يوم ان لي مع تلع الارقاب صرفـات

[الطرقي]

يوم الركايـب عقبـن خشـم ابانـات"=
ذكرت ملهوف الحشـى مـن عنايـه

ليته رديفٍ لي على الهجـن iiهيهـات"=
امـا معـي والا رديـف اخويـايـه

اخذت لي في ماضي العمر iiسجـات"=
يوم الهوى قايـم وانـا اتبـع iiهوايـه

يوم ان لي مع تلع الارقاب iiصرفـات"=
ابيـع واشـري بينـهـن iiبالسعـايـه

الليل نجدع بـه مواعيـد iiواضـوات"=
ولا خاشـر الوعـاد راع iiالضوايـه

واليوم شبت وتبت عن كـل مافـات ii"=
وطويت عـن كـل المـوارد رشايـه

الا إلى مـرت خطـات iiالخونـدات"=
اللـي جدايلهـا تـعـدا الحضـايـه

اتجازي الهرجـه بغضـاي وسكـات=
ولاهيب تبـدي لـه سريـره iiوغايـه

تصد عما قـال مـن غيـر iiمجفـات"=
وتعـرض بخـدٍ كـن فيـه iiالمرايـه

طرالي الهاجوس هاجـوس الافـات"=
وعرض لي المبعد علـى كـل iiرايـه

ومع ان في قلبـي جـروحٍ iiخفيـات"=
وانـا خبـر مابـي سببهـا iiمنـايـه

آية هـوى ماهـي بطـب المـداوات"=
انـا طبيـب الـروح مابـي غوايـه

ماهيب بدعه يلحق الرجـل iiشرهـات"=
نـاسٍ عـدو قدمـي ونـاسٍ iiورايـه

لـولاي اوسـع خاطـري iiبالتنهـات"=
واصبر بحالي مـن خـلاي iiابخلايـه

لاغدي كما المذهب وارمي بالاصوات"=
خبـلٍ علـى ماقـال راع iiالـروايـه

باهل الهوى من شارب الخمر iiشارات"=
وبهم من اللي يطـرد الصيـد iiشايـه

شارات راع الخمر فاقه وسكـرات ii"=
والصيـد ولعـه ماعلـى الله iiكمايـه

ولو اتمنى لـي مـن المـال iiغـلات"=
وانفـذ الغـلـه واحـصـل iiمنـايـه

مير المقل ضعيـف مافيـه iiنوهـات"=
وراع التمنـي مـثـل زراع طـايـه


الـــــشـــــاعــــــر
عـبــد الله بــــن سـبـيــل

[مرزوق حمدان العتيبي]

...
لاهنت يالطرقي
قصيده جزله ... ولكن ماذكرت قايلها..
تحياتي

[((الدلبحي))]

الطرقي

تسلم يمناك وصح السانك والله يرحم ابن سبيل

تحياااااااااااتي

[الطرقي]

مرزوق العتيبي
الف شكر لك على المرور
الظاهر انك قريت القصيده وانت نعسان!!!!!!
ارجع واقرا اسم الشاعر
والف شكر لك

[الطرقي]

الدلبحي
الله لايهينك يابن العم على المرور
لك تحيااااااااااااتي

[مرزوق حمدان العتيبي]

....
هههههههههه

اشهد بالله اني نعساااااااااااان..
لاهنت يالطرقي ... شكرا لك على حسن ذائقتك وسعة بالك..
وحسن اختيارك ..
والله يرحم بن سبيل واموات المسلمين ..
اعتذاري ومع ودي يالطرقي .
اخوك..

[المسرّي]

لولاي اوسـع خاطـري iiبالتنهـات" **واصبر بحالي مـن خـلاي iiابخلايـه
لاغدي كما المذهب وارمي بالاصوات" **خبـلٍ علـى ماقـال راع iiالـروايـه

رائعه ولا غرابه فشاعرها ابن سبيل رحمه الله

بيض الله وجهك يالطرقي

[مروي العطاشا]

مشكوووور



الله يعطيك العافية









سجل اعجاااابي وتحياتي

[الطرقي]

اخواني المسري و مروي العطاشا
الف شكر لكم على مروركم والله لايهينكم
تقبلوا اجمل التحااااااااايا

[ب الصفياني]

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة