مين اللي ورا الملك؟

[غالب الذيابي]

http://dc16.arabsh.com/i/03022/h2qan09zi5fm.jpg


ياشباب مثلما تعرفون هذا الملك عبد الله بن الحسين.. الصورة

لقيتها عند واحد ويقول اللي وراه كلهم عتبان ( واحد مقاطي ،، وواحد ثبيتي ،، والثالث شيباني)..

لكن انا ابي اساميهم .. وهل كلامه صحيح؟.

من عنده معرفه يعلمنا..
:
:
:

[سعد بن مطلق المقاطي]

اذا فيه عتبان اللي جالس على الكرسي

هههههههههههه هذولا خدم

العتبان يجلسون اذا جلس


والله ماعرفهم



وشكرك على هذي الصوره

[غالب الذيابي]

:
:
:
:

هذولا حراسة الملك الخاصين.. الصورة التقطت في لندن

بعد تولي الملك امارة الاردن..

[سعد بن مطلق المقاطي]

ياولد ذايب عسى ايامك طويله=موقع الاهانه ماهوب العتيبه

[غالب الذيابي]

ياولد ذايب عسى ايامك طويله=موقع الاهانه ماهوب العتيبه



يارجال العن الشيطان .. انا استفسر من اعضاء المنتدى .. واللي حارسين

الملك عتبان ، وازيدك من الشعر بيت المقاطي يقال له ( مجري )

والاهانة اللي تقولها مدري وش لون اطرت عليك.
:
:
:
:
:

[سعد بن مطلق المقاطي]

المقطه اللي مع الشريف معروفين ولافيهم الاسم هذا

[سعد بن مطلق المقاطي]

اي شخص يقف خلف ماسؤل كبير او صغير والماسؤل جالس انا عتبرها اهانه

[سـعـد الـعـصـيـمـي]

هذي صور امراء وفريَس
الأول جويبر الجازي ابن عم مطلق الثبيتي رحمهم الله

الثاني صنيدح الهمرق المقاطي

7

يالله ياللي عالم بالسريره
ياللي فرجك اقرب من الكاف للنون
اكبودنا لو كان تضحك مريره
ماعاد تنظف لو تغسل بصابون

الثالث : رويس



والله اعلم

[غالب الذيابي]

/
/
/


بيض الله وجهك ياسعد.. بس لو ترتبهم لي

يكون احسن ,, شاكلا لك.
:
:
:
:

[سـعـد الـعـصـيـمـي]

هلا ياغالب
رتبتهم لك من اليمين الى اليسار

[مشاري الحبردي]

غالب اعذرني على التأخير ....

واسمح لي سعد بالاضافة .....


الي يمين هو جويبر بن جابر بن حظيظ الجازي الثبيتي ( رئيس التشريفات الملكية )
الوسط صنيدح بن دخيل الله الهمرق المقاطي
والي يسار سرحان بن صويلح بن سرحان الرويس

[ابن البجاديه]

لا بالله ما هيب اهانه

ليا صار ملك ومسند على رجالن كفو وين الاهانه يالمقاطي؟؟


غالب الذيابي يعطيك العافيه على هالمعلومه

[غالب الذيابي]

:
:
:
:
:



مشكورين يا الحبردي وياراعي البجادية.. وبيض الله وجيهكم...
:
:
:
:
:

[ابن طامي]

واحد منهـم رويس


،

[الحسام1]

نعم منهم ابن سرحان الرويس من قبيلة الروسان جماعة الأمير بن جامع

[نيزك]

اذا فيه عتبان اللي جالس على الكرسي

هههههههههههه هذولا خدم

العتبان يجلسون اذا جلس


والله ماعرفهم



وشكرك على هذي الصوره







الخدم مايصورون مع الملوك ياشاعرنا
شف وجيهم وتعرف انهم ذيابه

الموضوع مجرد ترتيب في الصوره