شيلة رحول التجارب لـ الشاعر عناد الشيباني بصوت/ناصر العتيبي

[عناد الشيباني]

السلام عليكم ورحمة الله بركاته..

اعضاء زوار منتدى الهيلا الرسمي

اقدم لكم هذه القصيدة من كلماتي وأداء:ناصر العتيبي
عسا ان تنال على رضاكم..[/FONT]
http://www.youtube.com/watch?v=0fouusK93y0


لتحميل بصيغة mp3
http://www.zshare.net/audio/88901296599e3c76/



تعبت ياوقتي وتعبت مطاياي=اشقيت حالي في مطارد هاويه
ياليتني مرتاح من فوق مركاي=وياليتني حددت فالوقت غايه
وياليتني ميزت ربعي من اعداي=منشان ماالقا طعنةٍ في قفايه
وياليتني قصرت في معظم اخطاي=امع الدروب اللي سبايب عنايه
وياليتني ماطعت نفسي ومشهاي=يم العدود اللي تزود ضمايه
مير التمني مايكفر خطاياي=والله يصبرني ويسعد مسايه
نقلت داي ولا تبين لي ادواي=وجروح قلبي فوق وجهي مرايه
ادلي بدلوي مير ماياصل ارشاي=ولافادني حرصي وكثر الوقايه
سليت سيفٍ فيه حزني بيمناي=واركيت متني والحموله شقايه
وسريت ليلٍ مضلم وطال مسراي=امسيت اعرف الدرب واصبحت تايه
امع الدروب اصبح على التهو ممشاي=واضرب رحول التجربات بعصايه
ياما وياما صار بقبال واقفاي=ولاادري وش الخيره وكيف النهايه
الماضي اقفا مير خوفي من الجاي=الخافي اعظم لاوصلني سرايه
وتركت عرباني ومملك ودنياي=وخليت صفحت ذكرياتي ورايه
اما بقت بالنعم والطيب ذكراي=والا محت ولا استوت للقرايه
لكن يالمعبود ياسامع ادعاي=ارجيك يالله لاتخيب رجايه
انك تساعدني على مكسب امناي=وانك تقديني طريق الهدايه

[صارم عتيبه]

لا هنت يبن مشيب وصح لسانك


نتطلع لجديدك


ودي


آحتــــــــــــرآآمي

[عناد الشيباني]

صح بدنك ولاتهون ياصارم

شاااكر لك مرورك..