تسجيل الدخول

مشاهدة النسخة كاملة : طاروق محمد الربيقي وسفر الدغيلبي "new"

أحمد المويعزي
14-Apr-2011, 06:22 PM
السلام عليكم..

مساء الخير..

يوم الاربعاء 9\5\1432هــ . في محافظة الرس

محمد الربيقي:


هلا مرحبا حي الرفاقه والاصحاب=بحفل الرفيق اللي يشرف مقامه
الا ياسفر والعلم ماعنه مجناب=رفعنا العلم والعلم فوقه علامه
سفر الدغيلبي:


يدوم البقا وانتم عريبين الانساب=سوا في القصيم او في سواحل تهامه
ترى الموقف الغصاب للرجل غصاب=يجيه الشجيع ولا تراعد عضامه
محمد الربيقي:


ترى ماعليكم زود والطيب ان طاب=يجيه الكلام اللي يناسب كلامه
يبا يفتحون الباب ومقفل الباب=وجا فيه يوم"ن" مثل يوم الرغامه
سفر الدغيلبي:


ترى اول حلول المشكله بحث الاسباب=وبعدين توجيه العتب والملامه
ليا جاتك الزله من الربع الاقراب=عليك الهدو قبل الغضب والغشامه
محمد الربيقي:


ليا صار مابه مشكله كيف الاطباب=براس الغشيم اللي مجود حزامه
ترى السوس عقب الضرس يلحق على الناب= ويرجع سفر قدام ياصل دوامهسفر الدغيلبي:


يقول المثل للخيره حضور وغياب=وكم هوشة"ن"صارت سبب للسلامه
سفر ورد هاك اليوم والناس هياب=طمع فالشداد ولا طمع فالمسامه
محمد الربيقي:


تسلم على ابو زيد وتصيح لذياب=ولا ادري شجاعه منك ولا رخامه
عتابه يبون الهوش شلفى ومشعاب=لكن الحرايب مثل وبل الغمامه
سفر الدغيلبي:


الاولى نعرضها هبوب الهوا الهاب=والاخرى بنلزمكم بدفع الغرامه
ياحرب اخلفتكم حية الجحر والداب=وجينا وقومنا عليهن قيامه


http://www.youtube.com/watch?v=XRDrIo6pRmI&feature=player_embedded
بطـران العتيبي
14-Apr-2011, 06:26 PM
أحمد لاهنت على الطرح الجميل والنقل السريع وصح السان شاعرنا الكبير سفر ولايهون الربيقي ..
رائد الكيرعاني القحطاني
15-Apr-2011, 03:23 AM
أشهد يالربيقي انه شاعر
منيرالروقي
15-Apr-2011, 07:41 AM
الربيقي شاعر عاقل وجيد ويبدوعليه عدم ممارسة المحاورة باستمرار

سفر كعادة العمالقه إستخدم أسلوب متابعة المعنى في داخل البيوت والضرب المباشر في الخصم كما يبدو من الشكل الخارجي للأبيات.

وهذا أسلوب لايجيده سوى قلة قليله من الكبار والكبار شعرا مثل شاعرنا ابوسعد


وردنا هذاك الوقت والناس هياب

طمعنا الشداد ولاطمعنا المسامه

والهيلا كذلك

شكرا ياأحمد
عبدالله بن هملان الغامدي
15-Apr-2011, 10:30 PM
يقول المثل للخيره حضور وغياب
وكم هوشة"ن"صارت سبب للسلامه


عملاق يابو سعد

والربيقي صراحه ماهو بسيط



تسلم يالمويعزي على النقل الرائع
أحمد المويعزي
23-Apr-2011, 01:00 AM
شكرا لكم على المرور .. نورتم متصفحي..