قصيده مهداه للامير فيصل بن متعب الشغار

[ابن الشايب]

بسم الله الرحمن الرحيم
اخواني اخواتي اعضاء ومشرفين وادارة المنتدى وزواره
اود ان انقل لكم قصيده اعجبتني كثيرا ونقلتها لكم لان
القصيده تتكلم عن امير قبيله اهو افضاله على كثير من الناس
والفضل لله تعالى وهو الامير فيصل بن متعب بن فيصل الشغار


واليكم القصيده



يالله ياقابل صلاة المصلين = يامنزلنن صورة تبارك وطاها
ياللي على بيتك تطوف الملبين = ياعالمن غيب السنين وخفاها
انت الذي نرجيك بالعسر واللين = ارجوك نفسي لاتخيب رجاها
واللي بعدها مرحبا بالميامين = ترحيبتن للحول يبقى صداها
باللي بعيد الدار واللي قريبين = وبعتيبه الهيلا وباللي لفاها
بضيافة الشغار شيخ الدماسين = شيخن تعلى الطايلات ورقاها
فيصل ولد متعب صعود المجانين = من لابتن بالطيب يعرف وفاها
من روس روق مرجحين الموازين = هيلا من الهيلا بعيدن مداها
حمايت الساقات ريف المقلين = لاشبت الهيجا ودارة رحاها
فيصل لياجا للفعايل عناوين = له سيرتن بالطيب محدن غواها
كريم سبلن مال طيبه محالين = كبدن يداويها وكبدن كواها
يعيش ابو بتال زبون المخلين = هو مبتداء الشيخه وهو منتهاها
وعياله اللي بالمواجيب وافين = نعم الرجال اللي عريقن سخاها
شيخن وعقبله شيوخن سلاطين = بين القبايل عالين مستواها
نعم الرجال اللي على الطيب ضارين = زحول الرجال اللي طوالن خطاها
وختامها بالمسك هو والرياحين = عد النجوم الباديه في سماها
الشاعر/ سلطان المرشدي

[أبو طالع العتيبي]

سلمت يمناك أخويه ولا هنت

[ابن الشايب]

ومن قال سالم ولاهنت
على المرور الجميل

[المـرشدي]

ياابن الشايب سلمت لنا على النقل

وصح لسان ابن العم الشاعر العلم سلطان فيحان العرط المرشدي

[ابن الشايب]

ومن قال سالم اخوي المرشدي
وشكرا على المرور الجميل
وانا اشهد ان الشاعر سلطان العرط
من كبار الشعراء بالمملكه الذين يتميزون
بجزالة قصائدهم