- ][ ( حفل قبيلة الدهاسين من عتيبه ) ][-

[ابن نميان]

بسم الله الرحمن الرحيم



الأخوة الأجلاء

السلام عليكم ورحمة الله


ياناشـداً عنـا ترانـا الدهاسيـن
من روس الاد أثيبت منشأ عتيبـة

عشنا بنجد وباديتها مـن سنيـن
من قبل ما ياصل أوشاح الضريبة

منزالنا مـران جنـب الرباعيـن
قبيلـة مـا هـي علينـا غريبـة

بين العوازم والشيـوخ المسميـن
شيوخ روق أهل الصفات النجيبـة

وحنا عيال دهيس فالعسر والليـن
لجـد مرعـي والقبيلـة عريبـة

من روس الاد أثيبت زبن المخلين
واللي يسئلنا عن نسبنـا نجيبـة

حنا الدهاسين الثقـات الأصيليـن
من خامسـن فالازمـة نعتزيبـة

على سرات بني سعد مستقريـن
واللي بنجد الكـل يشهـد بطيبـة

مرعي كتب لدهيس سبعة دواووين
وسجل عليها المخطية والمصيبـة

وقال لدغيليب ولعاصـي محقيـن
شرح النسب للي بعد مـا دريبـه

ومن بعدهم رشدان ورشيد واعين
يعطون نايـف كـل مـا يقتديبـه

هذي مسيرة ما يخص الدهاسيـن
واللي يثبـت منسبـه مـا يعيبـه

كنا على آبار المحانـي مقيميـن
واليوم فوق أم المـراغ الحبيبـة

كانت مبانيها من اللبـن والطيـن
واليوم تزهاها المبانـي العجيبـة

تختال في ظل الرجال الشجيعيـن
بيض الوجيه أهل العقول اللبيبـة

أهل الوفاء بين القرايب والأقصين
وكلاً من الطولات يأخـذ نصيبـه

حنا عيال ادهيس عشنا عزيزيـن
الروس عليا والمواقـف صليبـة

يوم(ن) أصلنا من ثبيت العريقيـن
ما عندنا في الاصل شكـاً وريبـة

ويشهد لنا فيما نقوله بـن دخيـن
شيخاً ليا أشتـد الطلـب نقتديبـه

واللي على بعض القبايل دخيليـن
بعض الحكي فالناس ما ينحكيبـه

وبعض الكتب تكتب بليا عنـاوي
وتحسب على الكاتب ملامه وغيبة

وبعض الرواة يقلبون الموازيـن
ما يدري أن رواية الكـذب خيبـة

ياللي على أنساب القبايل مواميـن
ترى الأمانة يالعـوارف صعيبـة

وأن كان طاوعتوا كلام المجانيـن
تدخلوا بيـن النسيـب ونسيبـه

لاراعوا القربى ولاراعوا الديـن
ولا راقبـو مـن كلنـا نلتجيبـه

قلته وأنا أفخر وأفتخربالدهاسيـن
الجـد ثابـت والقبيلـة عتيـبـة

كلمات شاعر المصيف / محمد بن سعيد الذويبي

في ليلة من اجمل الليالي التقى خامس الدهاسين اهل نجد مع اعيان قبيلة الذويبات من بني سعد بالطائف , وبدعوة كريمه من شيخ قبيلة الدهاسين أهل نجد الشيخ نايف بن رشيد الدهيسي العتيبي وابناء قبيلته الكرام .

الذي كان من ابرز اهدافه الاجتماع على الخير وصلة للرحم , والتعارف بين ابناء القبيلتين العريقتين نسبآ وتاريخآ .


وقد قام شيخ قبيلة الدهاسين من عتيبة أهل نجد بتكريم شاعر المصيف / محمد بن سعيد الذويبي وكذلك تكريم اعيان قبيلة الذويبات ..

ادعكم مع التغطية للحفل من انتاج المبدع : ابو لفيان


حفل قبيلة الدهاسين من عتيبة - الجزء الاول (http://www.youtube.com/watch?v=UyoSlsCi0bM)

حفل قبيلة الدهاسين من عتيبة - الجزء الثاني (http://www.youtube.com/watch?v=JmgS0DSF3wc)


حفل قبيلة الدهاسين من عتيبة - الجزء الثالث (http://www.youtube.com/watch?v=HOlG764nZXk)


حفل قبيلة الدهاسين من عتيبة - الجزء الرابع (http://www.youtube.com/watch?v=WJKwZbMvgEE)



العضوية تمت استعارتها من الاخ ابن نميان ونشكره على تفاعله معنا ...

دمتم بود ,,,

[فهد العازمي العتيبي]

...


ونعم والله بالدهاسين

وحفل ناجح بكل المقاييس ولاهي غريبه عليهم الكرم وحسن الإستقبال ،،،

[ابو فايح]

ونعم وسبعة أنعام بالدهاسين


حفل ناجح بكل المقاييس


وبيض الله وجهك على التغطيه

[خنجر الدهاسين]

~*¤ô§ô¤*~*¤ô§ô¤*~السلام عليكم ورحمة الله وبركاته ربعي الهيلا تابعوا حفل قبيلة الدهاسين من عتيبه خنجر الدهاسين حفيد الفيان ~*¤ô§ô¤*~*¤ô§ô¤*~

[خنجر الدهاسين]

«®°·.¸.•°°·.¸¸.•°°·.¸.•°®»سيعرض ليلة الاحد الساعه 9 مساء ويعاد يوم الاثنين الساعه 4 عصرا واشكركم ياربعي عتيبه وبالاخص ابوفايح تقبلوا تحياتي «®°·.¸.•°°·.¸¸.•°°·.¸.•°®»

[خنجر الدهاسين]

اشكركم وافين وماقصرتوا انتم ربعي الهيلا اهل الحميه

[علي الثبيتي]

ونعم في الاد ثابت وبيض الله وجه شاعر المصيف على القصيدة الرائعه

وبيض الله وجهك على التغطيه والنقل

[خنجر الدهاسين]

§¤°~®~°¤§الله يبيض وجهك ياعلي ومشكور وافي والله§¤°~®~°¤§

[سرور السريح العتيبي]

والله والف نعم بربعنى الدهاسين
والكرم والطيب واحسن الاستقبال
وافين ياهل الكرم والجود
على القوة انشالله ياربعنا
لاهنت على اطرح المميز
لكم اوفر الاحترام والتقدير

[خنجر الدهاسين]

واااااافي يابووووو بدر واشكرك من اعماق قلبي

[فهد علي العازمي]

شكرا على التغطية

والنعم بعيااااال عمنا

[محمد العتيبي]

ونعم بالدهاسين من قبيلة عتيبة ..



وحفل مشرف ..


والله يجمعكم على العز والمعزه ..


تحيتي
..

[(مہودع دنہيأهہ)]

والله ونعم مليووووون فالدهسه القثمه ولاهو بغريب الطيب من اهله

ولدي ملاحضات أتمنى إنها تفيدك


جمعهم الدهسه:ومفردهم الدهاسي:وهم من قبيلة ((القثمه ))عيال عمنا وعيال عمنا القثمه من برقا:وبرقا قسم ((((مستقل من لحاله من بني سعد بن بكر بن هوازن )))

ولي عوده لمشاهدت كل المقاطع كامله

تقبل مروري:ويعطيك العاافيه على الطرح وبيض الله وجهك

[خنجر الدهاسين]

ماعليك زود اخوي محمد العتيبي
واشكرك على مرورك

[فهد علي العازمي]

والله ونعم مليووووون فالدهسه القثمه ولاهو بغريب الطيب من اهله

ولدي ملاحضات أتمنى إنها تفيدك


جمعهم الدهسه:ومفردهم الدهاسي:وهم من قبيلة ((القثمه ))عيال عمنا وعيال عمنا القثمه من برقا:وبرقا قسم ((((مستقل من لحاله من بني سعد بن بكر بن هوازن )))

ولي عوده لمشاهدت كل المقاطع كامله

تقبل مروري:ويعطيك العاافيه على الطرح وبيض الله وجهك

الدهاسين غير والدهسه غير
وكلهم ونعم وستين نعم

راجع القصيدة وأقرها طال عمرك وتعرف من هم الدهاسين

[خنجر الدهاسين]

ماعليك زود فهد
واااافي

[(مہودع دنہيأهہ)]

والله ونعم مليوون فالدهاسين ومنول أحسبه يقصد الدهسه طيب الدهاسين من ايت الثبته ؟لصه ولا صريرات؟؟

[خنجر الدهاسين]

احب ختصرلك الموضوع فالدهاسين هم من قبيلة الذويبات والذويبات عدة خوامس منهم القروايش والمؤسى والمنعه ومنهم الدهاسين

الدهاسين في نجد جزء لايتجزا من خامس الدهاسين الذوييات والموجودين الان على قمم جبال السروات في بني سعد

[خنجر الدهاسين]

وماعليك زود اخوي سعدي هوزاني

واشكرك على مرورك

[خنجر الدهاسين]

يوم انه حفل ناجح
اخوي /فهد العازمي العتيبي

لو سمحت بتثبيته في هذا المنتدى العريق

ولاهنت


لك اوفر الاحترام والتقدير


شكر خاص

[@ـايل]

حفل مشرّف من قبيلة الدهاسين

ونعم ياربعنا ..

..

[احمد منير الواصل]

لاهنتم والله ونعم با الدهاسين وبعتيبه كلها
وقصيده والله من شاعر المصيف جميله ويستاهلوونها الدهاسين ومن اجمل ماقريت من القصايد
لاهنتم على كل حال

[فيصل المسعودي]

والله ونعم فيكم يا أبناء عمومتنا

نسأل الله أن يجمعكم على العز والمعزة

بارك الله فيك ولا قصرت أخي ابن نميان

شكري وتحياتي للجميع

[ابن نميان]

^^^
^
^

وبارك الله فيك ياراع الدهووو :)

[خنجر الدهاسين]

الله يعطيك العافيه

اخوي فيصل المسعودي


واسعدك الله

تقبل تحياتي واشواقي

اهديك اكليل ورد

[خنجر الدهاسين]

اشكرك شكر خاص

اخوي والعزيز على قلبي / ابو نميان

واهديك اكليل ورد



اسعدك الله

تقبل اوفر الاحترام والتقدير

[خنجر الدهاسين]

اشكرك شكر من اعماق قلبي

ويشهد علي ربي

على ما اقول

احساسك الرائع

وانت اخ لن انساك

طيلة حياتي

اهديك اكليل من الورد


لك اوفر الاحترام والتقدير

[خنجر الدهاسين]

اشكرك اخوي احمد

وجزاك الله خير

وماعليك زود

تقبل اوفر الاحترام والتقدير

دمتم بخير