نواف يانواف شف حالي اليوم..بشكيلك ظروفي وانا ابيك تسمع

[رائد العصيمي]

السلام عليكم
مسائكم\صباحكم عسل

حبيت اشارككم بقصيدة جديدة لي يارب تعجبكم

بعنوان(نواف)

نواف يانواف شف حالي اليوم
بشكيلك ظروفي وانا ابيك تسمع
الصدر من جور الصواديف مزحوم
والبال ضايق هم والعين تدمع
والنوم ماوالله ذقت اطيب النوم
وذكرى زمان ن فات للنوم تقمع
ماروم اسلي نفسي شوي ماروم
والهم يضرب في حياتي ويجمع
اثر السعادة لاهي تقعد ولاتدوم
واثر الشقاء والغم تبرق وتلمع
واثر الوناسة كوم واثر العنا كوم
وانا عليها مر ن اصيب وارمع
خلاصة الموضوع ضايق ومهموم
جيتك يابن عمي واناوابيك تسمع
تكفى طلبتك لاتشرّهـ ولاتلوم
الروح بعلاجك طموحه وتطمع


وسلامتكم


نقدكم وتقييمكم يسعدني

[سعد بن مطلق المقاطي]

صح لسانك بارك الله بك ,

[رائد العصيمي]

شاكر لك حضورك ي رااقي

[الهباع الرووقي]

رائد صح لسانك ابيات حلوه تقبل مروري

[محمد الذيابـــي]

صح لسااانه

[غالب الذيابي]

:
:
:


رائع واكثر...

استمر على السهل الممتنع ، ستكون من اساتذته.
:
:
:
: