ياربعنا اللي ورى رضوان @ شوفوا لنا بيوت شعبيه (سداح )

[محمد العتيبي]

بسم الله الرحمن الرحيم




قصيده انتشرت عن طريق ما يسمى الواتساب في الجوال وهي للشاعر النادر / سداح


ارسلها لي أحد الأصدقاء وأحببت نقلها بكامل روعتها وجمالها ..


الرساله كما وصلتني (( قصيدة تتنبأ بمستقبل أهل الخليج .. ويمكن تكون مثل قصيدة الزلامي ..


وتصدق النبؤه ... ))



ياربعنا اللي ورى رضوان = شوفوا لنا بيوت شعبية

بإيجار ماهيب بالمجان = مشريّة غير مهديّه

الله ولا منّة الديان = لو كلكم مني وفيّه

الوضع مخطور في هدلان = حسب الظروف السياسيه

اللي وصل من قصر دسمان = مجموعة أخبار سريه

مضمونها سم بالرحمن = وانحش عن الداب والحيه

والله أعلم .. ياضرب ايران = خلال الايام هذيه

عان البحر فاض بالحيتان = ولا عاد فالحور حوريه

واجواء البلد كلها دخان = وحدودها غير محميه

واحمد نجادي طويل لسان = يزمر بعد خربت النيه

الفرس صفوا له الفرسان = في دارها نارها حيه

والمشكله قفل البيبان = ولا يقبل حلول وديه

يقول لملهي الرعيان = غرد لعين الخمينيه

وحنا ليا ميل الميزان = تقاطعونا الحراميه

كم بيننا سارق وخوان = هذي علوم حقيقه

خورشيد .. والمهري .. وسستان= وعبدالحسين وبني خيه

والبهبهاني وابو هبان = وغلوم .. يالعنبوا حيه

جيران ما تعرف الجيران = مله مع الناس ملويه

بكره تكشر لك النيبان = وتظهر لك امواس مخفيه

واول ما يقعد بها البدوان = وين انت ياناطح الهيه

ويمكن بعد شرذمة طهران = ترشنا بالنوويه

نبا نسرمد مع الخليان = ماعاد فالوقت ماويه

نسلم وناكل لحوم الضان = ونشرب حليب السعوديه

[غالب الذيابي]

:
:
:
:



نعم مثلما قلت يامحمد ،، قصيدة تكشف الكثير عمّا في بطون الايام القادمة..

يعجبني من يقرأ الاحداث ويسمي المستقبل باسمه .. هذا هو حال اهل الكويت

وحال اهل البحرين ليس افضل منهم بل في الحضيض ان لم يصفعوا الجارة المجوسية

صفعة جماعية تفقدها توازنها وتكبح جماح اطماعها ..

لكن فيه احدى دول الخليج تنتشر فيها الفرس انتشار رهيب وربما رقما خيالي ...

وهي الامارات .. وبالذات دبي التي طغت على عروبتها الوجوه الاعجمية الفارسية.!!!!

ماقول الا ( اللهم ايقظ عيون القوم فانهم عمّا يحاك لايعلمون..


شكرا لك يامحمد وشكرا لـ سداح ..
:
:
:
:
:

[عبد الكريم العازمي]

صح لسـآن يا سر قصيده فيها الكثير مثل ما تفضل أخوي غالب



وشكراً لك يا محمد

[بيرق خثعم]

واحمد نجادي طويل لسان ........ يزمر بعد خربت النية

صح لسان الشاعر

وقطع لسان احمد نجاد

[@ـايل]

قصيده مليااانه ولاهي غريبه على الشاعر

صح لساااانه

والله يحفظ المسلمين من كيد الاعداء

..

..

[صارم عتيبه]

سلمت يالذيب على النقل الجميل

وسداح شاعر جزل


نتطلع لجديدك

ودي


احترامي

[أخو جوزا]

صح لسانه ولاهنت يامحمد

[الاصمعي]

الله الله الله

صح لسااااان الشااااعر النادر والفذ : سداح (شاعر الاحداث )
قصيده رائعه لاهنت على النقل

[محمدالنفيلي الحربي]

شفونا بيوت شعبيه
يعني جاهزين للهروب من دون مقاومه

[(مہودع دنہيأهہ)]

شفونا بيوت شعبيه
يعني جاهزين للهروب من دون مقاومه


وش معنى دققت في هذه الشطر؟؟؟؟؟؟؟؟؟؟؟؟؟ ووين منطقة رضوان المقصوده هذي؟؟؟؟


يا اخوي هذي قصيده فيها بعد نضر وشي يتوقعه الشاااعر إنه يبا يصير وقام يحذر منه فقط ولامو ميده إنه يبا يهج لان العتبان وانا اخوك مايهجون وقت اللزوم وهذه الشي يعرفونه العرب كلهم وفالأخير ونعم في كل القبايل هذه وأتمنى إنك ماتترك نص الكاسه المليان وتعاين فالنص الفاضي




والله يعطيك العااافيه يا محمد العتيبي على القصيده الجزله لشاعر الكبير والمميز سداح العتيبي

[محمد العتيبي]

غالب الذيابي


اشكرك على مشاركتك بالموضوع ..


تحيتي لك
..

[فيصل المسعودي]

قصيدة تقراء الأحداث وتحلل الواقع

وتنظر لما قد ينتجه الواقع من مستجدات في المستقبل

شكراً لك يامحمد

وصح لسان سداح العتيبي

تحياتي

[محمد العتيبي]

عبدالكريم العازمي


شكرا لك على مرورك المشرف ..


تحيتي
..

[محمد العتيبي]

بيرق خثعم


اشكرك على مرورك الرائع ..


تحيتي لك
..

[الحطيم]

لا هنت يامحمد علي النقل
لكن انا اشك ان القصيده لسداح
والسبب اني بحث عنها بديوانه بالمرقاب وكذلك بمنتداهم الشعبي
ولا حصلتها فاستغرب انتشارها وهو اللي معودنا انه قصايده ماتنزل الا بالمرقاب
وكذلك لا يفوتني اني انبه انه كثر من يكتب بلقب سداح في منتديات اخري ومنها منتديات شعريه
وسبق انه وضح سداح انه مايكتب او ينزل قصايد بغير منتدي المرقاب