هاجسي خارج عن التغطية خمسة شهور ..!!

[وصل العطياني؟؟؟]

السلام علاكم :)



هاجسي خارج عن التغطية خمسة شهور = كلّما أحدّه يسوّي قصيدة حـدّني

ما لقى شيءٍ يثير المشاعر والشعور = و ان لقى له شيّ , جا شيّ دونه صدّني

العفو يا هاجسي لا تلفّ ولا تدور = الغلا لو انّ دونه بحر ما ردّني

أتكلّم من ثقة ما أتكلّم من غرور = إعتبرني سيف محدود قبل تحدّني

يا نسيم الصبح لو تعتذر ما انت مـْـعـَـذور = جيب لي سيد المزايين وإلاّ ودّني

و ان وصـلْتِك يا وليفي مع أسراب الطيور = الله اللي جابني لك لا عاد يردّني

والله انّي خابرٍ ما يجي منك القصور = من حنانك عـشـّني كلّ يوم وغــدّني

النـّحـَل حولك يحـسـّـبْك نوع من الزهور = بدّني على النـّحـَل يا وليفي بدّني

الحلا والملح راحت مراح الديناصور = غير زينٍ فيك ما شفت زينٍ شدّني

عدّني نجم المحبّة على مرّ العصور = الله يبــيح الخلاوي نسي ما عـدّني



تحيااااااااااااااتي .

[صارم عتيبه]

صــح لسانك ولا هنت


ودي

وآآآحتـــــــــــرامي

[نواف الشيباني]

عـدّنـي نـجـم المـحـبّـة عـلــى مـــرّ الـعـصـور
الله يـبـيــح الــخـــلاوي نــســـي مـــــا عــدّنـــي


الله الله

لله درك

صح لساااااااااانك مليون وفالك البيرق


تحيااااااااااتي

[محمد الذيابـــي]

قصيده رااائعه ياوصل ومن المعجبين بك دوما وفقك الله

[أخو جوزا]

صح لسانك ياوصل

[عبد الكريم العازمي]

عدّني نجم المحبّة علـى مـرّ العصـور
الله يبيح الخـلاوي نسـي مـا عدّنـي



شامخه يا وصل صح اللسانك مليون

[فهد الزهراني]

علاكم السلام

حيى الله وصل وحي ماجاب..

غبت خمسة وجبت دبلها اقراط ذهب عيار 21

لكن الناس في هرج ومرج وحروب وثورات وهاجوسك يتنقل بك بين بساتين الورد ...هنيئا لك به هههه

دمت بخير اخي وصل انا من المتشرفين بمتابعة كل نتاجك فأنت مبهر دائما

لك الدعاء الدائم

[سهيل مقحم الغنامي]

عدّني نجم المحبّة علـى مـرّ العصـور
الله يبيح الخـلاوي نسـي مـا عدّنـي

وش تباب الخلاوي حنا نعدك نجم من النجووم

صح للسانك والله لايضرك


تقبل تحيتي

[السامي الجعيد]

جذبني صدى صوت ٍ تلاحت به الأطواد
يتعّب هواة الشعر بعده و من قبله
صدى صوت عرّافٍ لشعر الأدب روّاد
منابع عيون الشعر و الكلمه الذبله


ابيات من احد الشعراء احببت ان ارحب بهـــــــا بأخوي وصل العطياني الشاعر الفذ

يعلم الله اني اغلي واعز وصل العطياني حقيقة ماهي نفاق ولاهي مجاملة


القصيدة ابــــداع وجزالــــــة وفن يــــــــــاسلام



العفو يـا هاجسـي لا تلـفّ ولا تـدور
الغلا لـو انّ دونـه بحـر مـا ردّنـي
أتكلّم من ثقـة مـا أتكلّـم مـن غـرور
إعتبرني سيـف محـدود قبـل تحدّنـي
عدّني نجم المحبّة علـى مـرّ العصـور
الله يبيح الخـلاوي نسـي مـا عدّنـي

صح الله لسانــــك مدد بـــــــــلا عـــــــــدد يالمهلهـــــل


الطيب من ماضيــــك زاهــــر بحاضــــرك
حتــــى الفخــــر مــن رفقتـــك نستـــمده
هذا بيت إهداء مني الى اخوي المهلهل العطياني

[زيد ابو كتيفه]

عـدّنـي نـجـم المـحـبّـة عـلــى مـــرّ الـعـصـور
الله يـبـيــح الــخـــلاوي نــســـي مـــــا عــدّنـــي



صح لساااانك يابو مشهووور


مبدع الى حد بعيييد


اشهد انك مكسب للمكان اللي تتواجد فيه


سجل اعجابي ومتابعتي لجديدك


اخيك / زيد ابو كتيفه

[مرزوق حمدان العتيبي]

..

.
و ان وصلْتِك يا وليفي مع أسراب الطيور
الله الــلـــي جـابــنــي لـــــك لا عـــــاد يــردّنـــي
..
فوق كل اشاده ياوصل ..
صح لسانكـــ.

[توبان الروقي]

وصــــــــل لاغريب فانت دائما مبدع في جميع ابواب الشعر


صح الله لسانك يابو مشهور حتى ترضى ولافض فوك ياهرم الشعر



وسجلني احد متابعي وصل العطياني في كل مكان وزمان



كل الود

[سهيل العازمي]

الله الله

صح لسسسسسسسسانك يابو مشهور

قصيده شامخه مثل ما اعتدنا منك

الله لايهينك يالشبابي :):p

[فايز بن سرحان الثبيتي]

سلامات يابو مشهوووووور "


صح لسانك وصح فكرك "



لاعاد تبطي "

[معلا إبراهيم الأسعدي]

يا نسيم الصبح لو تعتذر ما انت مْعَـذور
جيب لـي سيـد المزاييـن وإلاّ ودّنـي

مافيه فك ههههههه صح السااانك يا ابو مشهور

نص شامخ بشموخ شاعره تقبل


تحياااتي

[وصل العطياني؟؟؟]

صــح لسانك ولا هنت


ودي

وآآآحتـــــــــــرامي



صح بدنك "صارم عتيبة "

ومشكور على مرورك يالغالي ..




تحياااااااااااتي .

[ولد الضيغمي]

صح لسانك

ولا هنت قصيده راقة لي

ما شاء الله

[محمد موسى المقاطي]

صح السانك يابو مشهور


وعزالله مثل ما تفضلو الاخوان


عاصي القاف معك يتهلهل طوع


بعد التحيه يابو مشهور البيت هذا / ودي استفسر عنه


و ان وصلْتِك يا وليفي مع أسراب الطيور=الله اللـي جابنـي لـك لا عـاد يردّنـي

الكلمة الأخيره صحيحه (يردني) والا (تردني)

هذا ما دار في راسي و حبيت اسئلك

ودمت يامبدع

[جمال منير]

مبدع يابو مشهور الله لايضرك
والصمت في في حضرت الجمال جمال......

[وصل العطياني؟؟؟]

عـدّنـي نـجـم المـحـبّـة عـلــى مـــرّ الـعـصـور
الله يـبـيــح الــخـــلاوي نــســـي مـــــا عــدّنـــي


الله الله

لله درك

صح لساااااااااانك مليون وفالك البيرق


تحيااااااااااتي


هلا بك ...

صح بدنك ...

ومشكور على مرورك ...




تحيااااااااااااااتي .

[عمران الزراقي]

عـدّنـي نـجـم المـحـبّـة عـلــى مـــرّ الـعـصـور
الله يـبـيــح الــخـــلاوي نــســـي مـــــا عــدّنـــي




ياكثر اللي نساهم الخلاوي

هههههههههههه


صح لسانك يابو مشهور


الابداع ماهو مغر اليوم والشهادة يقطر دمها


متابع دائما