خلوهاااااااااااااااااااااااااااااا

[مشعل الحربي]

سلام رديه على الهيلا عتابه=ألاد روق أهل الطلب وعيال برقا
الليل يالعتبان نبغاها حرابه=والفارس المغوار راس الظلع يرقا

[محمد ابن رووق]

صح لسانك وفي انتظار قبيلك

[محمد@الجعيد]

يامرحبا في مرحبا عز ومهابه = عداد مادن الرعد ويلوح برقا

اكرب حزامك والحسام اقضب نصابه=حده ترى يجرحك ويجيب الك فرقا

[مشعل الحربي]

دام البقا والضلع لجتبه ذيابه=وأهل البلد لاهين وسط النوم غرقا
ماهمني خنذف ولا همي شبابه=همي على خشمك يجي ذاليل عرقا

[محمد@الجعيد]

الضلع ثابت قمته فوق السحابه=واليا طلعت الضلع رجلينك (تعرقا)



الصقر فالمرقاب ماشاف الذبابه=اركد قبل لاشرقك بالسكين شرقا

[محمد البلوي]

الله الله
صح لسانك يامشعل
وصح لسانك يامحمد
واصلوا يعطيكم العافيه

[مشعل الحربي]

عكستها يلي مضرا فالخرابه=لو تدرق معاد ينفع فيك درقا
من فوق ضرس شعيل يعتيبه ونابه=رحتو طعام القوم بسهومن وزرقاا

[محمد@الجعيد]

من حشمت العتبان وحروب العصابه=ابا ارتقي وانته على مبداك تبقا

السيف رده يالحريبي في جرابه=منته خصيم القوم روح قبل تشقا

[محمد الشهري]

وفقكم الله جميعآ.

[فايز بن سرحان الثبيتي]

من حشمت العتبان وحروب العصابه
ابا ارتقي وانته على مبـداك تبقـا


الف شكر يامحمد "

ياليتكم تبتعدون عن بعض الالفاظ ... وصحت السنتكم "

[محمد@الجعيد]

اشكركم جميعا على المرور العطر و ياخوي فايز يعلم الله اني ماحب الالفاظ الهابطه وقبيلة حرب عزيزه علي وعلى ربعي عتيبه

[مشعل الحربي]

صح لسااااااااااااانك يالجعيد ونتم كذلك غالين علينا والدعوه لعب ولايروح تفكيرك بعيد(النيه مطيه)