انتهى حرب السوالف وابتدأ حرب المعاني %

[ماجد السميري]

السلام عليكم ورحمة الله وبركاااته




استلم يامشاري الشيباني


انتهى حرب السوالف وابتدأ حرب المعاني=ياولد شيبان والطرقه على الرجلي كليفه
التطوّر عمّ كل المملكه غار حلباني=وابن مشيب لو نشدته قال يا محلا مصيفه

[فهد الزهراني]

الله الله

خطير يالسميري

ننتظر مشاري ليحط النقط على الحروف

تحياتي لك

[ماجد السميري]

الله الله

خطير يالسميري

ننتظر مشاري ليحط النقط على الحروف

تحياتي لك







اررررررررررحب يافهد


ولاهنت على حضورك المميز

[مشاري الشيباني]

وعليكم السلام ورحمة الله وبركاتة



المعاني حرب / والمنصور (مفصوح اللساني)=لاتوصيني ,, موقّف للثقيلة والخفيفة

لا تقول دغيبجة فيها طويلات المباني !!=كلّ مامريتها وغبارها مثل العصيفة

[فهد علي العازمي]

ههههههههه

أمّا دغيبجة فيها طويلات المباني

صحت قلوووووبكم

[مشاري الشيباني]

فهد الزهراني

فهد العازمي

صحت ابدانكم

شرفتونا

[ماجد السميري]

وعليكم السلام ورحمة الله وبركاتة



المعاني حرب / والمنصور (مفصوح اللساني)=لاتوصيني ,, موقّف للثقيلة والخفيفة

لا تقول دغيبجة فيها طويلات المباني !!=كلّ مامريتها وغبارها مثل العصيفة





ههههههههه طيب طيب



احسب حساب الدقايق واحسب حساب الثواني=والله ايقوّيك ياراع الثقيله والضعيفه
مار حنّا ما نسوق العشر وتعوّد ثماني=وانت دهر الوقت في دنياك ما يفرق خريفه

[ماجد السميري]

ههههههههه

أمّا دغيبجة فيها طويلات المباني

صحت قلوووووبكم





اجل ويش وعندنا بعد ابراج ارسال
ان كان تبانا نمدكم بتغطيه يالعوازم ترانا حاضرين ههههه


صح بدنك ولاهنت

[مشاري الشيباني]

ابو بندر والله ان اللعب معك ماينمل لكن الليل طرف ويش رايك نكملها بكرة ان شاء الله

[ماجد السميري]

ابو بندر والله ان اللعب معك ماينمل لكن الليل طرف ويش رايك نكملها بكرة ان شاء الله





على خير ان شاء الله

تصبح على خير

[عبدالله السرحاني]

ماجد السميري
مشاري الشيباني


صحت السنتكم


في انتظار اكتمال الطاروق





تحيتي

[مشاري الشيباني]

المشوّك في يدي والسرج في ظهر الحصاني= محتميبة راعي العطفة ولبّاس القطيفة
وان نزلت مع الولد شرهو عريبين المجاني= مير بجنّب مع الاطراف والنيّة نظيفة

[مشاري الشيباني]

المشوّك في يدي والسرج في ظهر الحصاني= ينتخيبي راعي العطفة ولبّاس القطيفة
وان نزلت مع الولد شرهو عريبين المجاني= مير بجنّب مع الاطراف والنيّة نظيفة

ارجو من المشرفين تعديل البيت

[ماجد السميري]

المشوّك في يدي والسرج في ظهر الحصاني= محتميبة راعي العطفة ولبّاس القطيفة
وان نزلت مع الولد شرهو عريبين المجاني= مير بجنّب مع الاطراف والنيّة نظيفة







ما حدٍ ابجايٍ على درب الردى والشين عاني=الوليف اللي من عيون العرب يحرس وليفه
استرح يافكري الواعي وريّح يالساني=جملةٍ ما تطرب الهوجاس ما فيها حسيفه

[شاهر صنت المهيدلي]

المشوّك في يدي والسرج في ظهر الحصاني=محتمـيـبـة راعـــي الـعـطـفـة ولــبّــاس القـطـيـفـة

ياسلام ياسلام
مشاري صح لسانك


استرح يافكري الواعي وريّح يالساني=جملةٍ ما تطرب الهوجاس ما فيها حسيفه


ماجد السميري اعجبني هالبيت جداً

صح لسانك

مبدعين مبدعين مبدعين

متااااابع

[مشاري الشيباني]

الزمان اللي كوا ماجد بناره (ماكواني)=ياعتيبة ربعنا من صاحبي طاح النصيفة
استرح يافكر ماجد لاتغث اهل المكاني= ليت ماجد عن هذاه الشغل حصلّة وظيفة

[شاهر صنت المهيدلي]

استرح يافكر ماجد لاتغث اهل المكاني= ليت ماجد عن هذاه الشغل حصلّة وظيفة

رد وافي يابن مشيب

سجل اعجااابي على هالبيت


وصح لسااانك

[مشاري الشيباني]

اعجابك محل فخر ياشاهر

وصح بدنك

[مشاري الشيباني]

انا اشكر الاادارة على حسن تفهمها لما حصل من التباس حول الموضوع واقتناعها بسلامة ابيات الطاروق وإعادتة وهذا هو المأمول من إدارتنا الموقرة

[مازن الشيباني]

ماجـــد السميري

مشاري الشيباني



ابدااااااااااااع × ابداااااااااااع


صحت السنتكما

واشهد بالله انكما منبع للشعر والابداع

[ماجد السميري]

الزمان اللي كوا ماجد بناره (ماكواني)=ياعتيبة ربعنا من صاحبي طاح النصيفة
استرح يافكر ماجد لاتغث اهل المكاني= ليت ماجد عن هذاه الشغل حصلّة وظيفة







لاتقوله وانت ماتدري عن اسرار الزماني=انشد اللي فالخفا سامر لياليه اللطيفه
من كتبها , من رضاها , من نبشها , يا خواني=مذهبه مذهب وسيع وسيرته ماهي شريفه

[مشاري الشيباني]

هههههههههههههههه


مالحقني شك مثل اللي يصيّح .. مايداني= الحرار الله خلقها ماتوقّع فوق جيفة
كلمة الجاهل تضرة ... ماتحرك في كياني= غاسلٍ كفي عن الجاهل بصابونة وليفة

[وافي ضاوي]

ماجد السميري @ مشاري الشيباني


صحت السنتكم



في انتظار اكتمال الطاروق

[مشاري الشيباني]

صحت ابدانكم جميعا

[فايز بن سرحان الثبيتي]

صحت السنتكم "



قاف محبووك وفتل ونقض عالي "

[فوازالعتيبي]

صحت السنتكم "



قاف محبووك وفتل ونقض عالي "


كما قال الدكتور