سؤال عن اللي حكموا نجد ؟؟؟؟؟؟ [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : سؤال عن اللي حكموا نجد ؟؟؟؟؟؟

فوق الهام

01-May-2005, 07:59 AM

السلام عليكم يا بني عمي عتابه
ودي اسئلكم عن شي وابي اجابه سريعه مرررررررررره

من هم اللي حكموا نجد ؟؟؟؟؟؟؟؟؟؟؟؟؟؟
مع تحديد مدة الحكم أن أمكن
وكيف استطاع ان يحكم

ولكم جزيل الشكر

الطاحوس

01-May-2005, 02:39 PM

والله ياطويل العمر ماندري لكن اعتقد ان ابن رشيد حكمها قبل الملك عبدالعزيز مباشرة

وهذا اللي عندي

فوق الهام

02-May-2005, 05:48 AM

طيب الدوله العثمانيه ماحكمت نجد
ومحمد بن هادي ما حكم نجد
وتركي بن حميد ما حكم نجد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابي اجابه يا ناس
وابي اعرف مدة حكم كل واحد حكم نجد
وكيف حكمها

المدرع

02-May-2005, 11:09 AM

وعيكم السلام ورحمة الله وبركاته
مرحبا ياخوي .... والله سؤالك ماهو هين يعني انت تبغى في الوقت الماضي القريب يعني قبل مائتين سنة ولا قبل الاسلام ولا في عهد الدول الاسلامية............... حدد العصر اللي تبيه ........ وشكرا

أخوك/عبدالله بن ناصر المدرع العائذي القحطاني

فوق الهام

03-May-2005, 07:32 AM

هلا فيك اخوي عبدالله القحطاني
وحياك الله في منتدانا منتدى العتبان وشرفتنا بزيارتك

يا ولد صب القهوه لأبو قحط وأذبح اطيب الغنم هذا ابو قحط لازم نكرمه في محلنا

والله اخوي ابي قبل 200 سنه أن أمكن

وين الناس اللي عندهم علم
افيدونا افادكم الله

سلطان عتيبة

03-May-2005, 09:33 PM

السلام عليكم

هلا بالاخ فوق الهام

بما انك حددت الفترة بـ 200 سنة (1100-1300)

1100-1200
لم يسيطر على نجد أي دولة سيطرة تامة وكانت مقسمة الى إمارات مختلفة وكانت أقوى إمارة هي إمارة العيينة في عهد رئيسها عبدالله بن معمر(1096-1138هـ)

في مستهل القرن الثالث عشر الهجري (1200-1299هـ) سيطرت الدولة السعودية الأولى على نجد ولم يأتي العام 1208هـ إلا ونجد خاضعه لنفوذها

ثم سقطت الدولة عام 1233هـ واستولت الدولة المصرية بقيادة ابراهيم باشا على أراضي الدولة السعودية ثم قام الإمام تركي بن عبدالله مؤسس الدولة السعودية الثانية بطرد القوات المصرية من نجد واستولى عليها عام 1241هـ
لكن ايضا سقطت هذه الدولة في عهد ثاني أئمتها الإمام فيصل بن تركي بعد حروب مع خورشيد باشا قائد الحملة المصرية ومرت نجد في فترة اضطراب بين عامي 1252-1257هـ
ثم قام الإمام فيصل بن تركي بالسيطرة على نجد في فترة حكمة الثانية التي بدأت عام 1259هـ
ثم قام ابن رشيد , محمد بن عبدالله , في مد نفوذه الى نجد مستغلا الخلاف الذي نشب بين أبناء الإمام فيصل بعد وفاته عام 1282هـ
وتمت له نجد عام 1309هـ
ثم أتى الملك عبدالعزيز ففتح الرياض عام 1319هـ ومنها الى نجد كما هو معروف

فوق الهام

04-May-2005, 03:07 AM

طيب المعلومات اللي عندي تقول ان ابن رشيد حكم نجد و ابن هادي ايضا حكم نجد وابن حميد ايضا حكم نجد
فهل هاذي المعلومات صحيحه أو غير صحيحه مع التوضيح

وفيه ناس يقولون ان ابن حميد والعتبان ما حكموا نجد بس مجرد انهم سكنوا فيها فقط

ارجو التوضيح

سلطان عتيبة

04-May-2005, 10:58 AM

طيب المعلومات اللي عندي تقول ان ابن رشيد حكم نجد و ابن هادي ايضا حكم نجد وابن حميد ايضا حكم نجد
فهل هاذي المعلومات صحيحه أو غير صحيحه مع التوضيح

معلوماتك صحيحة لكن على مستوى مراعي نجد لكن على مستوى الدول فهو كما ذكرت سابقا

بالنسبة للقبائل التي سيطرت على مراعي نجد من الفترة مابين 1100 الى 1300هـ هي كالتالي:-

قبيلة عنزة (بدأ تملكها نجد في بداية القرن الثاني عشر)
قبيلة مطير (بعد م عام 1195ه قبائل مطير)
قبيلة قحطان (بدأ تملكها في الفترة بين 1257-1259هـ تقريبا)
قبيلة عتيبة (بعد معركة سناف الطراد عام 1269هـ مع قحطان)

وفيه ناس يقولون ان ابن حميد والعتبان ما حكموا نجد بس مجرد انهم سكنوا فيها فقط
ارجو التوضيح

يقول الشيخ تركي بن حميد في قصيدة موجهه الى الشيخ محمد بن هادي:

جزاك من عندي من الخيل حثلـوم = مثـل البـرد مـن مزنـة مستهلـه
انا رمحـي بـاول الخيـل ملحـوم = والا انت رمحك عند سـاره تشلـه

فرد عليه الشيخ ابن هادي:

ان كان رمحك بأول الخيل ملحوم = انا برمحي حامي(ن) نجد كله
من شافنا بالحلم يصحى من النوم = ومن شافنا بالعلم بطنه يهله

ويقول ابن حميد في قصيدة اخرى:

في نجد نرعى مانعلق عاني = بسيوف هند ماضي برهانها
يشهد لنا وادي الرشا بفعولنا = وتشهد لنا نجد وحصى ضلعانها

فوق الهام

05-May-2005, 10:52 AM

مشكور اخوي سلطان عتيبه على تفاعلك معي يا ولد عمي
لكن سؤال ( تراني غثيث فالاسئله تحملني شوي )
هل ابن رشيد حكم نجد بعد ان استولت عتيبه على نجد وحكمتها
لاني قريت موضوع عن يوم الرحا يقول التالي :

يوم الرحا
( جمع بن رشيد جيش عرمرم يقدر بلالاف المؤلفه من رجليه وخياله ورماه متوجهه إلى نزال الشيخ محمد بن هندي بن حميد والكل يعرف ان بن رشيد عندما حكم نجد خضع له جميع القبائل ودفعوا الجزيه وعاملوا بن رشيد على نجد كحاكم يرجعون له ويكونون تحت سلطته إلا قبيلة عتيبه لم تركع ابدا ولم تعطي الجزيه قط ولم تتبع بن رشيد وكانت لها السلطه من العارض إلى اواخر نجد غرباً
لهذا كان بن رشيد يغزي عتيبه بالذات ومعه معظم القبائل وحاضرة حائل والقصيم )

والمعروف يا سلطان عتيبه ان ابن هندي جاء بعد ابن حميد يعني بعد ان استولى ابن حميد وعتيبه على نجد

فهل ابن رشيد حكم نجد بعد ابن حميد
وكيف ابن رشيد حكم نجد وعتيبه موجوده فيها

ترى جاني شد عضلي في مخي وانا أفكر فيها

وين عيال عمي الباقين ابي جواااااااااااااااااااااب

العنزي

05-May-2005, 02:16 PM

ساجر الرفدي زعيم قبايل السلقا من عنزه(المطارفه والشملان والمضيان والحسنه والبجايده) سيطر على نجد وعندما خرج منها قال قصيده موجهه للامام عبدالله الفيصل منها(لا احفظ القصيده)
يومنها نجد وانا من سكنها
واليوم شامت لعبدالله وانا شمت عنها
وتقبلو تحياتي اخوكم العنزي
(لتوضيح فقط لاغير)

سيف العرب

05-May-2005, 08:25 PM

متى استولت عتيبه على نجد؟ ولا حكمت نجد؟

عتيبه سكنت نواحي الدوادمي فقط بعد استيلاء القوات المصريه على نجد لتغيير التركيبه السكانيه على نجد ومنع قيام دوله سعوديه ثالثه وصارت المواجهات بيت عتيبه وقحطان انتهت بصلح الهيضل راعي الجمل في عتيبه المعروف ودفعه الجزيه الى ابن قرمله مره اخرى مقابل النزول صلح في نجد وبقي قسم صغير من عتيبه على عداءه لقحطان وعلى رأسهم تركي ابن حميد

سلطان عتيبة

05-May-2005, 10:56 PM

هل ابن رشيد حكم نجد بعد ان استولت عتيبه على نجد وحكمتها

والمعروف يا سلطان عتيبه ان ابن هندي جاء بعد ابن حميد يعني بعد ان استولى ابن حميد وعتيبه على نجد

فهل ابن رشيد حكم نجد بعد ابن حميد
وكيف ابن رشيد حكم نجد وعتيبه موجوده فيها

المسألة بسيطة ياخوي
في فرق بين حكم القبايل وحكم الدول
القبايل عبارة عن بدو رحل يتصارعون على مواطن الماء والرعي وخلافه اما الدول الحضرية فهي تتصارع على النفوذ السياسي والتبعية الرسمية.

عندما تحكم قبيلة ما على أرض هي تابعة للدولة الفلانية فهي تسيطر على مراعيها ولكنها تحت سلطة الدولة وخاضعه لها وتدفع (الزكاة) للدولة.

لذلك عندما كان ابن رشيد يسيطر على نجد كان يطلب من عتيبة دفع الزكاة له كاعلان لتبعيتهم الرسمية له لكن عتيبة لم تدفع له الزكاة لدرجة ان ابن رشيد صبحهم أربعين صباح يغلبونه مرات ومرات يغلبهم ولم يقدر على اخضاعهم وهم في نجد التي (من الناحية الرسمية) تحت سلطتة.

ابن رشيد دانت له نجد بدون منازع عام 1309هـ بعد هزيمة عبد الرحمن الفيصل بمعنى ليس هناك حاكم او دولة تنازعه نجد.

اتمنى اكون قد وفقت في الشرح

ذباح الحايل

23-May-2005, 01:44 AM

سلطان عتيبه لقبك الجديد سلطان المنتدي وجزاك الف خير يااابن العم على ردودك الطيبة الى اخوى فوق الهاااام تحياتي

سلطان عتيبة

23-May-2005, 03:29 PM

وجزاك الله خير...اشكرك

مطرقين ودنقور

23-May-2005, 03:40 PM

ماحكم نجد غير ابن رشيد وابن سعود هذا العلم الاكيد
ولا استعمرت لا انجليزيا ولا عثمانيا ولا حبشيا ولا غيره

اما الباقين هم اهل نجد وهم تسلسلا عنزه, مطير, قحطان, واخيرا عتيبه
وهذه قبائل تقاتلت فيما بينها من اجل المراعي فقط

الشاهر2000

08-Sep-2005, 02:19 PM

يعطيكم العافيه أما بالنسبه للحكم فقبيلة عتيبه هي القبيله الوحيده بين القبائل التي نزلت نجد التي لم تدفع الجزيه ولذلك.

ولذلك قامت المعارك بينها وبين ابن رشيد الذي يقود معضم قبائل نجد على قبيلة عتيبه لكي يرغمها على دفع الجزيه ولكن لم يستطع.

فهد العاطفي

10-Sep-2005, 11:24 AM

تركي القحطاني

10-Sep-2005, 01:24 PM

عين العقل

10-Sep-2005, 03:43 PM

كيف ماتدفع الجزيه عتيبه؟!

دفعت الجزيه لقحطان وفيه ابيات موثقه لها

اما بالنسبه لابن رشيد فعلا حكم نجد حتى اتحدت عليه 14 بيرق من عتيبه والسعود وبعض القبايل وكانو شمر حاكمين ومالهم منازع ومحد ينكر الحق

وقحطان حكمت نجد وكانت تاخذ الجزيه من القبايل الي تدخل نجد

واضح ان عندك سوء فهم لتاريخ نجد والجزيرة ... !!

اللطّــام

10-Sep-2005, 03:50 PM

الله يهديك يافهد

جزيه

ماعليش وانا اخوك يمكن خانك التعبير تقصد (هدو) لان الجزيه يدفعها الكافر لامام المسلمين

وعتيبه قبيلة مسلمه والنعم فيهم

أما من حكم نجد فهم

ال سعود وال رشيد

لان سلطة الحاكم تتمثل في جباية الزكاه

وال سعود وال رشيد كانو يأخذون زكاة القبائل في نجد

اما البدو فلا تدفع لهم زكاه , انما ممكن يتهادون فيما بينهم

اخـــــــــــــــــــوي تركــــي ليتك
تعلـــــــــــــــم بعض اخونّا القحاطيــــــــــــــن الذيــــن
لايفــــــــــــــــرقون بين (الجـــــــزيه)(والهــــــــــــدو)
اسجــــل لك شكـــــــــــــري على هالتوضيـــــــــــح.

علوم الرجال

10-Sep-2005, 10:48 PM

كيف ماتدفع الجزيه عتيبه؟!

دفعت الجزيه لقحطان وفيه ابيات موثقه لها

اما بالنسبه لابن رشيد فعلا حكم نجد حتى اتحدت عليه 14 بيرق من عتيبه والسعود وبعض القبايل وكانو شمر حاكمين ومالهم منازع ومحد ينكر الحق

وقحطان حكمت نجد وكانت تاخذ الجزيه من القبايل الي تدخل نجد

ههههههههههههههههههههههههههههههههههههههههههههههههه

لا حول ولا قوة الا بالله

عندهم عقده من أيام المحدار
يالله لا تبلانا

الشاهر2000

13-Sep-2005, 07:09 PM

سلامتك يالعاطفي القبيله الوحيده التي سكنت نجد ولم تدفع الجزيه هي قبيلة عتيبه

عفارالأسعدي

13-Sep-2005, 07:20 PM

نجد ارض الملاحم والبطولات وماستقر فيها الا اهل الشجاعه لانها منطقة مرعي يفتنون فيها البدو لاجا الوسم

يقول احد شعار عتيبه واعذروني اذا اخطيت

واد الرشا ماهومليك(ن)من قديم ،،،، ياكود من ساق الجمل ثم احتماه
عنه ..............محدرينه للقصيم ،،،، ماهوب ........... ..نفخ ذربه يباه
فكانت عتيبه اخر من سيطر على نجد قبل قيام الدوله السعوديه الثالثه

هذا والله اعلم

اما كلام العنزي ولد عمي العدناني صحيح مدينة ساجر من ديار عتيبه مازالت تحمل اسم الشيخ ساجر الرفدي

والله اعلم

تحيااااااااااااااتي لفوق الهااااااااااااام

الشاهر2000

19-Sep-2005, 08:20 PM

يعطيك العافيه ياالسعدي

ولد السناعيس

23-Sep-2005, 05:27 AM

الايداء1

23-Sep-2005, 10:51 AM

يااخوان
صحيح ان عتيبه رفضت دفع الزكاة الى ابن رشيد في اول الأمر
ولكن بعد كذا معركه دفعت الزكاة
ويوجد قصيده تثبت هذا الشي وهي عندما ارسل الأمير محمد ابن رشيد مندوبه محمد عبدالله السبهان
الى عتيبه لأخذ الزكاه ورفضوا
اشتاط الأمير غضباً وامر الجيش ان يستعد لغزو عتيبه
وبعد المعركه قال الشاعر سلطان التهامي من الثعالية من العضيان من الروقة
وهو يصور تلك المعركه بأ بيات تحكي ما جرى بين تلك القبيلتين ؛بكل صدق وأمانه فقد اوضح ماجرى رغم ان قبيلته هزمت فالرجال غالب ومغلوب

الآيالله طلبتك يا مقـل الطيـر بالجنحـان = مقله بـا لهـوا يلفـخ بزينـات الجناحينـا

كما انك قادر تنجي من اللي ياخذ العربـان = اخو نوره محمد لا ظهر بالحرب ناصينـا

الايامير توبـه مالـك الله نـرد السبهـان = لعلك دايـم بالعـز وأنـت اللـي تزكينـا

الله

الله

ياولد السناعيس

منين جبت هالقصيده وأسم الشاعر

وفي أي كتاب لقيتها ولا في أي مجلد .

ومنهو العتيبي اللي يبا يقول لأبن رشيد

الايامير توبـه مالـك الله نـرد السبهـان = لعلك دايـم بالعـز وأنـت اللـي تزكينـا

يارجل لا تقعد تسوي من القصيد وتنسبه لعتيبه .

تقدر تقولي وش مناسبة القصيده اللي قالها أبن سبهان يوم أنهم يغزون عتيبه وينهزمون وكانو يدورون الهدو .
اليك بعض هذه الأبيات لأبن سبهان .

نو نشا من فوق عالي جباله = خيم على أبن حميد هو والشيابين
جونا وجيناهم وجات أشتعاله = راحت وقايدها مهار وجذاعين
ويوم أدبحو جت فزعتٍ من شماله = بالاد روق أمرجحين الموازين
وأبن محيا يوم لحقو عياله = حنا سناعيسٍ ولحقو سلاطين
والقصيده لاتحضرني كامله ولكن وددت أن أوضح لك بعض من هزايم أبن رشيد مع عتيبه حينما كان يغزوهم لأخذ الزكاه كما يحلو لك أن تقول وكانت قبيلة عتيبه هي الوحيده التي كانت لا تخشى أبن رشيد ولا تنصاع لأوامره رغم تحالف المرتزقه معه من القبائل الأخرى التي أجلتها عتيبه بقوة السيف عن أراضي نجد والتاريخ يشهد بذلك .

ياولد السناعيس

ماكل من بغى يسوي قصيده وويسندها على قبيله معاديه لقبيلته يصدقونها الناس .
وكثير من شعراء عتيبه يقدر يسوي أقوى من قصيدتك وينسبها لأحد شيوخ شمر ماهو للأفراد العاديين من القبيله ولكن أتق الله مما يخط قلمك في تحريف الحقائق وظلم الغير .

الأيداء المورقي

فيصل الشفيعي

23-Sep-2005, 02:33 PM

ونعم والله بكل القبايل عدنانهم وقحطانهم ولكن الان انتهت سوالف الحرووب القبايل الان لازم نحارب الكفار او يسلمون معنا

فيصل الشفيعي

23-Sep-2005, 02:35 PM

وبدون زعل نجد لعتيبه هذا شي ينذكر للعتبان انهم شالو كل القبايل اللي كانو فيها

ولد السناعيس

23-Sep-2005, 11:39 PM

ومنهو العتيبي اللي يبا يقول لأبن رشيد

هذه القصيدة اخي الكريم قيلت في وقعة ابرقية

والشاعر هو سلطان التهامي من الثعالية من العضيان من الروقة

وفي هذا الكون قال الشاعر فجحان الفراوي قصيدة منها هذا البيت
جبت الحبردي والصواويغ يالضيط00 جمعتهم للصيرمي بابرقيه00

وتقدر تسأل وتتاكد

والقصيده لاتحضرني كامله ولكن وددت أن أوضح لك بعض من هزايم أبن رشيد مع عتيبه

مافيها شي الرجال تنهزم وتنتصر ولا هو عيب
بس العيب اللي ينكر الهزيمه
اما عن القصيده اللي ذكرتها ماعندي فكره عنها
ومن قال لا اعلم فقد افتى

وكانت قبيلة عتيبه هي الوحيده التي كانت لا تخشى أبن رشيد ولا تنصاع لأوامره

محمد بن هندي جاء لحايل مسيِّر على الأمير محمد العبدالله وبعد السلام قال بن هندي يالأمير ابيك تقبل هدايانا .... اي بالله ونبي ان بيرقـك ما يغزي على عتيبه !!؟
الى على دخلة عياده بن منيس للمجلس بعد ان سمع السالفة ... وقال الرخصة يامَحَفُوُظ !! معي لي كليمتين ابي اقولهن تسان ترخص لي

قلـت آه بسـم الله وابـديـت وارده = من صخر قيفان وانا من قبل هايبـه

الأمثال الى منـي تعاوجـت ركنـه = اعدِّل عِصيان المثـل عـن عتايبـه

كمى ذود مصـلاح ماشيـف رتعـه = تعقّب لـه القِعـده تَنسّـف جنايبـه

قلته بعقبان علـى الصـوب والقـدا = عقبـان هيـف ماتدانـى جوانـبـه

عقبان عقّبن العتيبـي علـى القفـا = عقّبن عقبان الحسـا عـن مراقبـه

فروخ حرار ضربهن يرعـب العـدا = فري البواتيع ضربها مـن مجاذبـه

طلـع محمـد ماحكـم نجـد مثلـه = لا بـاول الدنيـا ولا كـان غايـبـه

يقود المـلا قـود السبايـا وجـره = على دار من قاله على الربع خايبـه

قـوم يفهِّقـهـم وقــوم يلحـقـه = وقوم يقلِّط وسطهـا عـن ذوايبـه

تبيد الحذاء ياحمود من قاسي الحصى = وتمل مـن سـود الفيافـي نجايبـه

مـن كثـر مادلّـن وكلّـن ومـلّـن = وبيّحن مشكاة الدّبـر مـن غواربـه

يتلون رقبة المارعي ميتـم الضنـا = طلق اليمين اللي وسـاع مضاربـه

حـرٍ يخلـط الريـش للـدم للحـم = هـذي معثبرهـا وهـذي قاضـبـه

يمنـاك يمنـى هيلـعٍ مطلـقٍ لـه = على فرز قفرٍ لبّـدت مـن رعايبـه

دار الـفـتـى روا الــعــذارى = متلقِّـي البلـوى مهـدِّي صعايبـه

كـم قريـة هـازه ورازه وفكفكـه = شاعت وشبّينـاه والنفـس طايبـه

شبِّيناه من حصـن الشيـوخ علـوّه = زعلوّة من لا له مع الخيـل هازبـه

إهتزّت الجـدران والـدور والنخـل = وتقول تلفي من عقب مافـات تايبـه

عوق الفرج تف كفي وانا اخو نوره = الى ما وقع منهـا ولدهـا وشايبـه

داب عدى من عالي مراقيه قنيصـه = جاذب ونين الذيـل والـروح ذايبـه

بيدي عـدوك قاسـي هـم قاسـي = وبيدي ربعك كالناديه مـن رطايبـه

ياما هشنا دونـك بالبيـان والخفـا = نهوش لو عيني طخا النـوم غالبـه

يامير الأجناب لا يغديك كثر جمعهـم = .يامير لا تغديـك سكبـة شواربـه

يامير لولا السيف والحكـم كضّهـم = وذلّوا على عـالات تقفّـى محالبـه

يشوونـك بجمـرٍ مـن الغـضـى = شويّـة عجـلٍ وبالـنـار يقالـبـه

شمّر جناحٍ لـك الـى هبّـه الهـوا = الى ذعذعـت للشيـخ ذري هبايبـه

وشمّر كمـى ذيابـة فـوق ضمّـر = الى جِلْت جَلَت مع مجالـك عرايبـه

رغم تحالف المرتزقه

منهم القبائل اللي تحالفت مع ابن رشيد
غير ابن مهنا بعروى بس

وبعدين ياخوي عيب تشبه القبائل بالمرتزقه

من القبائل الأخرى التي أجلتها عتيبه بقوة السيف عن أراضي نجد والتاريخ يشهد بذلك .

مثل مين حدد

ماكل من بغى يسوي قصيده وويسندها على قبيله معاديه لقبيلته يصدقونها الناس

ان شاء الله اني ماكذب
لأن ماهو فاكني من العزيز الحكيم لا شمر ولا عتيبه
ولكن ياخوي الناس تعرف الحقيقه

ومثل ماقلت لك ياخوي ماهو عيب الهزيمه
ولكن ان العيب ان الواحد مايعترف بالهزيمه

ولكن أتق الله مما يخط قلمك في تحريف الحقائق وظلم الغير .

ان شاء الله اني ماحرفت ولا ألفت من عندي
وتقدر تتأكد من كلامي
واذا على التأليف انا شفت كذا قصه في هذا المنتدى كلها كذب بكذب
ولكن ماحبيت اني ادخل بمجادلات مع بعض الاخوان وفضلت اني اريح راسي و كأني ماقريت شي

الايداء1

28-Sep-2005, 09:41 AM

هذه القصيدة اخي الكريم قيلت في وقعة ابرقية

والشاعر هو سلطان التهامي من الثعالية من العضيان من الروقة

وفي هذا الكون قال الشاعر فجحان الفراوي قصيدة منها هذا البيت
جبت الحبردي والصواويغ يالضيط00 جمعتهم للصيرمي بابرقيه00

وتقدر تسأل وتتاكد

مافيها شي الرجال تنهزم وتنتصر ولا هو عيب
بس العيب اللي ينكر الهزيمه
اما عن القصيده اللي ذكرتها ماعندي فكره عنها
ومن قال لا اعلم فقد افتى

محمد بن هندي جاء لحايل مسيِّر على الأمير محمد العبدالله وبعد السلام قال بن هندي يالأمير ابيك تقبل هدايانا .... اي بالله ونبي ان بيرقـك ما يغزي على عتيبه !!؟
الى على دخلة عياده بن منيس للمجلس بعد ان سمع السالفة ... وقال الرخصة يامَحَفُوُظ !! معي لي كليمتين ابي اقولهن تسان ترخص لي

قلـت آه بسـم الله وابـديـت وارده = من صخر قيفان وانا من قبل هايبـه

الأمثال الى منـي تعاوجـت ركنـه = اعدِّل عِصيان المثـل عـن عتايبـه

كمى ذود مصـلاح ماشيـف رتعـه = تعقّب لـه القِعـده تَنسّـف جنايبـه

قلته بعقبان علـى الصـوب والقـدا = عقبـان هيـف ماتدانـى جوانـبـه

عقبان عقّبن العتيبـي علـى القفـا = عقّبن عقبان الحسـا عـن مراقبـه

فروخ حرار ضربهن يرعـب العـدا = فري البواتيع ضربها مـن مجاذبـه

طلـع محمـد ماحكـم نجـد مثلـه = لا بـاول الدنيـا ولا كـان غايـبـه

يقود المـلا قـود السبايـا وجـره = على دار من قاله على الربع خايبـه

قـوم يفهِّقـهـم وقــوم يلحـقـه = وقوم يقلِّط وسطهـا عـن ذوايبـه

تبيد الحذاء ياحمود من قاسي الحصى = وتمل مـن سـود الفيافـي نجايبـه

مـن كثـر مادلّـن وكلّـن ومـلّـن = وبيّحن مشكاة الدّبـر مـن غواربـه

يتلون رقبة المارعي ميتـم الضنـا = طلق اليمين اللي وسـاع مضاربـه

حـرٍ يخلـط الريـش للـدم للحـم = هـذي معثبرهـا وهـذي قاضـبـه

يمنـاك يمنـى هيلـعٍ مطلـقٍ لـه = على فرز قفرٍ لبّـدت مـن رعايبـه

دار الـفـتـى روا الــعــذارى = متلقِّـي البلـوى مهـدِّي صعايبـه

كـم قريـة هـازه ورازه وفكفكـه = شاعت وشبّينـاه والنفـس طايبـه

شبِّيناه من حصـن الشيـوخ علـوّه = زعلوّة من لا له مع الخيـل هازبـه

إهتزّت الجـدران والـدور والنخـل = وتقول تلفي من عقب مافـات تايبـه

عوق الفرج تف كفي وانا اخو نوره = الى ما وقع منهـا ولدهـا وشايبـه

داب عدى من عالي مراقيه قنيصـه = جاذب ونين الذيـل والـروح ذايبـه

بيدي عـدوك قاسـي هـم قاسـي = وبيدي ربعك كالناديه مـن رطايبـه

ياما هشنا دونـك بالبيـان والخفـا = نهوش لو عيني طخا النـوم غالبـه

يامير الأجناب لا يغديك كثر جمعهـم = .يامير لا تغديـك سكبـة شواربـه

يامير لولا السيف والحكـم كضّهـم = وذلّوا على عـالات تقفّـى محالبـه

يشوونـك بجمـرٍ مـن الغـضـى = شويّـة عجـلٍ وبالـنـار يقالـبـه

شمّر جناحٍ لـك الـى هبّـه الهـوا = الى ذعذعـت للشيـخ ذري هبايبـه

وشمّر كمـى ذيابـة فـوق ضمّـر = الى جِلْت جَلَت مع مجالـك عرايبـه

منهم القبائل اللي تحالفت مع ابن رشيد
غير ابن مهنا بعروى بس

وبعدين ياخوي عيب تشبه القبائل بالمرتزقه

مثل مين حدد

ان شاء الله اني ماكذب
لأن ماهو فاكني من العزيز الحكيم لا شمر ولا عتيبه
ولكن ياخوي الناس تعرف الحقيقه

ومثل ماقلت لك ياخوي ماهو عيب الهزيمه
ولكن ان العيب ان الواحد مايعترف بالهزيمه

ان شاء الله اني ماحرفت ولا ألفت من عندي
وتقدر تتأكد من كلامي
واذا على التأليف انا شفت كذا قصه في هذا المنتدى كلها كذب بكذب
ولكن ماحبيت اني ادخل بمجادلات مع بعض الاخوان وفضلت اني اريح راسي و كأني ماقريت شي

ياولد السناعيس

مافي المجادل خـــــــير يابعدي

وعتابه ماتدفع لأبن رشيد لاجزيه ولازكاه ولا غيره من الأسامي والمسطلحات اللي تجيبها

وصدقت أن الهزيمه ماتزعل أحـــــــــد والقبايل منول يوم غالب ويوم مغلوب وأنانشتدك عن القصيده اللي قالها أبن طواله

يوم عتابه هزمت أبن رشيد واللي مطلعها .

نوٍ نشاء من فوق عالي جباله = خيم على أبن حميد هو والشيابين

وأنكرت أنك تعرفها يابعد حيي وجبت لك سالفه كذب بكذب أن محمد أبن هندي سير على أبن رشيد على شأن إيوديه الهدايا.

يا أخوي منين جبت هالسوالف وش مصدرها

يعني قولكـــم صحيح وقول غيركـــم ماهوصحيح .

يأخوي الهزيمه مثل ماقلت ماهي بعيب وأنتم أنكرتم هزيمة العوارض من مطير أهل العشر اللي يشهدبها الداني والقاصي واضحه وضوح الشمس .

يالسنعوسي الأعتراف بالحق فضيله .

وبعدين تقول أنك لقيت بمنتدانا عدت قصص كذب بكذب ليه مارديت عليها أنتسانها كذب وناقشة الموضوع بالبراهين

الثابته .

لو تتبعة كل المنتديات مالقيت منكم واحد شمري يعترف بهزايم شـــمر وتسنها كل ماغزت على القبايل أكسرتها

الله يهديك ياولد السناعيس تسان ماتدري عن عتيبه وحروبها مع شمر أنشد شيابك يمكن فيه أحد يعد الصحيح .

ابن هوازن

28-Sep-2005, 02:13 PM

ياولد السناعيس

مافي المجادل خـــــــير يابعدي

وعتابه ماتدفع لأبن رشيد لاجزيه ولازكاه ولا غيره من الأسامي والمسطلحات اللي تجيبها

وصدقت أن الهزيمه ماتزعل أحـــــــــد والقبايل منول يوم غالب ويوم مغلوب وأنانشتدك عن القصيده اللي قالها أبن طواله

يوم عتابه هزمت أبن رشيد واللي مطلعها .

نوٍ نشاء من فوق عالي جباله = خيم على أبن حميد هو والشيابين

وأنكرت أنك تعرفها يابعد حيي وجبت لك سالفه كذب بكذب أن محمد أبن هندي سير على أبن رشيد على شأن إيوديه الهدايا.

يا أخوي منين جبت هالسوالف وش مصدرها

يعني قولكـــم صحيح وقول غيركـــم ماهوصحيح .

يالسنعوسي الأعتراف بالحق فضيله .

وبعدين تقول أنك لقيت بمنتدانا عدت قصص كذب بكذب ليه مارديت عليها أنتسانها كذب وناقشة الموضوع بالبراهين

الثابته .

لو تتبعة كل المنتديات مالقيت منكم واحد شمري يعترف بهزايم شـــمر وتسنها كل ماغزت على القبايل أكسرتها

الله يهديك ياولد السناعيس تسان ماتدري عن عتيبه وحروبها مع شمر أنشد شيابك يمكن فيه أحد يعد الصحيح .

بعد أذنك يا ولد السناعيس وأنت يا المورقي

بالنسبه لسؤالك يا المورقي عن المعركة اللي أنتصرت فيها عتيبه على ابن رشيد هي معركة الأنصر الشهيرة

جيش مقابل جيش على وضح النقا

ومعركة عروى أنتصرت بها شمر وأهل القصيم بقيادة أبن مهنا

ومعركة الرحا أنتصرت فيها عتيبه

التي قادها ابن رشيد بعدما أعطى محمد بن هندي المهربات وهي ثلاث أيام

بعدما أتاه ابن هندي ثم أخلفها ابن رشيد ولم يمهله ولا يوم واحد فقد لحقه في دياره

وحصلت هذه المعركه التي فعل فيها الأعاجيب ابن هندي وذكرها الشعراء

وكون النير كان على مصلط بن ربيعان وأنكسرت في عتيبه

وكان مع مصلط عقاب بن شبنان ودحيم وسلطان بن هندي

وكان بين عقاب وبن رشيد عهد أو أمان وندم ابن رشيد عندما غزى مصلط وشاهد عقاب عنده !

يوم يقول حمود بن رشيد :

الفود الاقشر صار فودك يا ابن روق = واشوف تالي فودكم صار نقصان

يوم ارتهيناكم ورى النير بلحوق = يوم لحق شره دحيم وسلطان

الشاعر تندم على وجود عقاب ودحيم وسلطان

وتمناها أن تكون على مصلط لوحده لكرههم مصلط بن ربيعان الذي سبق أن أخذ المنقيه إبل طلال بن رشيد

وذروات إبل محمد بن رشيد

يأخوي الهزيمه مثل ماقلت ماهي بعيب وأنتم أنكرتم هزيمة العوارض من مطير أهل العشر اللي يشهدبها الداني والقاصي واضحه وضوح الشمس .

لا يا المورقي لا تظلم حظك

العوارض من مطير كان هوشهم هوش المنهزم ويسمونه البدو هوش ساقه

العوارض يبون يفتكون أعمارهم من أبن رشيد

عكس كون نطاق اللي على الحفاه يوم يقول اليابس :

وسقيناهم السم الذحاح وسقونا = مثل نمور صادمت لنمور

فالحفاه نزلوا ساحة ميدان المعركة وثبتوا وصادموا جيش ابن رشيد

ولم ينهزموا أو يهوشوا هوش ساقه مثل العوارض :)

نمور صادمت نمور وأنهزم جيش ابن رشيد الذي وقُتل أبن لغيصم شيخ المسعود من شمر

وقتل من شمر قرابة الثلاث مائه في مجزرة رهيبه

والفارس زايد بن حريميس هو الذي بان فعله بهذه المعركه وحجيلان بن مروي

وبمناسبة ذكر زايد بن حريميس فقد هرب منه الفارس قنيفذ بن لبده

بعد أن قطع زايد أذن قنيفد بن لبده في قصه مشهوره تطرق لها الرويس بإختصار وشرحها البليهد

عموماً سوالف شمر وعتيبه طويله عريضه وهم رجال في الميدان

ويجب أن نتحرى الدقه سواءً لنا ولا لغيرنا

أهم شيء المصداقيه :)

ولد السناعيس

29-Sep-2005, 10:37 AM

اخوي ابن هوازن
اولاً مساك الله بالخير
ثانياً: شاكر لك ادبك واسلوب النقاش الراقي

واسمحلي اني ارد عليك باللي اعرفه

بالنسبه لسؤالك يا المورقي عن المعركة اللي أنتصرت فيها عتيبه على ابن رشيد هي معركة الأنصر الشهيرة

جيش مقابل جيش على وضح النقا

ومعركة عروى أنتصرت بها شمر وأهل القصيم بقيادة أبن مهنا

ومعركة الرحا أنتصرت فيها عتيبه

نعم وهناك معارك كثيره غير الذي ذكرت اخي الكريم وكانت جيش ضد جيش
مثل

معركة الانصر بين قبيلة شمر وعتيبه >>>> انتصار عتيبه

معركة ابرقيه بين قبيلة عتيبه وشمر >>>>> انتصار شمر

معركة الحماد بين القوات السعوديه وعتيبه والطرف الثاني شمر >>>>> انتصار شمر

معركة حمرو بين قبيلة شمر وقبيلة عتيبه >>>>> انتصار شمر

معركة الرحا بين عتيبه وقبيلة شمر >>>>> انتصار عتيبه

معركة عروى بين شمر وقبيلة عتيبه >>> انتصار شمر

معركة عريويات بين شمر وقبيلة عتيبه >>>> انتصار شمر

التي قادها ابن رشيد بعدما أعطى محمد بن هندي المهربات وهي ثلاث أيام

بعدما أتاه ابن هندي ثم أخلفها ابن رشيد ولم يمهله ولا يوم واحد فقد لحقه في دياره

انا قريت هذاالكلام بمنتداكم المحترم
ولكن اخي الكريم ابي اسألك سؤال
ليش ابن رشيد ماقتل ابن هندي وهو موجود عنده
وليش عطاه المهرابات اصلاً طالما انه ناوي البوق
وبعدين انا وضحت سبب جيت ابن هندي لأبن رشيد ووضعت القصيده في ردي على الأخ الايداء

عكس كون نطاق اللي على الحفاه يوم يقول اليابس :

وسقيناهم السم الذحاح وسقونا
مثل نمور صادمـت لنمـور

فالحفاه نزلوا ساحة ميدان المعركة وثبتوا وصادموا جيش ابن رشيد

ولم ينهزموا أو يهوشوا هوش ساقه مثل العوارض

نمور صادمت نمور وأنهزم جيش ابن رشيد الذي وقُتل أبن لغيصم شيخ المسعود من شمر

وقتل من شمر قرابة الثلاث مائه في مجزرة رهيبه

ونعم بالحفاه

بس ابي اسأل اخوي كم كان عدد الحفاه
وكم انقتل منهم

وبمناسبة ذكر زايد بن حريميس فقد هرب منه الفارس قنيفذ بن لبده

بعد أن قطع زايد أذن قنيفد بن لبده في قصه مشهوره تطرق لها الرويس بإختصار وشرحها البليهد

بصراحه اول مره اسمع بفارس من شمر اسمه قنيفذ
وطبعاً انا ماجحد الموضوع لكن على كثر مانعرف الفرسان بشمر
ولا مره سمعت بالأسم هذا

عموماً سوالف شمر وعتيبه طويله عريضه وهم رجال في الميدان

ويجب أن نتحرى الدقه سواءً لنا ولا لغيرنا

أهم شيء المصداقيه

صدقت اخوي وهذااللي نبحث عنه
الدقه والصدق
وتسمية الأمور بأسمائها

وللأسف اخي الكريم ان الحين كل واحد اصبح مؤرخ وكل واحد يتكلم بالتاريخ من دون علم

ولد السناعيس

29-Sep-2005, 10:38 AM

وجبت لك سالفه كذب بكذب أن محمد أبن هندي سير على أبن رشيد على شأن إيوديه الهدايا

اول شي ياخوي ترى تكذيب الرجال عيب
انت رجال وولد قبايل يعني اي كلمه تطلع منك محسوبه عليك
وبعدين ياخوي الواحد يسأل ويتأكد وبعدين يايصدق يايكذب
وانا جبت لك القصيده اللي تثبت كلامي

يعني قولكـــم صحيح وقول غيركـــم ماهوصحيح

من يقول هالكلام الصحيح كلٍ يعرفه
سواً منا والا منكم

يأخوي الهزيمه مثل ماقلت ماهي بعيب وأنتم أنكرتم هزيمة العوارض من مطير أهل العشر اللي يشهدبها الداني والقاصي واضحه وضوح الشمس .

ماحد انكرها ياخوي ولكن انكرنا الزياده على القصه وطريقة تفخيم الموضوع

لو تتبعة كل المنتديات مالقيت منكم واحد شمري يعترف بهزايم شـــمر وتسنها كل ماغزت على القبايل أكسرتها

لا تظلم حضك اخوي لو رحت لمنتديات شمر تلقى جميع المعارك سواً اللي انتصرت فيها شمر او اللي انهزمت فيها مثبته
على الصفحه الرئيسيه

ولا احد انكر هزيمه لكن تدري وين المشكله ان فيه كثير من القبائل تحاول ان تبني امجاد لها على حساب شمر
يعني لو واحد من قبيله معينه ذبح شمري عادي لو تروح لمنتدى قبيلة اللي ذبح الشمري تلقى قصه طويله عريضه
والغريب ان لا زم يدخلون ابن رشيد فيها عشان يفخمون القصه ويكبرونها

تسان ماتدري عن عتيبه وحروبها مع شمر أنشد شيابك يمكن فيه أحد يعد الصحيح

رجاءً عن الغلط
ايه بالله ان شيبانا يعدون الصدق وهم اهل الصدق

وأنانشتدك عن القصيده اللي قالها أبن طواله

يوم عتابه هزمت أبن رشيد واللي مطلعها .

نوٍ نشاء من فوق عالي جباله = خيم على أبن حميد هو والشيابين

وأنكرت أنك تعرفها

ياخوي فيها شي اذا صرت ماعرف القصيده
ولكن ابشر نشدت عن القصيده ولقيت الجواب

اولاً القصيده انتم ياعتيبه مختلفين من اللي قايلها
منكم اللي يقول ان اللي قالها هو الشيخ برغش بن طواله
ومنكم من يقول اللي قالها هو الشاعر مرزوق بن حويد من روق على اساس يثبت فزعة روق لبرقا

ويستدلون بقوله

لين ادبحوا شمر وراحوا مطيعين

وهذا دليل ان الشاعر ليس شمري

2ــ قول الشاعر

والحرب عقب اليوم وش ينعباله00 كان انهم هادوا حنا مهيدين

وهذا يدل ان الشاعر يتحدى وليس منهزم كما يقولون روق

3ــ قول الشاعر ايضا من نفس القصيدة

واللي جاء معنا تواما احباله000 غير القلايع فوق خمس وثلاثين

وهذا يدل ان الشاعر منتصر وكاسب بينما روق يقولون ان بن طوالة منهزم

ابيك تفسر لي تكفى

النمر الروقي

29-Sep-2005, 11:22 AM

أناشد الطرفين الموضوعيه وتحري الدقه في الطرح

وعدم المبالغه من الجانبين

فهد العاطفي

23-Nov-2005, 06:05 AM

الله يهديك يافهد

جزيه

ماعليش وانا اخوك يمكن خانك التعبير تقصد (هدو) لان الجزيه يدفعها الكافر لامام المسلمين

وعتيبه قبيلة مسلمه والنعم فيهم

أما من حكم نجد فهم

ال سعود وال رشيد

لان سلطة الحاكم تتمثل في جباية الزكاه

وال سعود وال رشيد كانو يأخذون زكاة القبائل في نجد

اما البدو فلا تدفع لهم زكاه , انما ممكن يتهادون فيما بينهم

لاحرام مافيك عرق في قحطان ولو لو انك قحطاني عرفت السالفه وترى عيب على الرجال انها تدخل باسم قبيله اخرى انتم كفو ياعتيبه واخر ماتوقعت انكم تسوون هالحركه تدخلون باسم قحطاني وتحاولون تدنسون اسم قبيله

اياك وقهر الرجال ياتركي

واتمنى انك تضيفني على ايميلي عشان اتعرف عليكم اكثر !!

f-06@hotmail.com

أبو مرحبا

23-Nov-2005, 11:29 AM

البيضاني

تفتقر للمصادر

أبو مرحبا

23-Nov-2005, 12:05 PM

هلا بك ياقحص اما المصادر علوم الرجال وانا اخوك والعلوم اللي قلتها اكثر العرب يعرفونها
وانا مطلع على كثير من الكتب التاريخيه لاكن كيف تبيني اتذكر من وين حفظت المعلومه لايسأل الرجل عن كلمته بل يساله عن طيب معدنه ......؟

نقطة حبيت أضيفها سكنت قبيلة عنزه الشهيره نجد لمده تقارب 100 عام وهو رقم كبير يحسب لصالح أولاد وايل
اللذين لايجحد مجدهم ولاتنكر فعايلهم وهم من أغنو التاريخ بالقصص منذ الزمن الغابر
ألى يكفيهم أنهم كانو بكر وتغلب وهي من أقوى قبائل العرب بجانب القبيلة العملاقه انذاك وهي قبيلة تميم اللتي اصبحت الان مابين حاضره ومن لايعرف لهم مكان وزمان تشتت بين البلدان وتفرقت في الامصار وهي على العموم من اقوى القبائل في الجاهليه كيف لاء وقد قالو عنها ((لو تأخر الاسلام قليلا لأكلت بنو تميم العرب))
وهم أهل نـــــــــــــجد في الجاهليه وهم من أتحفو التاريخ الجاهلي وصدر الاسلام بشجاعتهم وأقدامهم وشعرهم والكل يعرف منهي تميم أما الان فحدث ولا حرج رحم الله تميم كلن اصبح منها حتى طرش البحر يقول بأنه تميمي
رساله الى الاخ الفاضل قحص / ماهو اللذي تريد ان تتأكد منه ارسل لي المعلومه اللتي أحترت في مصداقيتها وابشر بالدليل ...

قبيلة حرب قبيلة عزيزة على قلوبنا
أما انت لاعتقد بأنك تمت بصلة بحرب القبيلة التي نعرفها

ولاكن دام انك من حرب فنحن عتيبة اسمع ماذا قال شاعر عتيبة :

ياحرب لو حطيتم البيت نصفين=ماهوب موصلكم ليا مستوانا

انتم رجال بالمعارك غثيثين=لكن ما تلحق اخطاكم اخطانا

حنا عتيبه ملحقين المخلين=بعنا بسوق الطايلات وشرانا

قومٍ على صولات الايام ضارين=لو عضنا ناب الدهر ما قوانا

يهابنا الطماع لو قلبه اذهين=نبطش محلات الطمع لاغزانا

اما إذا كنت من قبيلة مطير فأسمع ماذا قال ابن سعود لاميركم الدويش في حضور كلن من ابن حثلين وابوثنين من قبيلة سبيع
جرت هذه الحادثه في عصر الأمام عبدالله الفيصل بن سعود وهو جالس وعنده راكان بن حثلين والحميدي الدويش وعساف أبو ثنين ، وأتى العبد المقهوي بالقهوه ومد الفنجال لبن سعود فأجابه الأمام صبها للأمير فيهم وهو يقصد الدويش وبن حثلين فقال الدويش صبها لي فأنا الأمير فأنا أضرب المطيري وأذبح أحد أبناءه وأرقد مع أهلي مطمئننا وأما راكان لا يستجرأ على ضرب العجمي .
فقال الأمام أصحيح ماقاله الدويش ياراكان ؟ فأجابه راكان نعم صدق الدويش

لأني أنا حصان وسط حصن فإذا صهلت اصهلت الحصن

والا الدويش لا صهل الا هو حصن وسط (...........) .
فقال الأمام للعبد صب الفنجال لراكان فهو الأمير .

اسم المصدر الذي انت تفتقر له هو :

كتاب السعوديون والحل الإسلامي_ محمد جلال كشك

خيّال الرحمن

24-Nov-2005, 12:18 AM

نداء الى الاخوان المشرقين الكرام

المنتدى يعتبر واجهه لقبيلة عتيبه لدى القارىء الكريم

فأرجوا من الاخوان المشرفين ,تنظيف المنتدى من هذا الحثاله المدعو (دـ البيضاني )

انه فعلا حثاله ....تكرم قبيلة حرب عنه وعن امثاله ....ويكرم الدكاتره عن هذا (القذر)

الذي لم يدع قبيلة من القبائل الا وخاض فيها ...بغير علم...أرجوا أن يقوم المشرفين

بتحمية (المخطر) ووسم الحثاله (د/البيضاني) بالميسم الحار على (قلتّه) على يتعالج

ويشفى من هذا (الحثل الفكري ) الذي يعشعش في عقليته (المنتنه)..

ويعطى كرت أحمر ..لان هذا المنتدى ...للشرفاء (المحترمين ).

.اما الحثاله(د/البيضاني) فيصلح في منتدى (للمصاخين)اللي مثله ...

اما ..آن.. للحثاله .. ان توضع في (مرمى النفايات )..

خيّال الرحمن

24-Nov-2005, 12:28 AM

نداء الى الاخوان المشرفين الكرام

المنتدى يعتبر واجهه لقبيلة عتيبه لدى القارىء الكريم

فأرجوا من الاخوان المشرفين ,تنظيف المنتدى من هذا الحثاله المدعو (دـ البيضاني )

انه فعلا حثاله ....تكرم قبيلة حرب عنه وعن امثاله ....ويكرم الدكاتره عن هذا (القذر)

الذي لم يدع قبيلة من القبائل الا وخاض فيها ...بغير علم...أرجوا أن يقوم المشرفين

بتحمية (المخطر) ووسم الحثاله (د/البيضاني) بالميسم الحار على (قلتّه) حتّى يشفى من هذا (الحثل الفكري ) الذي يعشعش في عقليته (المنتنه)..

ويعطى كرت أحمر ..لان هذا المنتدى ...للشرفاء (المحترمين ).

.اما الحثاله(د/البيضاني) فيصلح في منتدى (للمصاخين)اللي مثله ...

اما ..آن.. للحثاله .. ان تُرمى في (مرمى النفايات )..

راع السويدا

27-Nov-2005, 04:16 PM

السلام عليكم ورحمة الله وبركاته

يقول السديري في كتابه..........اسمع با دختور

ان قبيلة عنزه تجتر قبيلة حرب كما يجتر الذ يب الشاه.......

يوم الحصني اكل شنب..........

المهم تعليقك.....

سلطان الروقـى

02-Dec-2005, 11:56 PM

شكراّ يافوق الهام بس أود أن أعلق على حرب بن رشيد على العتبان

بعد ان استقرت عتيبه وفروعها فى نجد كان بن رشيد لاهم له الا ان يخرج العتبان من نجد وارسل جيشاّ بقيادة الجربا وهم فى الطريق تقريبا عند الدوادمى فواجهم قبيله الحفاه من عتيبه وكانت الحفاه ديارها عسيله بقرب من الدوادمى وحدثت الحرب بقيادة حريميس الحافى ونكسرت جيش بن الجربا ورجوعهم الى ديارهم وهذا على حد علمى

وشكراّ...................

الايداء1

04-Dec-2005, 09:33 AM

,
,
صحيح

أن كتابات الشخص وأسلوب نقده

وتعامله مع الآخرين مرآته التي تكشف شخصيته

أن كانت شخصيه سويه أو مهزوزه ...

هذا ماتبين لي حين تتبعي لكتابات من رمز لأسمه د / البيضاني

وتخبطه الغريب بأنتقاداته الغريبه لقبيلة عتيبه وأفرادها ومدحه

لقبيلة حرب على حساب القبائل الآخرى ,,,

هنا أقول .. أن المواضيع الساقطه لا يجب التمادي بها ولا حتى الرد عليها لأن الترفع عن مثل

هذه المواضيع يلجم أفواه الحاقدين أمثال البيضاني ورد كيده في نحره ...

آمل من الأخوه الأعزاء الذين ينتمون لهذه القبيله العزبزه أن يتوقفو عن الرد على مثل هذه المواضيع الساقطه

وترك الموضوع للأداره لردع مثل هؤلاء السفهاء ,,,,

ويجب حذف مايسيء لأي قبيله لها تاريخها العريق وبها من الرجال الأبطال الذين أثبت التاريخ لهم أقوى الملاحم

البطوليه على مدى الأزمان ,,,,,,,,,

لكم مني كل الود والأحترام ..

قاطع طريق

08-Dec-2005, 11:31 PM

قاطع طريق .. فعلا انت لقيت اسمك المناسب .... و حرب والله ما درت عنك

يوم حشركم الشمري حاولتم تضيعون الموضوع

برق الوسم
حرب ما درت عنا, وحنا ما درينا عنها, ولا درينا عنك معها.
وترانا ساكتين عنك وعن قبيلتك لين جانا ولد عمك البيضاني يخثع في القشع.

واعتقد انك تعلم ان هذا المنتدى بإسم قبيلة عتيبة
وأكثر زوّاره من أبناء عتيبة, وأغلبهم حديث سن, وصغير إلى الآن.
بل ان اكثرهم من سكان المدن أومن دول الخليج, ومعلوماته عن قبيلته معلومات متوسطه. لذلك نحن هنا نكتب في النت لأجل هؤلاء, وكل مشاركاتنا هنا لأجل هذا الهدف السامي.
والله ما حنا مخلينك تشوّه افكارهم يالحريبي. بل سنشوهك أمامهم إذا تجازوت الحدود.
أما أبناء حرب فهم يزورون موقع قبيلتهم إن كان لها موقع, ولا هم جايين يدورون علومهم واخبارهم عند العتبان ويتجاوزون ربعهم الحروب.
هذا إذا كنت حربي.
أما إذا كنت مطيري فالأمر يختلف
وللأسف الشديد ان كثير من العتبان ما برّوا بالشيخ تركي بن حميد عندما قال:

من عقب هذا لا مطيرٍ وحنا = لا قرب جد ولا بهم نية الخير

لا جــــــــــــدّ قــــــريــــــــــــب

ولا بهم نية الخير ( أي خونه )

من عقب هذا؟؟
متى قال تركي هذا الكلام, وإلى الآن لم تنفذ وصيته

ومع هذا نجد بعض الكتاب هنا يقول حنا ومطير حبايب وبيننا علاقات ومدري ويش
قبّحهم الله قبح ما يقومون منه.

يوم حشركم الشمري حاولتم تضيعون الموضوع

كلام الشمري هنا كله قص ولصق من المواقع الأخرى. وقد ردوا عليه الأخوان هنا وفي موقعنا الآخر.
والرجال يجادل عن قبيلته بالحسنى, وله الحق في ذلك.
ثم ان الرجال ملتزم بأخلاق عيال الحمايل التي انت تدعو الأجناب إليها وفي منتداهم, ولم تلزم ولد عمك البيضاني بها.

ويا عيني على كلمة (حشركم) !!!
حنا ما احد يحشرنا, مثلك
كلٍ يقول من (....) بلانا
وسقى الله بقاعة وايام بقاعه.

طراد

09-Dec-2005, 12:30 AM

فيه سالفي حلوة
يقولون كانوا الحروب نازلين على بقيعا الواقعة الان في منطقة القصيم
وكان ابن رشيد يريد غزوهم ولكن ما لقا سبب للغزو لانهم مسالمين
لكن ابن رشيد صبحهم واخذ حلالهم
ويوم سألوه الناس ليش غزيتهم وانت ماكان عندك نية لغزوهم وهم ما جاء منهم خطا
قال لا والله جاء منهم خطا
قالوا وشهوا يالامير
قال (واردين بقيعا من اسفلها واذناب كلابهم عوج)

نسأل الله السلامه

مبارك العتيبى

09-Dec-2005, 12:37 AM

قاطع طريق

09-Dec-2005, 02:49 AM

والله يا مبارك أنا أكتب هنا لأجل هدف نبيل ذكرته في المشاركه أعلاه

سلامة عقول أبناء القبيلة, وثقافتهم عن قبيلتهم
أهم من نظرة القبائل الثانية لنا, والتي نحن في غنى عنها
وإذا تبينا نغادر المنتدى ما عندنا مانع
بس يجب على الإداره حذف خرافات البعض
ولا يسوون مثلهم هاك اليوم في موضوع ام الجواعر
يوم حذفوا مشاركاتي وخلوا مشاركات الزيدي ولا حذفوها

على فكرة تراني متابع للمنتدى من زمان
وما سجلت فيه غير في وقت قريب وذلك بسبب جهلي بالتسجيل فيه

وكل الأعضاء في ذاك الوقت روسهم دايخه ما عدا عين العقل وبعيد المرامع وسحيم الله يذكرهم بالخير.
وغيرهم واحد مدري ثنين

فمان الله

أبو مرحبا

09-Dec-2005, 02:31 PM

صحيح

أن كتابات الشخص وأسلوب نقده

وتعامله مع الآخرين مرآته التي تكشف شخصيته

أن كانت شخصيه سويه أو مهزوزه ...
عزالله انك صدقت يالقحص وياقاطع طريق مو كذا تورد البل يا خوك ترفعو عن اكلام الى يسئ لقبيتنا قبل القبايل الثانيه تراكم انتم الى تسببون الفتنه والعدواه لنا تكلمو بتاريخنا المجيد ولاتحوصون بالعلوم يمين وشمال وسوالف دنفسه الى ماله داعى والى الأداره الموقره الله يعطيكم العافيه والصحه شفولكم صرفه خلونا حنا فوق القبايل بمصداقياتنا مو بكلام القحص ولا قاطع الطريق لاحول ولاقوه

لاحول ولاقوة الابالله

تجيك التهايم لو كنت نايم

الاخ مبارك العتيبي
انا أخي الكريم لم ولن أسكت لشخص يسب او يمس شعرة من قبيلتي عتيبه الهيلا .
أما المدعو البيضاني نزلت اسلوبي لمستواه الغير مهذب
يقول الشاعر
من مدنا بالصاع نجزية صاعين

أما تجعلنا من يبحث عن الدنفسة

فأقول اتقي الله في نفسك كيف نبحث عنها

يقول شاعر
ترا الرجل ملزوم(ن) يثمن كلامة**قبل لاينزل بالمواقف مقامة

الاخ قاطع طريق

ماعليك من السفهااااااااء الذين يبابون ولايدرون وش يقولون
ابد رايتك بيضاء سير ياطويل العمر ونحن ان شاء الله على يمينك وانا معك قاطع طريق للاوباش ياابن العم..
فليخسى الخاسئون

مبارك العتيبى

10-Dec-2005, 03:31 AM

حمد بن عمر

10-Dec-2005, 07:50 PM

مبارك العتيبي ممكن تخبرنا عن نفسك ؟

ووين ساكن ؟

لأني لا أعتقد أنك عتيبي

وبعطيك رقم جوالي عالخاص

وأظهر وجهك قدام الناس

أبو مرحبا

10-Dec-2005, 09:22 PM

بسم الله الرحمن الرحيم
ياخى يا عزيزى يا بن عمى انا وش اقصد من كلامى همى الأول هو قبيلتى عتيبه الهيلا ماودى نزل نفسنا الى ناس هم بالأصل واطين المنتدى الغرض منه انا نوضح التاريخ والى يجى منتدانا يمرحبا مليون فيه يناقش نقاش بتواريخ واثبتات يا هلا فيه اما انه يلبخ باكلام فنسفه احسن طريقه أما قاطع طريق أخو وعزيز رده لى كان من اجمل مايكون وتقبل راى اخوه بصدر رحب اما انت يالقحص فردك دائمن رد مايخذه احد بعين العتبار ليش انا اقولك ردك بكلام ماهو بطيب كذا تشوه الصوره لنا وحنا انشاء الله متجمعين على العز فبطل من الكلام الى ماله داعى وياليت واتمنا من كل قلبى انك تاخذ كلامى بعين العتبار لين والله مو بس انا الى شايف اسلوبك يا خى هذا المنتدى يدخلونه اشكال والوان من القبايل فحبذا لو يشفون ردك احسن من كذا واسلوبك ارقى من كذا فى ردودك على المناقشن بالموضوع وان كان هو قال كلام ماله داعى فى اداره الله يعزه تعرف تصرف مع اشكاله
تحياتى لك أخوك مبارك العتيبى

الاخ مبارك العتيبي المحترم

ياطويل العمر اذهب وانظر لمشاركاتي ولله الحمد لايوجد بها شوائب ولا سب أما الشخص الغير محترم نصير نحن نفسه وأكثر وهذا الصحيح وقولو اللي تقولون

انا أحترم رايك وكلن وراية
ياحبذا لو تأكدت قبل الطعن بأسلوبي وهرجي

ملاحظه

الشخص المحترم نحترمة ونضعه فوق الراس وغير ذالك تدري وين نوديه

هذا الكلام ليس موجه لك شخصيا" بل للاشخاص الذين لايحترمون شعور الاخرين

والسموحة دام أسلوبي مزعجك يابن العم

مبارك العتيبى

11-Dec-2005, 03:30 AM

السلام عليكم والرحمه الله وبركاته
يأخى حمد بن عمر انت مشككن بصلى !!!!! عيب عليك بعدين شنو اظهر وجهك قدام الناس ليه انا لبس برقع مثلك وبعدين كم عمرك ها وكانك ماتعرف الرياجيل اسكت ابرك وبعدين مرسلتلى على الخاص وبعدين انا مرسلك على الخاص لا انا اكتبلك على العامه مانى بمثلك وعيب عليك بعدين الموضوع مهو بينى وبينك لاتحشر خشمك
أخوى عزيز القحص ودى انى ارسلك على الخاص بس مايسمحلى رصيدى وانت أخو وعزيز على قلبى بس والله انى انصحلك لى ولك والى القبيله واسلوبك على عينى وراسى يا بن العم وانا اسف كانى ظايقتك وابد والله مزعل منك تحياتى لك
أخوك مبارك العتيبى

المشبهاني

14-Dec-2005, 11:44 AM

السلام عليكم ورحمة الله وبركاته

واله يانتم مشوتين !!!!

مافيه الا سب وانتقاص من القبائل الاخرى ...

يابوي المثل يقول : مايحقر الرجاجيل الا ارداهم ....

وسؤال صاحب المقال عن حكم نجد ...مهوب عن المعارك البـيـنـية بين القبائل .....

الحكم 3 انواع :

1- حكم بادية
2- حكم حاضرة
3- حكم بادية وحاضرة مجتمعه

حكم البادية لايعني السيطرة على مكان ٍ ما ... بل اخذ ( الخفر ) على من ينزل فيه والقدرة على السماح او المنع بالرعي والسقيا مع الالتزام بشروط المسيطر ...

ابن هادي اخذ الخفر .. وكذلك ابن رشيد ... وقدمت لهم الهدايا ... هذا حكم بادية .

حكم ابن معمر في العيينه وابن سعود في الدرعية قبل الدعوة الوهابية كان حكم حاضرة .. قرية محاطة بالاسوار واهلها اهل فلاحة ....

حكم ابن عريعر في الاحساء كان حاضرة وبادية ..ونفس الشيء لحكم الاشراف في الحجاز... وسائر امارات الخليج ...
وهو ماانقلب اليه حكم ابن سعود ثم ابن رشيد فيما بعد ...فاصبحا حكم بادية وحاضرة .... من خلال السيطرة على الحاضرة والولاء من البادية ....

ولكل شيء استثناءات ... ولذلك كانت هناك حروب وكر وفر من اجل الاكراه على الطاعه ....

وانتبهوا من انتقاص الرجاجيل او بخس حقوقهم ...

سبحان الله وبحمده
سبحان الله العظيم

أبو مرحبا

14-Dec-2005, 01:22 PM

[QUOTE=المشبهاني]السلام عليكم ورحمة الله وبركاته

واله يانتم مشوتين !!!! [/QUOTE/]

وعليكم السلام ورحمة الله وبركاتة...

يامرحبا يا المشبهاني في منتدى عتيبة الهيلا

هذا راي الاخوة لك الحق بالرد
وكلن ورايه

[QUOTE=المشبهاني]مافيه الا سب وانتقاص من القبائل الاخرى ...

يابوي المثل يقول : مايحقر الرجاجيل الا ارداهم ....[/QUOTE/]

اين السب ياالمشبهاني
واين انتقاص القبائل الله يصلحك
دقق في كلامك اخي الكريم كي لايحسب عليك أما تأتي وتقول انتقاص وسب هنا أقول لك وقف
نعلم بأن الشخص ينظر لشخص كما ينظرون له فأنت ان نظرت لرجال بأنهم جبال نظرو لك بأنك جبل
هذا المنتدى يشرف عليه اشاوس يحترمون كل ضيف أما من قبيلة عتيبة او القبائل الاخرى فنحن نكن لكل القبائل احترام وتقدير
أما القصص التي سوف تجدها في ذا المنتدى ستجده مدعومة بالمصادر والمواثيق ولله الحمد يعني مابها شوائب أو أكاذيب
أما القصة التي رواها احد الاعضاء على انها لتركي واحد بنات بن قرملة فأنظر ماذا قالو الاخوة عنها بأنها ليست لتركي ولا بن قرملة لان بن قرملة كما قيل عقيم..

[QUOTE=المشبهاني]وسؤال صاحب المقال عن حكم نجد ...مهوب عن المعارك البـيـنـية بين القبائل .....

الحكم 3 انواع :

1- حكم بادية
2- حكم حاضرة
3- حكم بادية وحاضرة مجتمعه

حكم البادية لايعني السيطرة على مكان ٍ ما ... بل اخذ ( الخفر ) على من ينزل فيه والقدرة على السماح او المنع بالرعي والسقيا مع الالتزام بشروط المسيطر ...

ابن هادي اخذ الخفر .. وكذلك ابن رشيد ... وقدمت لهم الهدايا ... هذا حكم بادية .

حكم ابن معمر في العيينه وابن سعود في الدرعية قبل الدعوة الوهابية كان حكم حاضرة .. قرية محاطة بالاسوار واهلها اهل فلاحة ....

حكم ابن عريعر في الاحساء كان حاضرة وبادية ..ونفس الشيء لحكم الاشراف في الحجاز... وسائر امارات الخليج ...
وهو ماانقلب اليه حكم ابن سعود ثم ابن رشيد فيما بعد ...فاصبحا حكم بادية وحاضرة .... من خلال السيطرة على الحاضرة والولاء من البادية ....[/QUOTE/]

وعتيبة ياطويل العمر حكمة نجد قصب مهوب طيب

يا نـجد والله ما نـزلنـاك بـسلوم = ولـنتـي بـورث جدودنا بالقدايم

ويا نجد أخذنا منك حق ومرسوم= وصفى جنابك عقب نطل العمايم

خذناك عقب مدارك العمر بالسوم=سـوم (ن) يــخسر لابــسات اللثـايم

[QUOTE=المشبهاني]ولكل شيء استثناءات ... ولذلك كانت هناك حروب وكر وفر من اجل الاكراه على الطاعه ....

وانتبهوا من انتقاص الرجاجيل او بخس حقوقهم .......[/QUOTE/]

اعيد واكرر نحن ولله الحمد لم ولن ننتقص بالرجاجيل او بخس حقوقهم فهذه المصادر وامهات الكتب تحكي مافي جعبتها

سبحان الله وبحمده
سبحان الله العظيم

المشبهاني

14-Dec-2005, 02:27 PM

السلام عليكم ورحمة الله وبركاته

البقا ياقحص ...

وبالنسبة للانتباه للكلام وانا اخوك ... أنا ابخص بنفسي ... واقول لك اقرا الرد رقم 38 وما قبله .. الانطباع واضح لاي زائر جديد ...ولا قلنا هالكلام الا لأن العشم كبير ...

اما بالنسبة للحكم ... فقد شرحته .. فرق بين الحكم والسيطرة وبين الاستيطان والاستمرار وانا اخوك ....
والابيات اللي ذكرتها أنت هي للامير الفارس ضيف الله ابن حميد رحمه الله ... منكم وفيكم والنعم في الجميع ....ولكن لاتؤخذ كدليل على الحكم بل على الاستمرار ...

وليس في هذا الكلام انتقاص لاحد ... وكما قال الامير عبدالله ابن رشيد رحمه الله :

ياحـسـيـن مايـشـتـك كود الرديـيـن
والا تـرى الـطـيـب وسيـع ٍ ابـطـانه

وان شاء الله ما فيكم ردي ...

بس النزول في نجد والاستمرار فيها يختلف عن الحكم وانا اخوك .... فيه خفر وفيه هدايا تقدم .... وفيه سماح بالنزول او منع منه ....واعتراف من اطراف محايده بهذا الشيء ....

واما سالفة (قصب) واظنك تقصد ( غصب) ... فالدنيا ذاك الزمان كانت توخذ بالغصب .. حتى اللقمة توخذ بالغصب ... فما جبت جديد ...

ومرة ثانية ...

شكرا ً على الترحيب ويعطيكم العافية انت وبقية المشرفين

شمطان اللحى

06-Jan-2006, 05:10 AM

الناس اللي خبرك ماتذكر الطيب ولاخلا تاريخ الطيب من والي
في الرخا حب خشوم وترس ن للجيب وكسر الخشوم ليمن بغا العلالي
نجد العرب يا من صرخة ن حرولت ذيب إطرح الرجال سمعتها ليالي
فقر وجوع وجهل حدهم ولا هو بعيب العيب من عطا حقه للرجالي
فخربطونها كل القبايل ومجمعهم الحبيب محمد عليه الصلاة والسلامي
أهداء من : منتدى عتيبة لجميع قبايل نجد.

أبو مقرن

07-Jan-2006, 05:36 PM

ونعم مليووون في قبيلة عتيبه العريقه وكذلك نعم في قبيلة شمر (الطنايا) وتاريخهم شاهد عيان ولاينكر امجاد
القبيلتين وتاريخهم المشرف

الا جاحد وناقص عرف

وليد الزراقي

08-Jan-2006, 01:52 AM

نرجوا التفاعل من كل الاعضاء

راع العرف

09-Feb-2007, 11:14 AM

بسم الله الرحمن الرحيم
الحمد لله والصلاة والسلام على رسول الله وبعد .......
السلام عليكم ورحمة الله وبركاته وبعد ......
اخواني اعضاء منتدى عتيبه الهيلا الكرام ....
لقد لاحظت عند تصفحي لهذا الموضوع بعض التحامل على قبيلة حرب
من بعض الاخوان الله يهديهم ويسامحهم ,, ويعطيهم على نيتهم .........
ولااخفيكم فقد استأت كوني عضو في هذا الصرح الشامخ ولم اتوقع
ان تأتيني اساءه من فرد بقبيله اكنْ لها الاحترام والتقدير كوني محتك مع
اكثر من ابن لهذه القبيله العزيزه ولم أرى منهم الا المعزه والأخوه والتقدير
وهم قبل ذلك كله اخوه لنا بالدين ومسلمين تجمعنا بهم شهادة التوحيد
لااله الا الله محمد رسول الله ( صلى الله عليه وسلم ) وبغض النضر عن مايقال
من كلام وحميه جاهليه وشتم وتقليل من قيمة اي ٍ كان فنحن قبيلة حرب
وعتيبه ومطير وشمروقحطان قبل ذلك كله عرب وانتمائاتنا بكل حالاتها
لدماء قبائل العرب الاصيله وهذا تاريخ وان انهزمت عتيبه او حرب او شمر
او مطير او قحطان فهذا ليس بعيب فالهزيمه لاتعتبر نزول لقيمة احد ونحن نعلم
ان قبيلة عتيبه من القبائل العزيزه والمليئه بالشجعان والكرماء والفرسان
والشعراء على مر العصور ولاينكر ذلك الا جاحد ومنكر للتاريخ فلقد سطر
فرسانها الكثير من الملاحم التاريخيه المشهوده من الرجال المعروفين ولايحتاج
من يريد اثبات ذلك الى انزال قيمة قبيلة حرب لكي يثبت ذلك ولايقوم به الا عاجز
واناهنا لست في مقام اثبات ماهو مثبت اصلا ً في التاريخ ولكن ...................
لقد استهجنت كلمة عضو اراه غايه في النضج والتقديري وكلمته هذه ( يالحريبي )
اهذه هي نضرته لفرد من قبيلة حرب هكذا اصبح اسم رجل من قبيلة حرب هل
ترضى ان اصغر اسم قبيلتك الى مالاتحب هل ترضى بتنقيص لك ولقبيلتك اتوقع
انك لاتحب وانا رضيت ام لم ترضى لن انزل بنفسي لمسميات لايطلقها الا صغار
السن ولاتأتي من رجال عقلاء ....

وعذرا ً فلقد أستئت من ماقاله الاخ الذي كنت اضنه متعقل بعض الشيئ
عندما قال هذه الابيات الشاتمه :
ياحرب لو شقيتوا البيتين نصين .. ماهو موصلكم ليا مستوانا

الا تعلم اخي الكريم ان هذه الابيات من ضمن قصيدة هجاء دارت رحاها
بين شعراء حرب وعتيبه في فترة جهل والا تعلم انها ليست ببرهان فلو
انك اتيت بأبيات لفرسان لايزال ذكرهم حي بين القبائل لكانت افضل
بكثير من هذه الابيات فحرب ايضا ً بها شعراء قد جاوبوا هذه النوعيه من
القصائد واستطيع ان آتيك بملثها ولكن شيمتي تمنعني من ذم قبيله كامله
بشعر بعيد عن الادب , فكل قبيله بها الشجاع والرعديد , فشقة البيت دليل
على القوه والهيبه ليست كسرقته مثلا ً , كيف يكون هناك تنزيل لقيمة قبيله
لايكنْ ابنائها لكم الا الاحترام والتقدير ولايُربون ابنائهم الا على تقديركم ومرافقتكم
فأنا كان ابي عليه رحمة الله يقول لي (( رافق عتيبي ولا مطيري تراهم جيراننا
وسلومهم قريبه من سلومنا وعاداتنا )) عند بداية تنقلاتي بصغري...
وانتم هنا تعلمون ان هذا المنتدى يتصفحه الكثير من صغار السن والمراهقين
وتشويه سمعة القبائل قد تأخذ منهم بطريقه أخرى وهذا النشا ياأخواني لايعقل
ان تشوه سمعة قبيله بأعينهم فينشأوون وهم يرون هذه الصور ه المشوهه لقبيله
اخرى وهذه ليسة من شيم ايا ً كان من القبائل فااحترام الغير مطلب وتربية النشأ
على تقدير القبائل من الضروريات وصدقوني هذه لاتمت بصله الى التربيه المعهوده
من ابناء القبائل فهؤلاء الشيوخ الذين تفتخرون بهم كانوا يقدرون القبائل وشيوخها ولا
يهزؤون من احد منهم ولكن في هذا الوقت قد وطأت قيمة القبائل باعين بعض
من الناس بسبب المتغيرات التي لاتمت لموروثنا بصله , فكثيرا ً ماأسمع ابناء
قبيله يهزأون من ابناء قبيله اخرى وهم كذلك وهذا لو رجعنا للتاريخ لم يكن موجود
ولم يظهر الا في الازمنه المتأخره وهذا بحد ذاته سقوط ليس بعده سقوط ........
التاريخ ثابت ولاتغيره بعض الاساليب ونجد بالماضي لم تكن ملك لقبيله بعينها
ومن يقول ان نجد ملك لقبيلته فهو منكر للتاريخ . فنجد لكل قبيله به موطأ قدم
سواءا ً عتيبه او حرب او مطير .....
فعتيبه لها ديارها بالماضي وحرب كذلك ومطير , وحـُـكم نجد كان في فتره معينه
لاابن رشيد وفتره اخرى لاابن سعود اما عتيبه وحرب ومطير فكلا ً له دياره التي
تحت سيطرته ..........
ومن يقول غير هذا الكلام فأن كلامه يفتقر للدقه ولايمت للتاريخ بصله الا كونه
حميه جاهليه فنجد طويله عريضه ليست كلها ملك لقبيله بعينها وديار حرب بها
لم يخرجها منها اي قبيله والتاريخ شاهد وكذلك الجغرافيا ولاننكر هزيمة حرب في
بعض الوقاعت وكذلك لاننكر انتصارها ايضا ً بحماية ديارها والذود عنها والشواهد
كثيره .................................................. .
اخيرا ً وليس آخرا ً انا ترددت بكتابة هذا الرد ولكن مادعاني اليه هو قول كلمة الحق
وبغض النضر عن انتمائي فانني ولله الحمد اعرف قيمة الرجال من أي قبيله وأقدر
الرجال لو انه لايوجد بيني وبينهم ارتباط .............
بقي لي كلمه اخيره لابد من قولها ...!!!!
اخواني الافاضل الكرام ابناء القبائل العزيزه على قلوبنا والتي تربينا على تقديرها
والاعتزاز بصحبتها ورفقتها من صغري ,,, هذا تاريخ والتاريخ لايغضب منه الا جاهل
ولكن لاتأخذكم الحميه وتاريخ القبائل عن تكالب الامم علينا كوننا مسلمين فالمؤامرات
تحاك علينا من كل حدب وصوب ولايخفاكم حال المسلمين السنه في الوقت الراهن
ومؤامرات العدوان عليهم ومؤامرات ابادتهم فمهما كتبنا وقلنا عن تاريخ آبائنا وأجدادنا
لاننسى حال المسلمين ولاننسا ان الحربي والعتيبي والشمري والمطيري والقحطاني
كلهم اخوه لنا بالدين وان القتال في السابق كان فترة جهل وقتال ببين مسلمين يقتل كل
ٌ منهم الآخر وياخذ ماله وحلاله ويفني بعضهم بعضا ً اما على مورد ماء أو على مرعى
لأبل احدهم اوغنمه ونحن الآن في نعمه ولله الحمد ولابد من شكر هذه النعمه .........
الحمد لله الذي لانحتاج فيه الا لبيت تقر اعيننا به وصحراء نذهب لها للتنزه بدون قيود
الله الله يالربع بالشيمه ترى الرجال اللي ماتمنعه شيمته ماهو رجال فاللسان لايعجزه
الرد ولكن تمنعنا شيمتنا وتقديرنا للعزيزين تمنعنا من ذلك ...........................................
الحمد لله الذي جعلنا بنعمته اخوانا وجمع بيننا بالمحبه والموده والتقدير رغم وجود بعض
الاقلام المغرضه التي ديدنها التفريق بين القبائل فنحن انساب وارحام وبيننا علاقات
متينه من جميع النواحي واهمها الدينيه تجمعنا كلمة لاالهالا الله محمد رسول الله
صلى الله عليه وسلم .......................................
اتمنى ان نقاشي كان يليق بمنتدى قبيله بحجم عتيبه الهيلا
واتمنى انني لم اجعل في نفس أيا ً كان من ابناء القبائل
شيئ والله ولي التوفيق ........................
ياعتيبه ياطويلين اليـــــــــــمين .. مكرمين الضيف واهل الشاذليه
يوم وقت ٍ فيه ضرب ٍ باليــــدين .. حاميين دياركم بالــــــــــــمقدريه
غصب ماهو طيب ولابالمارتين .. بالسيوف الحدب حامين الــرعيه
اخوكم
راع العرف

حمد بن عمر

09-Feb-2007, 03:09 PM

فأنا كان ابي عليه رحمة الله يقول لي (( رافق عتيبي ولا مطيري تراهم جيراننا
وسلومهم قريبه من سلومنا وعاداتنا ))

صدقت يا راع العرف

الحربي والعتيبي والمطيري عاداتهم وسلومهم وحده

.