%%% السيـــــــــف الأمــــلــح %%% [الأرشيف] - الهيـــــــــــــلا *** منتدى قبيلة عتيبة

عايض الحبابي

25-Apr-2005, 05:16 PM

مساء الخير جميعا ...

المنتدى ياعتيبه فيه حالة ركــود = والسيف الأملح موصّيــني خويـّه عليــــه .!

لاشفت لك في السمــاء غيم وبروق ورعــود = دور مكان (ن) تذرّى يابن الأجواد فيــه .

الــوآفــي

25-Apr-2005, 05:49 PM

دوّر مكان تذرى يابن الاجواد فيه

الله الله

محراف طيب يا عايض

ننتظر السيف الاملح ليكتمل جمال المحاوره

ذيبان

ماجد الهذلي

25-Apr-2005, 06:36 PM

والسيف الأملح موصّيني خويّه عليـه .!

الله الله بدعه قويه

في إنتظار السيف الأملح

علي فلاح العضياني

25-Apr-2005, 08:07 PM

كلام يابو علي الله يطول عمرك على طاعته

وينك يالسيف الاملح لوصيك على الحبابي هههههههه

تقبلوا تحياتي

مرزوق حمدان العتيبي

25-Apr-2005, 08:55 PM

مساء الخير جميعا ...

المنتـدى ياعتيبـه فيـه حالـة ركـودوالسيف الأملح موصّيني خويّه عليـه .!

لاشفت لك في السماء غيم وبروق ورعودlllll دور مكان (ن) تذرّى يابن الأجواد فيـه .

ابـــــــــــــــداع الله لايهينك يابو علــــي
ننتظر السيف شامان ويكتمل المنى...
تحياتي

المسرّي

25-Apr-2005, 09:15 PM

لاشفت لك في السماء غيم وبروق ورعود ** دور مكان (ن) تذرّى يابن الأجواد فيـه

الله يستر يالحبابي

في انتظار السيف الاملح وانا في صفه طبعا

وينك الله يهديك .............

عجّل علانا

السيف الاملح

25-Apr-2005, 09:45 PM

الله الله الله

السيف الاملح

25-Apr-2005, 09:45 PM

ذيبان ماجد الفالح مرزوق المسري
لاهنتو اواحد يدير الدله والباقين يلزمون الصفوف

الحبابي استلم

المنتدى فيه عتبانن سواة الاسود= والسيف الاملح شجيع اوماقفه يحتميه

ماندرق يالحبابي من عصور الجدود= والله عطا خصمنا لينن حتا نجيه

عايض الحبابي

25-Apr-2005, 10:24 PM

ذيبـان### ماجـد## الفالـح ##أبو منذر## المـسـري

مروركم من هنا شرف كبير لنا ...

لاهنتوا .. ولاتقاطعونا ..

عايض الحبابي

25-Apr-2005, 10:26 PM

خلوووووها :

والنّعم فيكم لكنّ أحيان فيكم برود = سلّم على اللي حضوره ..غير .. ماله شبيه .!

الله يخلّي عتيبه قدمنا في الوجود = لو كان فرق السماء عن الأرض كل (ن) يعيـــه .!!

السيف الاملح

25-Apr-2005, 11:02 PM

الله الله

والنعم فينا لكن انته بليا عضود = منته محصل ياعايض ربع ما تمتـــــنــــيه

انشد عن اجدودك الي عانهم فاللحود= ويبين فارق كلامن قدمنا تدعيه

عايض الحبابي

26-Apr-2005, 10:08 AM

أنا من العزوه اللي في المواقف فهود = مايظلم الناس ياكود الخبل والسفيــــه .!!

جاكم مثل ماحصل مع قوم عاد وثمـــود = من ضرب قوم(ن) تشوف الموت ماتتّقـــــيه.!

مشتــــاق

26-Apr-2005, 07:18 PM

والنعم فينا لكن انته بليـا عضـود=منته محصل ياعايض ربع ما تمتنيه

انشد عن اجدودك الي عانهم فاللحود=ويبين فارق كلامن قدمنـا تدعيـه

:confused:

:confused:

أنا من العزوه اللي في المواقـف فهـود=مايظلم الناس ياكود الخبـل والسفيـه .!!

جاكم مثل ماحصل مع قوم عـاد وثمـود=من ضرب قوم(ن) تشوف الموت ماتتّقيه.!

الله الله

وسنتابع

فهدمتعب الجعيد

26-Apr-2005, 09:52 PM

الله الله

عايض الحبابي

السيف الاملح

والنعم فينا لكن انته بليـا عضـود منته محصل ياعايض ربع ما تمتنيه

انشد عن اجدودك الي عانهم فاللحود ويبين فارق كلامن قدمنـا تدعيـه

أنا من العزوه اللي في المواقـف فهـود مايظلم الناس ياكود الخبـل والسفيـه .!!

جاكم مثل ماحصل مع قوم عـاد وثمـود من ضرب قوم(ن) تشوف الموت ماتتّقيه.!

السيف الاملح

27-Apr-2005, 03:20 PM

مشتاق
فهد متعب الجعيد لاهنتو على المرور

الحبابي استلم

نعرفك قدام لانطردك يم الزيود = لو كان علمي هذا ياصاحبي ماتبيه

ماني مسميك ياعايض جبا نن شرود= شيخ العرب لاهرب كل الجبر تقتفيه

عبدالعزيز بن جودان الرويس

27-Apr-2005, 03:22 PM

الله الله
عايض الحبابي
والسيف الاملح
اكيد فيه ابداع ووفتل ونقض
واصلو لاهنتو وازهلو الصفوف

ابن مشيب

27-Apr-2005, 11:50 PM

انعم واكرم بالجميع

محاورة رائعة بكل ماتعنيه الكلمة

صح السانك يالحبابي ويالسيف الاملح

واصلوا ونحن متابعين مع الجمهور

عايض الحبابي

28-Apr-2005, 03:05 PM

مشتاق ...حضورك هنا يسعدنا كثيرا..

شرفت .. ولاهنت ..

.................

فهد الجعيد ... مرحبا يابو متعب ..

حضورك هنا أكبر شرف للمحاوره

تحياتي ...

عايض الحبابي

28-Apr-2005, 03:09 PM

عبد العزيز ..

مرحبا مسهلا يابو سعود

الأبداع يكمن في مرورك من هنا

تحياتي ..

__________

أبن مشيب

صح بدنك ياغالي ..وحضورك يعني لنا أشياء كثيره

تحياتي ,

عايض الحبابي

28-Apr-2005, 03:24 PM

السيف أستلم :

ياصاحبي نصفكم فجبال مكـــّه قـــــرود = هذي بعَد جزيـــــة أبن حميد ومعــــــــاونيه .!

أنا رفعت العلم في نجد فوق العمـــود = وأنته ترجّى لفزعتك غيرك وتحتــريــه .!

السيف الاملح

29-Apr-2005, 09:44 PM

عبد العزيز- ابن مشيب مروركم زاد محاورتنا تشريف
لاهنتو

الله الله
ماهمنا قولكم يامسحبين الجلود= الفقر حاديك ماتملك ريال اوجنيه

اما تحضر على دعواك هذي شهود= ولا ان علمك هذا ياصاحبي مفتريه

عايض الحبابي

30-Apr-2005, 06:57 PM

أمسك حدودك يا ( الأملح) لاتعدّى الحدود = أنا غناوي وحاضر في الزمان الكريــــــــه..

يشهد على هرجي أبقوم تربه ..ياجحود .!! = ياصاحبي ليه ..تنكر جدّك ( فلان) ليـــــــــه ..؟؟!!

مرزوق حمدان العتيبي

30-Apr-2005, 07:50 PM

...
ابداع يالسيف الاملح
وياعااااااااايض..
واصلوا وعلى القوّه ,,,,,
تحياتي

السيف الاملح

30-Apr-2005, 10:47 PM

مرزوق العتيبي لاهنت
مرورك قمة الابداع
اوجيهنا بيض ياعايض ولاهي بسود = ولا انت منته غناوي (ن) ولنته نزيه

ماانكرت جد(ن) يقود اجدود قحطان قود= اتموت قحطان وابن حميد ماتنتســـيه

مروي العطاشا

01-May-2005, 10:21 AM

الله الله

محراف طيب

ابن قحطان

01-May-2005, 11:41 PM

ياسلاالاالااام ياسلالالاالاااام

محاوره طيبه وحاميه والله يكفينا شرها :)

وااصلووو واصلووو

متابع عن بعد

تحياااتي

ابن قحطاااان

مرزوق حمدان العتيبي

01-May-2005, 11:59 PM

...
رائعين ومبدعيــــن
واصلواا وحنا في قمة الاستمتاع بماتقدمونه
من مهارات شعريه ..
تحياتي

عايض الحبابي

02-May-2005, 12:16 AM

مروي العطاشا ... شرفت ولاهنت ..

____________

أبن قحطان ... أرحب يابن العم ...علامك تأخرت ياسنايدي ..!!!:)

مرورك شرف كبير ... ولاهنت ..

______________---

أبو منذر ... لاعدمناك والله ..

أشادتك وسام نفتخر فيه ....

لاهنت ..

عايض الحبابي

02-May-2005, 12:35 AM

قحطان ساس العرب يامخلفين العهود = الله حسيبي على اللي في قناة الفقــــــــــيه ..!!!!

في ذمتي مالقى الا الضرب فوق الخدود .! = عوّد بعد مافقد سيفه وداره وأخيـــــــــه .!

السيف الاملح

02-May-2005, 04:43 PM

العود مركوز يا عايض بعين الحسود= وانا ما انادي على طوير(ن) نويت اشتويه
سوا بكم مثل هتلر في عيال اليهود= ان كان تبغى الحقيقه والكلام الوجيه

المسرّي

02-May-2005, 04:55 PM

سوا بكم مثل هتلر فـي عيـال اليهـود ** ان كان تبغى الحقيقـه والكـلام الوجيـه

ياليل ما حولكم علم

واصلوا وحنا على الخط

عايض الحبابي

03-May-2005, 06:59 AM

المسري ... شكرا لمرورك:) ..

عايض الحبابي

03-May-2005, 07:00 AM

السيف الاملح ... صح لسانك .

وتشرفت بمحاورتك ... ولنا لقاء آخر أن شاء الله

السيف الاملح

03-May-2005, 02:14 PM

الشاعر عائض الحبابي

صح بدنك واشكرك على

رحابة وسعة صدرك

واعطائي فرصة المحاوره معك

وتقبل احترامي وفائق تقديري