اطرف شاعـر

[محمد الذيابـــي]

مساء الخير للجميع



يامرحبا ترحيبةٍ تمشي على حسب النظام=ترحيبةٍ من شاعرٍ كل العلوم يدلها
اللي يبا يلعب معي يلعب وابا اعطيه الوسام=أما فشل والا نجح فالمسأله لن حلها

[ابراهيم الحيسوني الحربي]

دام البقا ياللي ترحب عد براق الغمام
هات العلوم اللي تروم وعدها وافطن لها

اللي يبا يلعب معك مايلحقه شك وملام
لكن شد خطاك وسيوف المعاني سلها

[محمد الذيابـــي]

دام البقا ياللي ترحب عد براق الغمام
هات العلوم اللي تروم وعدها وافطن لها

اللي يبا يلعب معك مايلحقه شك وملام
لكن شد خطاك وسيوف المعاني سلها




صف الجماعه يمكم وراه جا فيه انقسام=دار الحروب العامره جاها ابليس احتلها
اقولها والقول ثابت ياعساكم للرحام=وانت تعرف ياصاحبي دق العلوم وجلها

[محمد الذيابـــي]

الحربي وين غديت

[ابراهيم الحيسوني الحربي]

صف الجماعه يمنا من خلقته خلف الامام
لكن طعني ياسفير القوم هـــذي خلها

تقولها واقولها واعيدها يابن الكرام
وان كان عندك غيرها اقبل بها في حلها

[محمد الذيابـــي]

صف الجماعه يمنا من خلقته خلف الامام
لكن طعني ياسفير القوم هـــذي خلها

تقولها واقولها واعيدها يابن الكرام
وان كان عندك غيرها اقبل بها في حلها






ياهل المدينه علموني فالحلال من الحرام=حنا عرفنا دلكم والناس نعرف دلها
العام اشوفك فالحرم وتلف من دون المقام=تمشي ورى شيخٍ معمم عمته مافلها

[محمد الشهري]

على القوة الله يبيض وجوهكم.

[محمد الذيابـــي]

ابو مشعاب شرفت يالغالي

[ابراهيم الحيسوني الحربي]

اهل المدينه مشيهم بالنور ماهو بالظلام
لكن حذرا ياصحيبي والدروب تزلها

العام بعض الناس يربش ويتلعثم بالكلام

واليوم مابه لوم ياكم من رفيق يعلها

[محمد الذيابـــي]

اهل المدينه مشيهم بالنور ماهو بالظلام
لكن حذرا ياصحيبي والدروب تزلها

العام بعض الناس يربش ويتلعثم بالكلام

واليوم مابه لوم ياكم من رفيق يعلها





انته تغيب ولا تبيّن غير بالشهر الحرام=واليا اذنت كل المساجد حصت ماتاصل لها
حولت من راس السنام الياك من تحت السنام=مدري علام الناس يارجال وش ماضٍ لها

[ابراهيم الحيسوني الحربي]

يعطيك العافيه يالذيابي

والليل راح

تصبح على خير

[مشعل العطاوي]

ارويتونا بيض الله وجيهكم


محمد الذيابي الظيلمه حرام ههههههههه

[محمد الذيابـــي]

الله يستر عليك يابراهيم عزيز وغالي ومن رجالٍ حشام والموضوع تسليه ليس الا

[ابراهيم الحيسوني الحربي]

ماجانا الا اللي جاكم
دمتم ولا هنتم

[حبيب العصيمي]

بيض الله وجيهكم وصحت السنتكم..