من القائل؟؟

[راس الشلفا]

اخواني في منتدى الهيلة


السلام عليكم ورحمة الله وبركاته

رأيت في بعض تواقيع الاخوان

بيت من قصيدة
وهو رائع حقيقة
اللي يقول :
حنا مراجلنا على هبه الريح ** لاخالف الواجب عيال الرخومي

لااهنتوو ياليت تعلموني بقائلها
وهل لها تكملة؟؟

مع اني سألت واحد من الزملاء عتيبي
يقول والله مااعرفه لكنه بيت شائع ومعروف


ياليت لاهنتوا تعلمووووووني


ولكم من جزيل الشكر


اخوكم راس الشلفا

[الكرناف ماينعاف]

حياك الله ياطويل العمر
اما قائل القصيده كديميس بن صالح العصيمي
اما التكمله ماني بعرفها
وشكرا تــــحـــيـــاتي

[راس الشلفا]

ونعم والله

وابقاك الله على طاعته
وبيض الله وجهك يالقرم
سلمت ,, ولاقصرت

ايه ذالحين اقهر الثبيتي
واقله انا اعرف شئ عن قبيلتك انت ماتعرفه:)


لاااااااااااااهنت يالكرناف ماينعااف



وياليت من الاخوان اللي يعرف تكملة القصيده ينزلها





راس الشلفا

[وصل العطياني؟؟؟]

البيت من ضمن قصيدة للشاعر : شليويح العطاوي حسب ما اعرف ...

ومنها :


يا ناشدٍ عني تراني شليويح = قلبي على قطع الخرايم عزومي
اضوي ولو صكت عليّ النوابيح =واختار قسمي من خيار القسومي
يا ملّ قلبٍ عانق الفطر الفيح = كنه على كيرانهن محزومي
ما يختلف عنهن يقع يخلف مليح=والا يشد الضلع ضلع الــــــــبقومي






تحيااااااتي

[راس الشلفا]

ياســــــــــلااااااااااااااام عليك يالمقاطي

ذكيته ,, ماشاء الله عليك

خــــــــــلاااااااااااااص نعتمد؟!!

اختلاف عتيبه لايفسد للود قضيه

بارك الله فيكم يالعتبان

[وصل العطياني؟؟؟]

أقول يا خال :)

حسب معلوماتي وقد تكون خاطئة :(

الزبدة إن البيت من عتيبي وعتابة حلالهم واحد ..!!


تحيااااااتي

[راس الشلفا]

هلا بالبنخاي

لااا إن شاء الله المعلومات صحيحه << عشان فيها خوال وعلوم رجال


يعطيك العافيه
وماقصرت



راس الشلفا

[بعيـد المرامع]

البيت من قصيده مساجله جرت بين محمد بن حويل العصيمي ..وكديميس العصيمي

[راس الشلفا]

بعيد المرامع

لاهنت .. ويعطيكـ العافيه


بعد الاطلاع والتحري ... ثبت ان القائل كديميس
سألت عتبان قالوا مهي لشليويح ....

والقائل كديميس ميه الميه


وصل العطياني لاهنت

الكرناف ماينعاف

لاهنت يالذيب







راس الشلفا