هذا ردي على .. عبرود الهذلي

[فواز منيع الله الثبيتي]

بسم الله الرحمن الرحيم

السلام عليكم ورحمة الله وبركاته

اخواني الاعزاء

نظرا لما شاهدته من كلام جارح في قصيدة قام بنقلها في عدة منتديات المدعو / عبرود الهذلي .. والذي تهجم فيها على قبيلة الثبته من عتيبه// وعتيبه عامه// والشاعر ,, عيضه الثبيتي ..

فهذا ردي عليه ..وعلى كل من تسول له نفسه المساس بتاريخ وعراقة قبائلنا او اي قبيله كانت بشكل مباشر او غير مباشر

واقول له بالحرف الواحد .. (( جنة على نفسها براقش يااستاذ عبرود ))

واستلم


لاعدت ياوقت تعلا فيك منزال الخبل=واصبح يفكر فالجدي وسهيل كيف ينولها
اللي من اول فاقد التقدير من بين الجمل=امسى موخر فاعل الجمله على مفعولها
وش لون ياتاريخ تزعلنا وحنا اصل وفصل=وتجامل اللي تستوي نسوانها وفحولها
اسمع كلامي والقضيه مابها نقض وفتل=دام الرجال شهود والفتنه تدق طبولها
حنا ثبيت اهل الثلاث الوافيه قول وفعل=افعالنا تصعب على نسل العبيد تطولها
وانسابنا تكرم عن المعطان وعيال الهمل=انقولها واطرف قبيله فالحجاز تقولها
واللي يبي يطعن نسب اخر رسول من الرسل=تاطا عليه ثبيت من دون العرب بنعولها
ان كان يوم انك نطقت الزور ماعندك عقل=مانته مغير شي مادام العرب بعقولها
وان كان ودك بالرضاعه تصبح الشيخ البطل=ماترتفع روس الرجال الا بطيب افعولها
لكن ياقرد الجبل يحرم على فمك العسل=القرب مامن قرب والافعال مانت بحولها
هاذي حقيقه ثابته وان كان في صدرك زعل=اقضم حصى حلق اليمانيه وسف سهولها
ماجاك غير اللي يبل الريق من حيد الوبل=واحذر من اللي فوق راسك لاتهل ثعولها
واخبر رفيقك صاحب العبرود عنا ماجهل=حتى يميزها ويعرف عرضها من طولها
حنا ثبيت اللي على نهج العروبه لا نزل=نحفظ عوانينا ونكرم فاللزوم سبولها
واليا سمعنا من حدى رعيانهم بعض الزلل=حشمه لغاليهم سفهنا هرج كل خبولها
وان كان ينشد عن فعايلنا يدور فالسجل=يلقى سجلات الفخر بيبانها وفصولها
حنا ثبيت اللي طردناكم ورى هاك الجبل=وامست ديار القوم وسط حدودنا بنزولها
حنا ثبيت اللي ربطنا ثلبكم ربط الصخل=والخيل فالميدان ويداها تكف رجولها
يارب ياللي ترحم المذنوب تغفر ماحصل=واستر عوانينا هذيل اهل الجبل بهمولها

[نسل شيوخ]

صح صح صح لسسانكـ

وبيض الله وجهكـ

عبرود يمثل نفسسه...لو فيه خيير طلع بأسمها


يعطيك العاافيه فواز وعسساك ع القووه

[(مہودع دنہيأهہ)]

صــــــــــــــــــــــــــــــــــح لساااانك ملاين راعي الجزله وبيض الله وجهك معن ماكان ودي توصل لهذي الامور لاكن دام إنه هو اللي بدابها حقه وماجاه معنك عطيته أكبر من حجمه لاكن الله يعطيك العافيه ولايضرك

(وهذيل جيرننا وعوانينا )ونعم فيهم وعبرود هذه مايمثل إلا نفسه فقط والله يعز هذيل عنه



فايز الثبيتي رحم الله شيبان على الطيب ربوك


وكثر الله من أمثالك



تقبل مروري:وننتضر جديدك


أخووووووووووووووووووووك

[الصويت الثبيتي العتيبي]

صح السانك يا فواز وماقضرت


وجهك ابيض ولاهنت



ونقول لعبرود القافله تسييييييير ونت ايش ايش ايش

[فايز بن سرحان الثبيتي]

القصيده صلبه وقويه ولا يكتبها الا شاعر بحر مثل فواز بن منيع الله "

لله درك .:"

ولكن تمنيت ان الصفحة هذه طويت بلا رجعه .:"

[ابو فايح]

الله الله الله الله

صح لسانك مدد بلا عدد ومن تعرض للرمي يستاهل ما يجيه



هاذي حقيقه ثابته وان كان في صدرك زعل=اقضم حصى حلق اليمانيه وسـف سهولهـا


نعم نعم التاريخ لا يكذب

حنا ثبيت اللي ربطنا ثلبكم ربـط الصخـل=والخيل فالميـدان ويداهـا تكـف رجولهـا

[فهيد مقعد الرويس]

صح لسانك يافواز قصيده قويه

واظم صوتي لصوت اخو ي ابوريان

تحيتي وتقديري

[محمد الذيابـــي]

صح لسانك

تقبل مروري

[نافع]

والله عيب تسبون هذيل وهذيل يسبونكم بدون اي سبب اذا قال المعطاني حليمة السعدية هذلية هذا زور وبهتان وهو لايمثل هذيل كما ان الاخوان الذين يقولون هذيل ليس لهم امجاد هذيل منهم اكثر من 200صحابي مشهور ومنهم ائمة في الاسلام وعلماء جهابذة ويرتبط جدهم هذيل مع النسب الشريف في ابيه مدركة
وبعدين هذيل اقرب لعتيبة وهوازن من دون العرب كلهم ماعدا قريش وكنانة ىصدقني ان اي شخص يقرأ سب عبرود للثبتة يحتقره وكذلك من رآى سب الثبيتي لهذيل يحتقره
والدليل تعليق الاخوان على هذه القصائد تعليق باهت

[عبدالرحمن الـعتيبي]

صح لسانك
وهو مايمثل الا نفسه وكلامي مثل كلام اخواني فوق
لاأزيد ولا أنقص
بالتوفيق
وصح لسانك

[لطامة العايلـ]

ياوجه الله ياوجه الله
إلا عتيبه وهذيل ماني مصدق توصل القتنه بينهم
يااخوان خوامس من هذيل جداتهم من عتيبه والعكس صحيح
واللي قالوه عبرود وعيضه نرفضه
المعطاني اخطأ لكن نرد عليه برد علمي كرد المؤرخ مناحي القثامي
لأن السب والشتم سلاح العاجز
ياالربع هذيل بينخينا وارحامنا وصدقوني طباعهم مثل عتيبه خصوصا قسم الشام منهم
اتمنى مسح الموضوع فموضوع عبرود مسحوه الهذلان ولانكبر السالفة
ترى المعرفات واجد وكلن يقدر يمثل اي قبيلة لو ماهو منها

[منصور بن فهيد]

ثبيت ( بني سعد ) وهذيل جيران وانساب من مئات السنين احذرو من يحاول ايقاع القبيلتين في شرائك الفتن

[نافع]

ثبيت ( بني سعد ) وهذيل جيران وانساب من مئات السنين احذرو من يحاول ايقاع القبيلتين في شرائك الفتن
هذيل وعتيبة او هذيل وهوازن اتحدى من يأتي بقصيدة في الجاهلية او الاسلام ان بعضهم هجا بعض مع العلم ان اغلب القبائل حصل بينهم هجاء حتى من بطون القبيلة نفسها مثل جرير والفرزدق فأرجو ان لاياتي
في عصر العلم والدين والحضارة من ينسى حقوق الجيرة والنسب والدين ويخرب تاريخ فبيلتين ينسب لهم
من المآثر الطيبة ما تنوء به الجبال فالمعروف ان مقاطع الحق والمعرفة عند القبائل اكبرها عند هذيل وعتيبة
وهم يعتبرون من دون غيرهم وحليمة السعدية اذا نسبها احد لهذيل لم يرتكب جرماَ يخرجه من الملة ولا يضر
الثبتة نسبتها بالكذب لهذيل لانها معروفة في كتب التاريخ انها من سعد بن بكر بن هوازن ومن نسبها لغير ذلك لايمثل الا نفسه ومصيره يقتنع بالحقيقة

[غصاب الشلوي]

لكن ياقرد الجبل يحرم على فمك العسل=القرب مامن قرب والافعال مانت بحولها
هذا برضه طعن في نسب الرسول صلى الله عليه وسلم هذيل نسبهم ثابت في نسب الرسول صلى الله
عليه وسلم انت المفروض انك تطلع المعطاني وعبرود من نسب هذيل ولا تحتقر هذيل وتهضم نسبهم وقرباهم وبعدين هل تعلم ان عبرود هذلي صحيح الله اعلم وانا اتفق مع الاخ منصور بن فهيد فيما ذهب اليه
صراحة انا بحثت عن عبرود في منتديات هذيل ووجدته عضو مطرود وقصيدته يضعها عند قبائل غير هذيل ولا
ولا يتفاعلون معه الاعضاء كلهم ينتقدونه هو والتبيتي وانا ارى ان سب القبائل ظاهرة تجب محاربتها لاتفشى بكرة عندنا كلنا اذا وجدوا التشجيع على ذلك ومن يتقبلهم ياخوي هذيل وعتيبة حتى في وقت الفوضى لم نسمع بينهم حروب حروب عتيبة مع بني الحارث وقحطان وسبيع وجميع القبائل ما عدا هذيل
الله يصلح شانكم والمعطاني الله يريح هذيل منه ويشرف هذيل عنه تبقى هذيل من اشرف القبائل العربية
وآصلها واذا كانوا هذيل مالهم اصل منهو اللي له اصل هذيل اخو قريش ولهم احترام قربى قريش

[هجاد الثبيتي]

اللهم اكفنا شر الفتن

[ابو حسام الغنامي]

حنا ثبيت اهل الثلاث الوافيه قول وفعل


صح لسانك مليون ولكن اسمحلي بابداء الراي حيث ان من سمى نفسه بعبرود هذيل لا يمثل الا نفسه فقط

وقبيلة هذيل عزيزه علينا@ تقبل مروري

[مطر العبدلي المطيري]

صح لسانك يافواز

[المتوكل على ربه]

مساكم الله بالخير جميع

ألأخ فواز لي وقفات مع قصيدتك . فتقبلها برحابة صدر بعيدا عن العنصريه



بسم الله الرحمن الرحيم

السلام عليكم ورحمة الله وبركاته

اخواني الاعزاء

نظرا لما شاهدته من كلام جارح في قصيدة قام بنقلها في عدة منتديات المدعو / عبرود الهذلي .. والذي تهجم فيها على قبيلة الثبته من عتيبه// وعتيبه عامه// والشاعر ,, عيضه الثبيتي ..

فهذا ردي عليه ..وعلى كل من تسول له نفسه المساس بتاريخ وعراقة قبائلنا او اي قبيله كانت بشكل مباشر او غير مباشر

واقول له بالحرف الواحد .. (( جنة على نفسها براقش يااستاذ عبرود ))

واستلم


لاعدت ياوقت تعلا فيك منزال الخبل=واصبح يفكر فالجدي وسهيل كيف ينولها
اللي من اول فاقد التقدير من بين الجمل=امسى موخر فاعل الجمله على مفعولها
وش لون ياتاريخ تزعلنا وحنا اصل وفصل=وتجامل اللي تستوي نسوانها وفحولها

هنا عتبت على التاريخ بأنه زعلك وجامل غيرك فهل ماذكر في التاريخ عن هذيل كقبيله في الجاهليه والإسلام كله خاطئ؟؟
وهنا برضه يالطيب تعديت وأغتبت قبيله كامله بدون وجه حق . حتى وإن كان لك حق في الدفاع فماهكذا تورد ألإبل يافواز
اسمع كلامي والقضيه مابها نقض وفتل=دام الرجال شهود والفتنه تدق طبولها
حنا ثبيت اهل الثلاث الوافيه قول وفعل=افعالنا تصعب على نسل العبيد تطولها

أنت تعني هنا بالثلاث الوافيه الثلاث البيض ألتي هي الضيف والجار وخوي الجنب

فكيف تناقض كلامك وتهجو جارك وهو من الثلاث الوافيه على قولت المثل إلي أنت تفتخر بها وتنسبها لقبيلتك ومدى تمسكهم بها والمحافظه عليها
وانسابنا تكرم عن المعطان وعيال الهمل=انقولها واطرف قبيله فالحجاز تقولها
واللي يبي يطعن نسب اخر رسول من الرسل=تاطا عليه ثبيت من دون العرب بنعولها
ان كان يوم انك نطقت الزور ماعندك عقل=مانته مغير شي مادام العرب بعقولها
وان كان ودك بالرضاعه تصبح الشيخ البطل=ماترتفع روس الرجال الا بطيب افعولها
لكن ياقرد الجبل يحرم على فمك العسل=القرب مامن قرب والافعال مانت بحولها
هاذي حقيقه ثابته وان كان في صدرك زعل=اقضم حصى حلق اليمانيه وسف سهولها
ماجاك غير اللي يبل الريق من حيد الوبل=واحذر من اللي فوق راسك لاتهل ثعولها
واخبر رفيقك صاحب العبرود عنا ماجهل=حتى يميزها ويعرف عرضها من طولها
حنا ثبيت اللي على نهج العروبه لا نزل=نحفظ عوانينا ونكرم فاللزوم سبولها

وهل تعتقد هنا بأنك حفظت عوانيك بهذا السب الجارح؟؟
واليا سمعنا من حدى رعيانهم بعض الزلل=حشمه لغاليهم سفهنا هرج كل خبولها

هنا فعلك خالف قولك فلو قان فعلك موافق لقولك ماكتبت هالقصيده
وان كان ينشد عن فعايلنا يدور فالسجل=يلقى سجلات الفخر بيبانها وفصولها
حنا ثبيت اللي طردناكم ورى هاك الجبل=وامست ديار القوم وسط حدودنا بنزولها
حنا ثبيت اللي ربطنا ثلبكم ربط الصخل=والخيل فالميدان ويداها تكف رجولها
يارب ياللي ترحم المذنوب تغفر ماحصل=واستر عوانينا هذيل اهل الجبل بهمولها

وأختم كلامي بأنه من المؤسف وجود رد أحد المشرفين على هالقصيده بالتأييد والثناء على كاتبها

فكون ألأنسان مشرف أو مراقب أو إداري يلزمه بالحد من إثارة النعرات لا إشعالها

دمتم بحفظ الله ورعايته