صــار العوض عقب اللواء فالملازم (قصيده بعد غياب شاعر الوطن )

[خلف القثامي]

هذه الابيات للشاعر / مشعل بن حسين المرشدي ..

توجد على غياب شاعر الوطن الكبير/ خلف بن هذال عن مهرجان الجنادريه لهذا العام الذي انطلقت فعالياته هذا اليوم :

غاب الحمـاس بغيبتـك ياأبـن هـذال
ولاعــاد لمتـابـع هــل الحـفـل لازم
شعرك يبن هذال فـي كـل الأحـوال
يـودع فحـول الشعـر يـمـه تــرازم
النـاس مـن غيبتـك صايبهـم ذهــال
من ربع قرن وموقف الشعر حازم
قد كنت موقدهـا مـن الجـال للجـال
وكلـن علـى صوتـك يشـد المحـازم
الحـفـل مايـسـوى ولاربــع مـثـقـال
صار العوض عقب اللواء فالملازم

[العــــــــابر]

عز الله صدق

وصح لسانه

وسلمت يمينك

[فهد الزهراني]

اللواء بدأ ملازم!

ولكن

الجنادرية منذ ربع قرن ارتبط اسمها باسم خلف واصبح المجتمع السعودي لا يرضى بغيابه ابدا ....ولاشك ان ابوهذال كفو وهو من القلائل والنوادر باسلوبه وشعره وحماسه

ولكن سمعت ان الاسباب صحية والله اعلم ولاشك ان البديل سيكون ان شاء الله قد المسؤولية والله يطرح الخير والبركة في الجميع

تحياتي لك

[@ـايل]

الحـفـل مايـسـوى ولاربــع مـثـقـال
صار العوض عقب اللواء فالملازم

الحـفـل مايـسـوى ولاربــع مـثـقـال
صار العوض عقب اللواء فالملازم


الله

صح لسان الشاعر , والضيقه البارح لازمتني والله لكن مانقول غير الله المستعان

الله يطول بعمر ابو هذال

[فهيد الايدا المورقي]

صح لسان المرشدي


ابو هذال صعب تكراره


تحيتي

[سمي جدي]

والله اني مسسْستغرب من ردة فعلكم يالربع ,.

امدحوا خلف وكرموه بقصيدكم وهذآ المملكه كلهآ معآكم ’, بس لاتغلطون على الدوسري ,.

والقصيده الجزله تثبت نفسهآ بكلمآتهآ وحروفهآ سوآء من ملآزم والا لوآء ,.

لاتآخذكم العصبيه يالربع :( ,.

[عبادي المقاطي]

صح لسانك

ودوام الحال من المحال

وخلف ماقصر والله يطول بعمره

[سرحان الشيباني]

اي والله صح لسانك ابو هذال سيبقى مكانه فاضي

اخي الكريم سمي جدي حنا ماننتقد الشاعر الدوسري كأسم ولاكن ننتقد شعره اللي ماهو في مستوى الحدث

وواضح انه جاي بواسطه لانه توه متخرج ومن عائله مشيخه فالدواسر

لاكن الشرهه على اللجنه اللي ماعرفت تختار شاعر قوي يمكن ان يسد مكان ابو هذال والا الحرس الوطني اغلبهم شعراء

[مرزوق حمدان العتيبي]

..

.
صح لسان المرشدي ابيات جزله ومعبره ..



بيض الله وجه الدوسري كفو وصح لسانه
ابدع في اول ظهور له واجتهد ...

اما ابو هذال فلايمكن احد ان يسد مكانه في منهجه وقوته الشعريه
وخياله الواسع في هذا المقام
وعسى عمره طويل شاعر الوطن ...

[حمود بن خيشوم العصيمي]

صح لسانالمرشدي

وصح لسان الدوسري


أعجبتني القصيده وترجمت رأي في الموضوع ببيتين


لا غاب رجًال قضى النًوب رجال=كم في الحرس ضبًاط تقضي اللوازم
وونعم ابن هذال ماغاب ماقال=في محزمه ماس ماهو في المحازم


لاهنت ياخلف

[خلف القثامي]

شكرا لكم ع تواجدكم الطيب