العتيبي
21-Jul-2012, 06:04 PM
والله ونعم بلاد عاصم محزمي تاج راسي