آآثرك لو أنك ياعبدالله محصل لك مجال !!!

[سلطان الجـذع]

..


مساكم الله بالخير جميعاً ..

واقرب يالاصعر



اليا حصل فرصة وجابتنا مقادير الليال = منابر الابداع وش بين الهجوس وبينها!!
آآثرك لو إنك ياعبدالله محصل لك مجال = حتى اليتيمة ماتخلي كحلها في عينها!!

[فهيد الايدا المورقي]

الله الله الله


سلطان الجذع صح لسانك


طاروق كايف


في انتظار عبدالله الاصعر ليكتمل الابداع


تحيتي

[سلطان الجـذع]

..

ارحب ارحب يالايداء .. صح بدنك ولاهنت

[فهد الشيباني]

الله الله

صح السانك ياسلطان

وصح السان الاصعر

متاااابع

[عبدالله الاصعر]

ليا حصل فرصه نشد الحمل بضهور الجمال= واللي تدور دينها نذراَ ل سدّد دينها
الزين يتعب له ويعنا له لون الدرب طال=لا تعترض بيني وبين اللي ذبحني زينها

[عبدالله الاصعر]

بناخي الايداء



فهد الشيباني

صحت ابدانكم


احترامي

[سلطان الجـذع]

..

طيب طيب


أنا ادري أنك لو معك قوة وقدرة واحتمال = توقف رحا الدنيا وتجمع حبها وطحينها!!
سليم عندك فالقرى ومطير من عندك شمال = ان كان في راسك شجاعة رد عنك يدينها!!

[ابو فايح]

متاااااااااااابع للأخر



ابو عبدالله وعبدالله موجودين


لاشك الأبداع موجود



يا ناس خافوا الله لك معجبين شعريا تكرموا عليهم لو فالاسبوع طاروق

[سلطان الجـذع]

..


فهد الشيباني .. يامرحبا مليون ,, وصح بدنك

[سلطان الجـذع]

..

ارحب ارحب يابو فايح .. وابرك الساعات وابشر طال عمرك

متى ماتكرم الوقت بفرصه :)

[عبدالله الاصعر]

انته ليا منك هرجت اقول هديت الجبال=الله يعينك فوقها والله عليك ايعينها
ماقلت لك لم السلاح وجمع الربع وتعال=كلا عطيته قسمه بعسر الليال ولينها

[عبدالله الاصعر]

ابو فايح مروك هو الابداع


وابشر بالسعد يالغالي


احترامي

[فايز بن سرحان الثبيتي]

الله على الابداع "



سلطان \ عبدالله


صحححت السنتكم "


متابع لكم

[عبدالله الاصعر]

ابو ريان حياك الله مرورك ابداع

[سهيل مقحم الغنامي]

صحت السنـكم

وبيض الله وجيهـكم

ولله دركم شعار ومبدعيــن

سجلوني متااااابــع

مـودتّي

[سلطان الجـذع]

.
.

:)


اللي تجي سوق الذمم وتسوم بالسحر الحلال = مرتك طرقيّة واثرك دينك موافق دينها!!
والهقوة اللي دونها حالت مواقيف الرجال = سعى لها جدك قبل تخلق وطاح دوينها!!

[سلطان الجـذع]

..
.

أرحب أرحب يابو ريان .. صح بدنك ولاهنت على حضورك

[سلطان الجـذع]

..

ارحب ارحب ياسهيل شرفتنا بانضمامك لمنتدى اولاً وبتواجدك هنا ثانياً

صح بدنك و وجهك ابيض ولاهنت

[عبدالله الاصعر]

ياللي تماري بالشماغ وترخي اطراف العقال=نبا نوريك الدروب ايسارها ويمينها
ترا صقور الجو هقوتها على روس الطوال=يا مدون احداث الزمن ماينحصر تدوينها

[محمد ابن رووق]

ابداع واصلو

[سلطان الجـذع]

..
.

طيب طيب


بكرة ليا بان الفجر واذن على المنبر بلال = مالك عذر صل الصلاة الواجبة في حينها!!
العود الاخضر كل ماهبت عليه الريح مال =والهضبة اللي تذري الاجواد مدري وينها!!

[عبدالله الاصعر]

يامدعي بالدين ميز فالحرام من الحلال=دور ل درب العافيه والعافيه يازينها
حنا استعدينا ياسلطان العتيبي للقتال=وام القرين اتطلع الخوصه براس قرينها

[نواف الشيباني]

ياسلاااام

صحة السنتكم

ابداااع+ابداااع


تحياااااااااااتي

[مخاوي الطير]

الله الله

صحت الالسن والقلوب ..

المجرمين موجودين .. !!

سلطان / الاصعر


,

[طلال ناشي]

اليا حصل فرصة وجابتنا مقادير الليـال
منابر الابداع وش بين الهجوس وبينها!!
آآثرك لو إنك ياعبدالله محصل لك مجال
حتى اليتيمة ماتخلي كحلها في عينها!!



ليا حصل فرصه نشد الحمل بضهور الجمال
واللي تدور دينهـا نـذراَ ل سـدّد دينهـا
الزين يتعب له ويعنا له لون الدرب طـال
لا تعترض بيني وبين اللي ذبحني زينهـا

الزين يتعب له ويعنا له لون الدرب طـال
لا تعترض بيني وبين اللي ذبحني زينهـا



أنا ادري أنك لو معك قوة وقدرة واحتمـال
توقف رحا الدنيا وتجمع حبها وطحينهـا!!
سليم عندك فالقرى ومطير من عندك شمال
ان كان في راسك شجاعة رد عنك يدينها!!


سليم عندك فالقرى ومطير من عندك شمال
ان كان في راسك شجاعة رد عنك يدينها!!

سليم عندك فالقرى ومطير من عندك شمال
ان كان في راسك شجاعة رد عنك يدينها!!


انته ليا منك هرجت اقول هديت الجبال
الله يعينك فوقهـا والله عليـك ايعينهـا
ماقلت لك لم السلاح وجمع الربع وتعال
كلا عطيته قسمه بعسر الليـال ولينهـا


اللي تجي سوق الذمم وتسوم بالسحر الحلال
مرتك طرقيّة واثرك دينك موافـق دينهـا!!
والهقوة اللي دونها حالت مواقيف الرجـال
سعى لها جدك قبل تخلق وطـاح دوينهـا!!

والهقوة اللي دونها حالت مواقيف الرجـال
سعى لها جدك قبل تخلق وطـاح دوينهـا!!

والهقوة اللي دونها حالت مواقيف الرجـال
سعى لها جدك قبل تخلق وطـاح دوينهـا!!


ياللي تماري بالشماغ وترخي اطراف العقال
نبا نوريـك الـدروب ايسارهـا ويمينهـا
ترا صقور الجو هقوتها على روس الطوال
يا مدون احداث الزمن ماينحصر تدوينهـا



الله الله الله

سلطان الجذع .. عبدالله الأصعر

صحت ألسن والقلوب

إبداعٌ ترفع له القبعه

من عندي

*****

تحيآتي

[محمد سعيد القحطاني]

صح اللسانك يا الجذع

صح ابدنك يا الاصعر


ابداع وفتل و نقض من ابدع ما يكون

لكن الصراحه الصف صفك يا الاصــــعــــر

[وريث الشعر]

حقيقه محاوره متميزه


لله دركم ياثنين

[^روقي عفيف^]

صح لسانك يابن عساف