مالها غير فنجال

[حمود العازمي]

{ مالها غير فنجال }

قامت عتيبه وأعتزت لأجل فنجال
راع المواقف والعزوم القويه
شوف الحلال اللي معه يشرح البال
يستاهل الأول ولا فيه زيه
ماساقها قبله مع الناس وبال
تفخر بها نجد الرياض العذيه
ماكل متمني تجي له على الفال
يوم الرجال تسوم هاذي وذيه
تفرح بها النخبه بلا شك وجدال
لاجات صفت مثل عسكر سريه
بوصوفها ولا من الزين والحال
ألا لها الأوصاف ميه بميه
من شافها ينسى حلاله ويهتال
ماتدخل الهزله بها والرديه
فنجال أبن سلطان عداله جبال
عجزت تعديها الرجال الونيه
يافرحة عتيبه على كل الأحوال
أنجازها دايم على الأولويه
بالمركز الأول لها طبع وجزال
ماهي غريبه للرجال الوفيه
شكرآ يابن سلطان ياخير الأجيال
ميقافك أثمر جهد صبح وعشيه
كل القبيله معك رجال رجال
ضد الليال العاثره والسنيه
سقت المراجل كلها ألوان وأشكال
ثروة يمينك من كرمها نديه
غيثك يعم الناس شيبان وأطفال
يامن كسبت أغلا الدرر والرعيه
كلن يقلد سمعة الشيخ فنجال
لأنك زعيم وتعتلي كل هيه
شبل القبيله رمز من ذيك الأشبال
لا قيل أبو خالد ولا به حليه
له في رفيع المجد قمه ومنزال
دايم على الهقوات والنار حيه

الشاعر: حمود عبيد العازمي

[نشمي مقعد نايف العتيبي]

صح لساااااانك

يابن العم

وفنجال يستاهل

اتمنى لك التوفيق

اخوك نشمي العازمي

[محمد الذيابـــي]

صح لسانك ويستاهل فنجال



لاهنت يالغالي

[سلطان البقمي]

حمود واضح انك من بيت شعر وان ماخاب ضني انك في بدايتك الشعريه



الربط في البيوت جميل جداً في هذه القصيده خاصه،، قراة لك قصيده



قبل طيبه بس يبدو انها اول قصيده لك ومتحفظ على الملاحظه اللي فيها

لذالك فسرت انك في بداياتك ،،ولا بد اشيد فيك إذا حصلت منك نص جميل



ولا بد اذكر الشي السلبي وهذا الكلام لو مبيك تستفيد ماقلته



انت شاعر وفيك مواصفات الشعر، لك مني خالص التحايا

[بن رفااع]

صح لسانك

ويستاهل الممدوح

[عـقـــــــــــاب]

صح لسانك ياحمود العازمي

بيض الله وجهك

وفنجال الشيباني يستاهل المدح

وابله النخبه بلا منازع

والقصيده طيبه واعيد صح لسانك

تحياااااااااااتي تقبلها

[فهد العازمي العتيبي]

..


صح لسانك ولاهنت

ويستاهل الشيخ فنجال بن سلطان البعير الشيباني ،،،

[فهد علي العازمي]

صح لساااااااااااااااااانك يا ابو عبيد

جزلة يالغاااااااااااالي

[عزارم]

صح لسانك ولاهنت ياطيب