يا ليت فـ "شهار" للشعـّار يفتح قسم ..!!

[وصل العطياني؟؟؟]

السلام علاكم :)




الشعر ساحة وغى والفكر جيش الحسم =والنادرة نادرة من يقدر يصيدها

نتعب على دربها حتى يذوب النسم = و بعد التعب والشقا نلقى مواريدها

والآدمي ما يسوّي غير ما الله قسم = و الموهبة ما تليق الاّ على سيدها

المبدع يدوّر اللي ما عليها وسم = و يعلّق إسمه و عنوانه على جيدها

يرسم بيوت الشعر من غير ريشة رسم = قصيدته ما تجي تمشي على حيدها

تشوف وسمه عليها قبل تقرأ الإسم = و تبطي ولا ملّت الأسماع ترديدها

منظومة إبداع لا تفصل ولا تنقسم = ما كلّ من قال شاعر يقدر يجيدها

والاّ المهابيل تصرف من قليل الدسم = تدوّر الفكرة اللي جات وتعيدها

ابيات مستهلكة واصحابها تبتسم = الله يعين العقول اللي هذا فيدها

يا ليت فـ .. شهار للشعار يفتح قسم = مهبّل الشعر واجد والله يزيدها

















تحياااااااتي .

[محمد ابن رووق]

حجز قسم في شهار ههه


مدري وش حببك في السهر

[وصل العطياني؟؟؟]

ههههه هلا يا ابو حميد :)

تعوّدنا الله يكون في العون بس ...

نوّرت يالغالي ...


تحياااااااتي .

[محمد ابن رووق]

مدري وش اقول هههههههههه


ماشاء الله عليك فكره وقافية وفكاهه وقوة وجزاله


القصيده يبيلها عصام الشوالي يعلق عليها



ننتظرها بصوت والصوره

[OTAIBAH]

يسهره الهاجس..والابداع :)

ومن طلب العلا سهر الليالي..


وعزالله ان ابومشور من علو في اعلى..

وسيبقى جزل..الى الازل :)

صح لسانك

[مــعــدي الــعــتــيــبـي]

صح السانك ملايييييييييييييين
وفعلا هذى الشعر الحقيقي ان تنفرد بفكره جديده وتكون لك وسم


يعطيك العافيه على التعريف الكافي للشعر والشعر ليس بالكم ولاكن بالنادر

[محمد الذيابـــي]

صح لسانك ياوصل مبدع



وفقك الله

[متذوق الشعر]

وصل العطياني:

اشهد بالله أن كلمة مبدع قليله في حقك أنت علم ورمز من رموز الشعر الاساسية

صح الساااااااااااااااااااااانك ياعلم

[ولد منصور الابرق]

المبدع يدوّر اللي مـا عليهـا وسـم
و يعلّق إسمه و عنوانه علـى جيدهـا
يرسم بيوت الشعر من غير ريشة رسم
قصيدته ما تجي تمشي علـى حيدهـا
تشوف وسمه عليها قبل تقـرأ الإسـم
و تبطي ولا ملّت الأسمـاع ترديدهـا


انت

انت

المــبدع


قريت القصيده اكثر من مره ابي بيت يتميز اداؤه عن باقي القصيده ماحصلت لان القصيده كلها على بعضها عجيبه ورهيبه في فكرتها

هنــــــــــيئا لنا بك

تحياتي واعجابي

[ماجد السميري]

اركان الشعر


الوزن ــــــــــــ القافيه ــــــــــــ المعنى ــــــــــ قصيدة وصل


قصيده تعتبر ركن من اركان الشعر وقواعده


شامخه ياوصل كعادتك


صح لساااااانك بيض الله وجهك







ابيات مستهلكـة واصحابهـا تبتسـم
الله يعين العقـول اللـي هـذا فيدهـا


هههههههه

تصوير زوووم

[مرزوق حمدان العتيبي]

والاّ المهابيـل تصـرف مــن قلـيـل الـدسـم
تـــــدوّر الـفــكــرة الــلـــي جـــــات وتـعـيـدهــا
ابــيــات مسـتـهـلـكـة واصـحـابـهــا تـبـتـســم
الله يـعـيــن الـعـقــول الــلــي هــــذا فـيــدهــا
يـا ليـت فـ.. شهـار للشـعـار يفـتـح قـسـم
مــهــبّــل الــشــعــر واجـــــــد والله يــزيــدهـــا



فوق كل اشاده من ابداع الكلام
مليون صح لسانك يابو مشهور
وتقييم عالية الجوده ... مع كامل الدسم ....

[فهد الزهراني]

قلت لك مجرم

والحين اثبت كلامي

وصل والله انك داهية شعر وجن شعر في ثوب آدمي

مشيت مع قصيدك لين آخر بيت ورفضت دعوتك الاخيرة وقلت الله لايكثرهم

تحياتي لكـ

[عبد الكريم العازمي]

ابيات مستهلكـة واصحابهـا تبتسـم
الله يعين العقـول اللـي هـذا فيدهـا




الله الله الله الله


صح لسآنك يا وصل صح لسآنك مليووون ولا يكفون


وعز الله صدقت :)

[معلا إبراهيم الأسعدي]

صح السانك ياعلم

[توبان الروقي]

صح الله لساانك يابو مشهوووور عز الله انك المبدع اللي ماغيرهـ



قصيده رائعه رائعه بكل ماتعنيه الكلمه والرائع اكثر فكر ابو مشهووووور




تحيتي وتقديري واحترامي لك يامبدع

[ابو فايح]

الشعر ساحة وغى والفكر جيش الحسم=والنادرة نادرة مـن يقـدر يصيدهـا


هذا بيت لم تسبق عليه

نعم من يملك الفكر هو من سيحسم المعركه



ماذا أقول !!!؟؟؟

مدحنا ولا باقي مدح ما قلناه في إبداعك


غير صح لسانك

[عيد بن مرضي]

ابو مشهور صح لسانك


جزل ولا انت بحاجة شهاده

[عناد الشيباني]

ياسلااااااااااااااااااااام عليك


صح الساااااااااااااااااااااانك


مبدع مبدع

فيك مستهلكه


الله لايضرك


تحياتي

[مخاوي الطير]

والاّ المهابيل تصرف من قليل الدسم = تدوّر الفكرة اللي جات وتعيدها

ابيات مستهلكة واصحابها تبتسم = الله يعين العقول اللي هذا فيدها

يا ليت فـ .. شهار للشعار يفتح قسم = مهبّل الشعر واجد والله يزيدها








.


هههههههـ

ماقصرت تبي تفتح لهم قسم بمستشفى شهار للعــلاج

علمك غانم


:)

[فهيد الايدا المورقي]

الابداع نوع من الجنون


وصل العطياني صح لسانك


تحيتي

[عيضه الثبيتي]

مجنووووووووووووووووونه



لله درك يامبدع




متفرد


متميز




وش عاد أقول





تحير الالباب




صح لسانك