من يريد ان يلعب !!!

[محمد@الجعيد]

حبيت ان اشارك معكم في هذا القسم الخاص بالمحاوره الشعريه ومن يريد ان يلعب معي حياه الله


سلام الله سلامن ينومس راس راعيه=سلام الله على منتدى الهيلا عتيبه

تلومون الزمن ياكثيرين المشاريه=وذي نظره بعيده وذي نظره قريبه

[معجب العتيبي]

حياك الله يامحمد في قسم المحاوره بين اخوانك

وصح لسانك



هلا يامرحبا والمسلّم يوم نوحيه=على حسب الشريعه ليا سلّم نجيبه

زمان العولمه ناخذ علومه ونعطيه=ولوهي تالي الوقت يامحمد غريبه

[محمد@الجعيد]

يدوم الك البقاء والظلام النور يجليه=عسى الطيب يطيب وتعرف الناس طيبه

انا ماذي ومن يذي العالم تأذيه=عرفت الجرح لكن مانعرف طبيبه

[معجب العتيبي]

على كشف الحقايق قليبك لاتعنيه=يجي يوم الحقايق ويبدا الراس شيبه

امام الله وخلقه كلام الجد عطنيه=نبا نطرح قضيتك والمجرم نعيبه

[محمد@الجعيد]

هذا معجب على اسمه ينومس من مسميه=عسى الله يصلحه لا يشق بيده جيبه

تساو الله بخلقه وغرتكم معانيه=لسانك لا يزل ويجرك في مصيبه

[عناد الشيباني]

صحت الالسن

لاهنتو..

[معجب العتيبي]

شهادة حق والحق ماتقدر تخبيه=لكن في تاليتها كلامك بان عيبه

كلامٍ جيت لاجله نصيحه لاتخليه=ترا دربن ماهو لك يضرك وش تبيبه

[معجب العتيبي]

صح بدنك ياعناد



شكرا لمرورك

[محمد@الجعيد]

اوثق ساس بيتي ليا من جيت ابا ابنيه=وانا عرف المسيحي ليا علق صليبه

الا ياذيب سنجار ثابت فوق اراضيه=نبا نسرح ونسري على ظهر النجيبه

[معجب العتيبي]

محمد الجعيد


صح لسانك شاعر مبدع


شكرا لاتاحة الفرص والصلاه وصلت





كفو ماقلت غير الصحيح اللي تسويه=وانا ماجبت في هرجتي شكٍ وريبه

لكن الفرض لامن بديته لاتخليه=وجوب انك ليا قمت فرضك تعتنيبه

[محمد@الجعيد]

*·~-.¸¸,.-~*هلا وغلا اسم على مسمى بيض الله وجهك وصح لسانك تشرفت بلعبك معي ولا فيك حيله

تقبل الله منا ومنكم صالح الاعمال انا ترى ماني مركز على البيت الثاني عشان اقفل المحاوره هههههه*·~-.¸¸,.-~*

[محمد@الجعيد]

«®°·.¸.•°°·.¸¸.•°°·.¸.•°®»اشكر كل من شرفنا بمروره «®°·.¸.•°°·.¸¸.•°°·.¸.•°®»