يقلون بعض العرب قصاص جره "

[فهد الحصيني]

سلام تسليمة ن حلوه مره=طعم الحلا والمراره من طعمها

يقلون بعض العرب قصاص جره=ويعرف جرتك من ماطا قدمها

[فهد الشهيب الثبيتي]

سلام تسليمة ٍ حلوه ومرّه

ياسلام

صح لسانك يافهد وصح لسان قبيلك مقدما

متابعين

[فهد الحصيني]

فهد الشهيب


الله يسلمك ويكرمك يالغالي


وصح بدنك وقلبك

[هجاد الثبيتي]

الله الله

صح السااانك يافهد


وبنتظارك قبيلك

[فهد الحصيني]

الليل احد يبا يرد والا نسري مثل الليله اللي قبلها

[فهد الحصيني]

ههجاد الثبيتي


صح بدنك وقلبك يالغالي

[عبدالمجيد الثعلي]

يامرحبا يعقبـّـه نفعّ ومضـرّه=واللي يحصلّ غنيمه يغتنمهـا
إن كان قصاص أثرّ ومن آل مــرّه=الناس على الأثر لا تتهمهـا

[فهد الحصيني]

دام البقا ياعسى فيك انت سره=مار البلا من جهوده ينحرمها

هذا الزمن قـل خيره كثر شره=والتهمه اتدور حول اللي لزمها

[عبدالمجيد الثعلي]

تبقى بسماها الكواكب فالمجـرّه=وصدوركم دوبهـا ترتـدّ نسمهــا

هذا الزمن عاشت به الناس حـرّه=مادام لقمة يدك تأصل لفمهــا

[محمد الذيابـــي]

ابداع من الشاعر فهد الحصيني


والشاعر عبدالمجيد الثعلي



فالكم التوفيق

[عبدالمجيد الثعلي]

الأخوان اللي مروا صحت أبدانكم وشرفتونا

[عبدالمجيد الثعلي]

محمد الذيابي

الإبداع مرورك الكريم اللي شرفنا

[فهد الحصيني]

اصدورنا واسعه لا لا تشره=وابلادنا حره ايرفرف علمها

ماتبصره عينك انته هات سره=ويجابتك يفتهمها من فهمها

[عبدالمجيد الثعلي]

ماهيب مـرّه ولا عشريـن مـرّه=طبع العرب تشتم اللي ماشتمهـا
الثوب ماهو ستـرّ لولا الأزرّه=بعض العرب حيـّه ولا الله رحمهــا

[فهد الحصيني]

العاقل أقول أنا ماشي غره=ايشاهد الكميره وايضاً فلمها

وابليس من يتبعه للشر جره=ظالم وخلق الله ابظلمه ظلمها

[عبدالمجيد الثعلي]

مافيه داعي وباب ٍ للتشـرّه=راحت مع الوقت سلمها إستلمهـا
شاط البحر حد ٍ لبحره وبـرّه=من يكرّم النفس تجزيه بكرمهـا




صح لسانك ولاهنت يافهد والله يبيض وجهك

[فهد الحصيني]

تصبح على خير يابن ثعلي ومع السلامه يالغالي