الطارف سديد

[ناصر محمد الهاجري]

ياسلامي سلامن له دروبن وحدا ## من هجوسن يعرف الاوله والتوالي
جيت ابا سل سيفي عندكم وتحدا ## من بغى يطرح الفريس ياهملالي

[محمد الشهري]

مرحبا مرحبا ترحيبة ماتـــــعدا === من ظمير يحب الطيــــــبه والجلالي

سل سيفك ولكن الحذر لاتردا === خلك شعيل لاجات الحمول الثقالي

[ناصر محمد الهاجري]

انت شهري وانا جيتك على ظهر سردا && والمعارك تبي رجال مثل الجمالي
شفت بيتك واثار البيت بطراف جدا&& مير فكر بعد شوري وخلك موالي

[ناصر محمد الهاجري]

مسا الخير يالشهري ترا توني شفت الرد واذا حاب انكمل الليله انا موجود وحياك الله

[محمد الشهري]

الله يبقيك ياناصر الهاجري وانا موجود وعلى حسب الوقت المتاح وفقك الله.

[محمد الشهري]

صح شهري وسردا ردها للمردا===خاف لاشفت الشهري يجيها اجتوالي
بيتنا في جبـــــــــال عاليه ماتهدا === الصقور الجوارح فوق روس الجبالي

[ناصر محمد الهاجري]

الجمل للحمل لكن جا فيه حردا&&والرشا ندرجه ياصاح فوق المحالي
كل ماسال وادي في مزوحن وجدا&& مرتينن على الوادي من المزن سالي

[محمد الشهري]

صاحبي بعد شاف الجد بالسير هدا===والركاده تراها من زحول الرجالي
الذهين الذي ليما ارتخى الحبل شدا===مايطيع الضنون ويقلب المرحالي

[محمد الشهري]

الاخ ناصر

سعدت بمحاورتك

وفقك الله اتمنى أني استطعت مجاراتك واعذرني سوف أنام لأني مشغول من الصبح .

[ناصر محمد الهاجري]

الا ياقربه امعشاكويابعد غدا ## عدني تاجرا وانته معك راس مالي

[ناصر محمد الهاجري]

مرحبا حياك الله يالشهري وتشرفنا باللعب معك وسامحني امس انقطع النت وكان الرد جاهز وبيض الله وجهك