ليا من قفل القيلون مثل القفل ابو كيلون+تصبًر ثم رجعها على القيلون عكسيه

[سلطان المفرجى]

بعد التحيه


تعبر عن نفسها



ليا من قفل (القيلون )مثل القفل ابو كيلون =تصبر ثم رجعها على القيلون عكسيه
وخل شعارك الضحكه وفك الخاطر المسجون= وخذ من طبع اهل حايل سعة بالٍ شماليه
مدام الله خلق هلكون والي قدره بيكون= اجل ليه الحزن والهم والاحوال ماليًه
وعمود الدين لامنك لزمته لزمت الحجون = تبي ترتاح في دنياك والسيات ممحيًه
ربيع القلب ذكر الله دواه ليا غشاه لحون = يريح ويستريح ولوك بدارٍ خلاويه
زمان العولمه والعلًمنه والعالم المفتون = يبي صحوة قلوبٍ ما تغيرها الفضائيه
يا كيف وذا الزمن جيله يشابه نبتة العرجون= ليا كبرت تغير لونها واضحت كما البيًه
تقاليد العرب راحت وعود حالهم في دون =على عصورن مضت نبكي وننعاها بمرثيه
الا يالله ترجعنا لدينٍ فيه حفظ وصون= وتصلح ما عطيت وتحسن الاعمال والنيه
سلطان المفرجي

[مرزوق حمدان العتيبي]

..

.
وعمـود الـديـن لامـنـك لزمـتـه لـزمـت الحـجـون
تـبــي تـرتــاح فـــي دنـيــاك والـسـيـات مـمـحـيًـه
ربيـع القلـب ذكــر الله دواه لـيـا غـشـاه لـحـون
يــريـــح ويـسـتــريــح ولــــــوك بــــــدارٍ خـــلاويـــه


لافض فوكـــ

[محمد الذيابـــي]

سلطان شاعر مميز


لاهنت يالغالي

[كعام]

زمان العولمه والعلًمنـه والعالـم المفتـون=يبي صحوة قلوبٍ مـا تغيرهـا الفضائيـه





شاعر مبدع ودائما على وتر

صح لسانك مليون----متابع لكل جديدك

[((مشاري المرشدي))]

صج لسانك ياابو عبدالله على القصيده الى اكثر من رائعه وليس غريب عليك الابداع

[فهيد الايدا المورقي]

والله لا قفل القولون ماله علاج


ههههههههههههه



سلطان المفرجي صح لسانك

[((مشاري المرشدي))]

صح لسانك لاهنت

[مطلق الفليت]

صح السانك وعتلا شانك



أبدعت ياسلطان



طال عمرك

[ابن سلوم الهيلوم]

تسلم اخوي سلطان صح لسانك رايعه وانت اروع

[راعي القوافي]

صح لسانك واعتلا شانك يا المفرجي