( هات العود ) . ياحمود هات العود عندي قصيده ... نبي نغنيها على زين الالحان

[سعود بن عيد العضيله]

--------------------------------------------------------------------------------

(( هات العود ))


ياحمود هات العود عندي قصيده ... نبي نغنيها على زين الالحان
سمعت لي اليوم فتوى جديده ... منسوبة للشيخ عادل اكحيلان
امام بيت الله شهور ن عديده ... قراي للسنه وقراي قران
معروف في علمه وصدق العقيده . وتقوى وحسن الخلق مع كل الاخوان
يقول غنوا ماش ادله اكيده ... للي يحرم للغناء وين ما كان
ويقول اناساكت سنينن مديده ... واليوم اقول الراي واعلن به اعلان
ياحمود كل ابيات شعري فريده ... والصوت عندك وانت بالعود فنان
وانا الحن لك على ماتريده .... ولاتهمك هرجة افلان وافلان
قبلك خلف هذال نعم الوليده ... وحجاب والظمني وكم غير شجعان
والرب سبحانه يحاسب عبيده ... يغفر لمن هو كان عاصي وغلطان
منقول

[العرمـــ(صومالي)ــلي]

حلوه القصيده بس عندي لوتسمحونلي تعقيب بسيط:

اذا هي الفتووه اللي في راسي عن الشيخ عادل اللي كان امام الحرم يوم قال ان اغاني محمد عبده
حلال صح ان اكثرنا يووم سمعها قال شغل وارفع صوت الاغاني وذذنبك على جنبه بس اتووقع انهم ملفقينها
له وان قالها قالها فاتووقع انه ((والله اعلم مسحوور)) لان شيخ زيه ما يقوولها ولا يفتي على حاجه زي
كذا ..


والله يعيننا على الصوواب ويحفظ شيووخ المسلمين ويخليهم ..
قصيده طيبه والله يسعدك..

[محمد الذيابـــي]

صح لسانك ياسعود ومشكور يالغالي

[سعود بن عيد العضيله]

العرملي
شكرا على التعقيب والله يعطيك العافيه

[سعود بن عيد العضيله]

محمد الذيابي
صح بدنك
اسعدني مرورك لاهنت
تحياتي وتقديري

[عبدالمجيد النفيعي]

وش رايك انت بالقصيدة ؟