لايدخله غير المطاليق..اللي تثمن حبكة القاف

[ماجد السميري]

الليله المعنى على قاف..قافٍ دلايل قوّ معناه=مايدخله غير المطاليق..اللي تثمن حبكة القاف
يانجد ياللي فوق الاوصاف..مدري مصيرك وين تلقاه=لو ذاب ضلع النير وطويق..يانجد ياللي فوق الاوصاف

[نواف المري]

اتشرف بمجاراتك يالسميري





القاف مايبغى له اخفاف..كم ليلة ٍ حنا سهجناه=كنه الضما مع فكة الريق..القاف مايبغى له اخفاف
ياعد جوك أشكال واصناف..كل ٍ يقول الما هذى ماه=حتى لو انها بالتلافيق..ياعد جوك اشكال واصناف

[محمد ابن رووق]

طاروق فايف ستار واصلوا

[ابراهيم الجـــــذع]

يا سلام يا سلام

صح السانك اخوي ماجد

وصح السان نواف

مبدعين ومعكم متابعين

[نواف المري]

مرحبا يامحمد ابن روق

وشكرا للحافز المعنوي ياخوي:)

[نواف المري]

مرحبا يالجذع مليون ترحيبه

وجودك بحد ذاته ابداع ياخوي

[ماجد السميري]

ارحب يالمري والشرف لنا طال عمرك




القاف اله معنى ومحراف..ماهوب تركيبة مجاراه=ياللي تجرون الطواريق..القاف اله معنى ومحراف
يالمستعي لابد تتطاف..الفرض ما وثّقت مبداه=لايلحقك منّا ملاحيق ..قبل السعي لابد تتطاف

[ماجد السميري]

طاروق فايف ستار واصلوا





ارحب يابن روق


شرفتنا بحضورك

[ماجد السميري]

يا سلام يا سلام

صح السانك اخوي ماجد

وصح السان نواف

مبدعين ومعكم متابعين








ارحب يابراهيم


صح بدنك


ولاهنت على المتابعه

[نواف المري]

البنت تبقى زين الاوصاف..امعرب ٍ ساسه ومجناه=فعله على روس الشواهيق.. البنت تبغى زين الأوصاف
حنا عرب وانحب الأنصاف..الظلم والله ما رضيناه = ما انحط من دونه مساحيق..حنا عرب وانحب الأنصاف

[ماجد السميري]

ما قلت فيك قصور وخلاف..ياللي وصف شكله وحلياه=الطيّبه في مثلك اتليق..ماقلت فيك قصور وخلاف
انشد من اهل العرف عرّاف..والذيب تعرف وين مسراه=قبل السعه في عينك اتضيق..انشد من اهل العرف عرّاف

[نواف المري]

ماجد نحسبة صدق هداف..حتى دخل قول ٍ بمرماه=ارضى بها لو كان ما اتطيق..حن نحسبك ماهر وهداف
سبحت لكن دون مجداف..اصبر نحضر سترة انجاه=يااللي تغرق شوي وتويق..سبحت لكن دون مجداف

[ماجد السميري]

الشعر اله قيمه وميقاف..يشره علي ان كان مادراه=ما ارد لضعوف المخاليق..مادام الي هيبه وميقاف
الشاعر اللي عنده ارجاف..والقاف مايفطن لمعناه=اسموعنا دونه مغاليق..الشاعر اللي يرجف ارجاف




نواف المري صح لسانك


الختااام عندك وتصبح على خير

[نواف المري]

ماعاد عندي شي اقوله ياماجد وصح بدنك

وشكرا للجميع