سفر الدغيلبي مشحون على الربيقي !!

[راع الجرداء]

السلام عليكم ورحمة الله وبركاته ..


لا اعلم سبب نرفزة سفر في هذه الحفله ..


ومن حضر الحفل يوكد ذلك ..



مـحـمــد عـبـيــد الـربـيـقـي:
يا مرحبا بالرجـال اللـي تسـد اللـزوم....أقولهـا والمعـزب بالـوفـاء قالـهـا
مادام معنـا سفـر موجـود لازم يقـوم....واللـي يقـرب حمـول البـدو يشتالهـا

ســـفــــر الـدغـيـلــبــي:
دام البقاء من هجوسن كل ليلـة و يـوم....تلقـى كثيـر البيـوت وتأخـذ جزالهـا
سفر حضر عندكم في حفلكـم و معـزوم....ما هـو بسلعـه تـروج عنـد دلالهـا

مـحـمــد عـبـيــد الـربـيـقـي:
إليا تخيرت أبا أخذ مـن خيـار العلـوم....واللي على فالها تسـري علـى فالهـا
يابن الحلال انتظر حنـا نعـرف السلـوم....السالفـه ياطويـل العـمـر يبغالـهـا

ســـفــــر الـدغـيـلــبــي:
لو كنت تقدر تصيـر ادفـاع ولا هجـوم....ألبـس غترتـك البـسـام و عقالـهـا
سمعت لي كلمـةٍ مالـي وراهـا لـزوم....لا عل مـن حطهـا فـالارض يشتالهـا

مـحـمــد عـبـيــد الـربـيـقـي:
حنا غنيين عنـك ولانبـي لـك هـدوم....يارب تستـر علـى نـاسٍ هـذا حالهـا
مالك ومال الكلام ارتاح وأنـت مخـدوم....بعض العرب لأوحـت الهرجـه يورالهـا

ســـفــــر الـدغـيـلــبــي:
غناتكم من غناتي جعـل عمـرك يـدوم....طيب الروادي من الموجـات وأرسالهـا
ودي صحيح اتريح مـن كثيـر الهمـوم....مار العـرب تبلـش الحملـه وجمالهـا

مـحـمــد عـبـيــد الـربـيـقـي:
خلـك بحـد البسيطـة لا تعـود تحـوم....ماكـل مـا تطلـب النـاس إيتهيالـهـا
يبـى يسافـر سفـر والعافيـة ماتـدوم....اثــر شـاعـر عتيـبـة و خيالـهـا

ســـفــــر الـدغـيـلــبــي:
أحوم و أطلع على سطح القمر والنجـوم....وأنت النجوم العوالـي مالـك و مالهـا
ترى الحكم للعدل والسيف وانت محكـوم....ياللي لاشفـت الطراقـي قمـت تبرالهـا

مـحـمــد عـبـيــد الـربـيـقـي:
طلع لسطح النجـوم وعـاد ميرمهـزوم....مدري سفر ويش سوت لـه وسوالهـا..
ترى العلوم الردية من نصيـب الرخـوم....و ارجع على اللي يجيك المال من مالها..

ســـفــــر الـدغـيـلــبــي:
انا رجل ما ألحق الغلطان شرهه و لـوم....عاقل شبابه مـا يشـره فـوق جهالهـا
أنته ربيقي و أنا أعرف حرب ناسٍ قروم....لكـن بهـم نـاس فـال الله ولا فالهـا


تحيتي للجميع ..

[ابو فايح]

ههههههه


عجيب


كل هالبيت وفالبدايه وتبغى الطاروق يمر بسلام



مادام معنـا سفـر موجـود لازم يقـوم.=واللـي يقـرب حمـول البـدو يشتالهـا



من يعرف الشعر يعرف أنه هذا البيت لا يمر مرور الكرام على مثل سفر


إن كان الربيقي لم يقصد كان من الافضل أن يبتعد عن الشبهات .

[بطـران العتيبي]

سفر حضر عندكم في حفلكـم و معـزوم....ما هـو بسلعـه تـروج عنـد دلالهـا




أخوي راعي الجرداء : ماشوف نرفزه اللي أشوفه صمـخ أبيوت من سفر للربيقي وكآلعاده مبدع ياسفر يآشاعر الهيـلا ..


تحيـتي ,

[فايز بن سرحان الثبيتي]

مادام معنـا سفـر موجـود لازم يقـوم....واللـي يقـرب حمـول البـدو يشتالهـا



البدع كان سيء ولا فيه شي اسمه ماهو قاصد الشاعر كلامه محسوب عليه ان بالسلب او بالايجاب " ولا ماصار شاعر "

وخاصة انه من معازيب الحفل ومن الصعب ان تخرج مثل هذه الكلمه منه في هذا الموقف الا لو قدر انه يغطيها بشكل مناسب ولكنه لم يوفق "

سفر اصبح في محل قوه بسبب هذا التهور واستطاع ان ياخذ زمام المحاورة

اعجبني هذا البيت من سفر واعتقد انه يستحق الوقوف احتراما للعملاق القادم "

سمعت لي كلمـةٍ مالـي وراهـا لـزوم....لا عل مـن حطهـا فـالارض يشتالهـا



حاول الربيقي انه يتبرأ من المطب اللي مسويه ولكن بعد فات الفوت ماينفع الصوت "

مالك ومال الكلام ارتاح وأنـت مخـدوم....بعض العرب لأوحـت الهرجـه يورالهـا

[سلطان البقمي]

ههههههه


عجيب


كل هالبيت وفالبدايه وتبغى الطاروق يمر بسلام



مادام معنـا سفـر موجـود لازم يقـوم.=واللـي يقـرب حمـول البـدو يشتالهـا



من يعرف الشعر يعرف أنه هذا البيت لا يمر مرور الكرام على مثل سفر


إن كان الربيقي لم يقصد كان من الافضل أن يبتعد عن الشبهات .


هذه البيوت مافيها شي سليمه من الربيقي لاكن فيه مشكله قبل الطاروق


من اطراف اخرين والربيقي يتكلم عنها يقول اللي يدخل المجتمع يسمع كثير


اللي يقرب حمول البدو يشتاهلها... لاتستغرب الكلام هذا المعنى الصحيح



مـحـمــد عـبـيــد الـربـيـقـي:
إليا تخيرت أبا أخذ مـن خيـار العلـوم....واللي على فالها تسـري علـى فالهـا
يابن الحلال انتظر حنـا نعـرف السلـوم....السالفـه ياطويـل العـمـر يبغالـهـا



يقول ابشر بالحق ( حنا نعرف السلوم) نبي نعطيك حق هذا هو المعنى من البدايه

الى نهاية الطاروق

باختصار الشرح



تحياتي

[سلطان البقمي]

مادام معنـا سفـر موجـود لازم يقـوم....واللـي يقـرب حمـول البـدو يشتالهـا



البدع كان سيء ولا فيه شي اسمه ماهو قاصد الشاعر كلامه محسوب عليه ان بالسلب او بالايجاب " ولا ماصار شاعر "

وخاصة انه من معازيب الحفل ومن الصعب ان تخرج مثل هذه الكلمه منه في هذا الموقف الا لو قدر انه يغطيها بشكل مناسب ولكنه لم يوفق "

سفر اصبح في محل قوه بسبب هذا التهور واستطاع ان ياخذ زمام المحاورة

اعجبني هذا البيت من سفر واعتقد انه يستحق الوقوف احتراما للعملاق القادم "

سمعت لي كلمـةٍ مالـي وراهـا لـزوم....لا عل مـن حطهـا فـالارض يشتالهـا



حاول الربيقي انه يتبرأ من المطب اللي مسويه ولكن بعد فات الفوت ماينفع الصوت "

مالك ومال الكلام ارتاح وأنـت مخـدوم....بعض العرب لأوحـت الهرجـه يورالهـاالربيقي شاعر من هذه البيوت وانا اول مره اسمع فيه بيوته جزله مافيها شي ابد يتكلم عن شي صار من ناس في الحفل فقط وهذا الدليل


ســـفــــر الـدغـيـلــبــي:
أحوم و أطلع على سطح القمر والنجـوم....وأنت النجوم العوالـي مالـك و مالهـا
ترى الحكم للعدل والسيف وانت محكـوم....ياللي لاشفـت الطراقـي قمـت تبرالهـا

مـحـمــد عـبـيــد الـربـيـقـي:
طلع لسطح النجـوم وعـاد ميرمهـزوم....مدري سفر ويش سوت لـه وسوالهـا..
ترى العلوم الردية من نصيـب الرخـوم....و ارجع على اللي يجيك المال من مالها..


ارجع على اللي يجيك المال من مالها .. يعني المعزب يعطيك الحق لاتخاف لاحض بيوت سفر اخر الطاروق

ســـفــــر الـدغـيـلــبــي:
انا رجل ما ألحق الغلطان شرهه و لـوم....عاقل شبابه مـا يشـره فـوق جهالهـا
أنته ربيقي و أنا أعرف حرب ناسٍ قروم....لكـن بهـم نـاس فـال الله ولا فالهـا


يقول انته ربيقي وانا اعرف حرب ناس ٍ قروم (يعني انت طيب ماسبك. سفر قال انت طيب بس فيه حروب ماش يقصد اللي جاه منهم كلام .. الربيقي شاعر لاحد يضلمه في هذه المحاوره


تحياتي

[فايز بن سرحان الثبيتي]

لا تسوي فيها مانت فاهم !!!!!!!!!!

يعني انت تشوف هالبيت عادي !!!!!

مادام معنـا سفـر موجـود لازم يقـوم....واللـي يقـرب حمـول البـدو يشتالهـا


ومايثبت كشف البيت رد سفر المبهر :

سمعت لي كلمـةٍ مالـي وراهـا لـزوم....لا عل مـن حطهـا فـالارض يشتالهـا

[ابو فايح]

سلطان البقمي الله يهديك غالبا تسوي نفسك الفاهم الوحيد


طال عمرك الخطأ جاء من الربيقي وراح الطاروق كله على هالخطأ

[سلطان البقمي]

سلطان البقمي الله يهديك غالبا تسوي نفسك الفاهم الوحيد


طال عمرك الخطأ جاء من الربيقي وراح الطاروق كله على هالخطأ

اولاً انا لست الوحيد في الدنيا الفاهم غيري كثير واذا عندك شاعر معروف وقال

تحليلي غلط ارجو ان يتفضل بسمه ويقول سلطان ماعنده سالفه امام الملا . ولكن انا متاكد لم يخالفني شاعر وبيني وبينك الشعار اذا انت تحدى على ذالك

واتحدى تقدر تجيب شاعر معروف يخالف ماقلته هذا اللي اقدر اقنعك به



اما انت وغيرك حر في تفسيره ولا يصح الا الصحيح اخر المطاف



وهذه البيوت وردها دليل على كلامي

مـحـمــد عـبـيــد الـربـيـقـي:
حنا غنيين عنـك ولانبـي لـك هـدوم....يارب تستـر علـى نـاسٍ هـذا حالهـا
مالك ومال الكلام ارتاح وأنـت مخـدوم....بعض العرب لأوحـت الهرجـه يورالهـا


يقول ترتاح وانت مخدوم هرجة جاهل ماعليك فيها نحن نكفيك عن الجهال...... تابع رد سفر في المعنى تابع صح
ســـفــــر الـدغـيـلــبــي:
غناتكم من غناتي جعـل عمـرك يـدوم....طيب الروادي من الموجـات وأرسالهـا
ودي صحيح اتريح مـن كثيـر الهمـوم....مار العـرب تبلـش الحملـه وجمالهـا


مير العرب تبلش الحمله وجمالها (يعني تبلش صاحب الحفل وشعارها


تحياتي

[علي الثبيتي]

ماهو معقول ان سفر يفهمه مقلب ولايرد الا في البيت الثاني

تحليل سلطان هو الصح

[سلطان البقمي]

لا تسوي فيها مانت فاهم !!!!!!!!!!

يعني انت تشوف هالبيت عادي !!!!!

مادام معنـا سفـر موجـود لازم يقـوم....واللـي يقـرب حمـول البـدو يشتالهـا


ومايثبت كشف البيت رد سفر المبهر :

سمعت لي كلمـةٍ مالـي وراهـا لـزوم....لا عل مـن حطهـا فـالارض يشتالهـا


يافايز عسى والديك الجنه


يقول ياسفر لازم تلعب لازم تقوم يعني لاتزعل وتجلس لازم تلعب ماعليك في الجهال

ورد سفر قوي قال سمعت اللي كلمة ٍ مالي وراها لزوم لاعل من حطها في الا رض يشتالها


يعني انا ليس زعلان على كلمة الشخص ولا همتني ابي اللعب وانا معزوم ماعندي مشكله. كلهم يتكلمون عن شخص خارج الطاروق وليس بينهم

هذا كل مافي الا مر





تحياتي

[ابو فايح]

سلطان البقمي وابو فهد


ههههههه

كلكم حركات


واصلوا والله يرعاكم

[فيصل بن فهد الجهني]

سفر شهادتي فيه مجروحه

شاعر بكل ما تعنيه الكلمه من معنى .. و اللي يعجبني فيه .. بيوته قويه

يمتلك .. خامه شعريه .. اصيله .


والله يا عتيبه احترت بكم و بشعاركم .. كل ما جيت ابقول هذا شاعر عتيبه القادم .. يجي اللي يسكتني ..!!

ما اقول الا .. ما فيكم حيله يا عتيبه

[فارس البرقاوي]

مادام معنـا سفـر موجـود لازم يقـوم....واللـي يقـرب حمـول البـدو يشتالهـا


المقصد واضح يالربع مايحتاج تحليلات اخرى والربيقي قاصدها وسفر حطها معنا وسرى الطاروق
من هذا البيت (والشعار لا لقو الفرصة سرو اليل)

[الكاايد]

سفر والربيقي والربيقي وسفر !!

وياكثر المحاورات على هذا النمط يعني بالعربي مافيه شيء جديد

بس بصراحه اكثر شيء لفت انتباهي هو العنوان :)

تحياتي

[محمدالنفيلي الحربي]

محاوره مافيها اخذ وعطا بين شاعرين متمكنين لكن بعض الناس ودها تولع المشاهيب لو مافيه شي يستدعي ذلك

[اسير الروح]

مصيبه سفر الله لايضره

[حربي الحربي]

كبييييييييييييييييييييييييييييير يامحمد عبيد الحربي


قسسسسسسم بالله شاعر وكبير

وانا حاضر محاورة له هو وسفر قبل كم شهر

قال سفر لراشد السحيمي ( بلشت مدري اناحي عيد سمير والا بن ربيق )


لاشك محمد بن ربيق الحربي مصيبه والله شاعر كبير
مع ان ماله جمهور ومظلوم اعلاميا


لكن علم وله ناس متابعينه من الشعار ومتذوقي الشعر




وبالنسبه للمحاورة ذي اشوف ان محمد الربيقي ابدع وبزياده وسفر اشوفه يحسب كل شاعر سهل

ويتغطلس على الشعار لكن حدك ياسفر فيه شاعر اسمه محمد عبيد يعني الركود


ولكن تسلم يالناقل الموضوووع






اللي يقرب حمول البدو يشتالها هههههههههههههههههههههههه قويه والله


تحياتي لكم

[فهد الظاهري]

المحاااوره واضح فيها مقلب وحتى لو كان عفوي ما هو مقصود لازم يرد عليه سفر.. اما محمد شاااعر بيوووته جميله واذكر له محاوره مع سوار الذهب بدع فيها ... بنسبه لسفر ما عليه الكلام ولو اني اخاف عليه يصير مثل سوار الذهب في الاخلاق والغرور..

[منيرالروقي]

هههه حلوة يالظاهري

خايف سفرالدغيلبي يصيرمثل سوارالذهب بالأخلاق !!!!!!!!!!!!!!!

هذا وين وهذا وين


سفر وجه رياجيل فالمحاورة وخارجها وأخلاق شيخ قبيله ودين ونظافة وكرم _ ولانزكي على الله أحد _



وسوارالذهب ______لاتعليق

[ابن طامي]

سلطان البقمي


ياحبك للفلسفـه الله يسلمك




،

[الشخص العاقل]

البلا ماهو لازم يقوم


البلا والا يقرب لحمول البدو يشتالها لكن ابن ربيق ذهين خلاه بالمقلب الهوين واكل سفر بالاقوى ههههههههههههههههههههه

[سيف شامان]

بسكل عام وبمكن مالها دخل بالموضوع

ضمائر المتكلم والمخاطب والغائب وبقية الضمائر تكون سبب للفهم
السيء في الكلام دائماً

موقف سفر سليم 100% ..

لو فهمها على الوجه الحسن قالوا الناس مشاها عليه .. حتى الشاعر نفسه ( صاحب المعنى ) بيقول هالكلام ..

إذا لم يجد ابن ربيق طريقه رائعه لتغليف المقلب فـ الأفضل له أن يتجنبه ..


فعلى الشاعر أن ينتبه لبيته حتى لا يجد عليه الشاعر مدخل ..


عموما المقلب سبقه به ابن شايق وهذي المحاوره واحكموا ياللي تلومون سفر ..

http://www.youtube.com/watch?v=CAL2AYbm0GE&feature=related

أنا ليا شفت تركي ( قام ) بين الصفوف ..

لاحظ ابن شايق يقول انا طيب على نيات قلبي وظني !!!!!

http://www.youtube.com/watch?v=7BGU1Vhr3vg&feature=related

حظي معه ( فام ) والارزاق مقسومه ..


وعفاكم .. مع علمي ان مقاطع الفيديو ليس لها علاقه بصلب الموضوع لكن عشان تشوفون على أي احنمال أخذ الشاعر المقابل هذه الكلمه ..

[سيف شامان]

ياليت احد المشرفين يتكرم و يعدل الاخطاء الاملائيه ويحذف هالرد

( مشكلة اللي يكتب بسرعه ومطفي اللمبه وفيه النوم ههههه )

[سلطان البقمي]

بسكل عام وبمكن مالها دخل بالموضوع

ضمائر المتكلم والمخاطب والغائب وبقية الضمائر تكون سبب للفهم
السيء في الكلام دائماً

موقف سفر سليم 100% ..

لو فهمها على الوجه الحسن قالوا الناس مشاها عليه .. حتى الشاعر نفسه ( صاحب المعنى ) بيقول هالكلام ..

إذا لم يجد ابن ربيق طريقه رائعه لتغليف المقلب فـ الأفضل له أن يتجنبه ..


فعلى الشاعر أن ينتبه لبيته حتى لا يجد عليه الشاعر مدخل ..


عموما المقلب سبقه به ابن شايق وهذي المحاوره واحكموا ياللي تلومون سفر ..

http://www.youtube.com/watch?v=cal2aybm0ge&feature=related

أنا ليا شفت تركي ( قام ) بين الصفوف ..

لاحظ ابن شايق يقول انا طيب على نيات قلبي وظني !!!!!

http://www.youtube.com/watch?v=7bgu1vhr3vg&feature=related

حظي معه ( فام ) والارزاق مقسومه ..


وعفاكم .. مع علمي ان مقاطع الفيديو ليس لها علاقه بصلب الموضوع لكن عشان تشوفون على أي احنمال أخذ الشاعر المقابل هذه الكلمه ..




ماقصرت جبت لنا مثل بس كلامك يخلف المثل ابن شايق تبرى وقال نيتي


حسنه والصحيح نيته حسنه والربيقي نيته حسنه لونها مقلب ذكر انها مقلب في


صلب المعنى في بيته الثالث ولا كنه لم يذكر انه مقلب وكان نيته حسنه وسفر فاهم ان نيته حسنه وهو الصحيح لان المحاوره مشت على نقاش في موضوع يخص سفر في الحفل وبالعربي المعنى في هرجه


من احد الاطراف غير سفر والربيقي شاعر اخر او شخص يتكلم ويقول سفر


ماهوب معزوم ودليل بيت سفر يقول (سفر حضر عندكم في حفلكـم و معـزوم....ما هـو بسلعـه تـروج عنـد دلالهـا



ســـفــــر الـدغـيـلــبــي:
دام البقاء من هجوسن كل ليلـة و يـوم....تلقـى كثيـر البيـوت وتأخـذ جزالهـا
سفر حضر عندكم في حفلكـم و معـزوم....ما هـو بسلعـه تـروج عنـد دلالهـا





مشى المعنى على هذه القضيه حتى نهاية الطاروق... ارجو من الشخص


اللي مايعرف الشعر ان لا يحلل غلط ويفقد الطاروق جماليته وكلام شعاره




تحياتي

[محمد ابن رووق]

ماقصرت جبت لنا مثل بس كلامك يخلف المثل ابن شايق تبرى وقال نيتي


حسنه والصحيح نيته حسنه والربيقي نيته حسنه لونها مقلب ذكر انها مقلب في


صلب المعنى في بيته الثالث ولا كنه لم يذكر انه مقلب وكان نيته حسنه وسفر فاهم ان نيته حسنه وهو الصحيح لان المحاوره مشت على نقاش في موضوع يخص سفر في الحفل وبالعربي المعنى في هرجه




ماهوب معزوم ودليل بيت سفر يقول (سفر حضر عندكم في حفلكـم و معـزوم....ما هـو بسلعـه تـروج عنـد دلالهـا



اولا ردك مقنع



لكن انت ابعدت المعنى الشين عن المحاوره وهو احتمال كبير مالسبب




ســـفــــر الـدغـيـلــبــي:
دام البقاء من هجوسن كل ليلـة و يـوم....تلقـى كثيـر البيـوت وتأخـذ جزالهـا
سفر حضر عندكم في حفلكـم و معـزوم....ما هـو بسلعـه تـروج عنـد دلالهـا





مشى المعنى على هذه القضيه حتى نهاية الطاروق... ارجو من الشخص


اللي مايعرف الشعر ان لا يحلل غلط ويفقد الطاروق جماليته وكلام شعاره




تحياتي


تحليلك مقنع

لكن انت ابعدت المعنى الشين عن المحاوره وهو احتمال كبير مالسبب


وانا اقدر اقولك سفر رد بنفس المعنى حضر حفلكم ومعزوم!! وماهو بسلعه المقصد عائد على بن ربيق

[سلطان البقمي]

تحليلك مقنع

لكن انت ابعدت المعنى الشين عن المحاوره وهو احتمال كبير مالسبب


وانا اقدر اقولك سفر رد بنفس المعنى حضر حفلكم ومعزوم!! وماهو بسلعه المقصد عائد على بن ربيق



هذا البيت يحل المشكله ويعطيك المعنى كامل من اول الطاروق الى اخره من يعرف معناه؟؟؟؟


هذا البيت فقط لاغير >سفر حضر عندكم في حفلكـم و معـزوم....ما هـو بسلعـه تـروج عنـد دلالهـا


ليش قال (ماهو بسلعه عند دلالها) اذا فسرتوا هذا الشطر انتها الامر لانقاش بعده ابد




تحياتي

[عبد الكريم العازمي]

الربيقي يقول سفر دامه موجود لآزم يقوم صح ولا لا .!؟

سفر يقول أنا معزوم مانيب سلعه تروج عند دلآلها السلع نعرف أنها أما تودى ولا تجاب ولا تباع ولا تشترى صح .؟!

سفر من كلامه في سلعه تروج عند دلالها يعني أنا مانيب على كيفكم تعزموني وتطردوني


هذا بأختصار إذا كلامي فيه شي أعتبروني ما رديت

[سلطان البقمي]

الربيقي يقول سفر دامه موجود لآزم يقوم صح ولا لا .!؟

سفر يقول أنا معزوم مانيب سلعه تروج عند دلآلها السلع نعرف أنها أما تودى ولا تجاب ولا تباع ولا تشترى صح .؟!

سفر من كلامه في سلعه تروج عند دلالها يعني أنا مانيب على كيفكم تعزموني وتطردوني


هذا بأختصار إذا كلامي فيه شي أعتبروني ما رديت




هذا هو المعنى الللي ابي الجميع يفهمه عشان لايقولون المحللين ان بيت


الربيقي مقلب لو صار مقلب ماكان رد سفر هذا البيت كان الرد عير ذالك حتى لو خفى على سفر لم يتركه الربيقي يبي يصير هو النقاش ولاكن النقاش كان في موضوع العزيمه والغلط اللي حدث من شخص في حق سفر


ولكن هذا هو المعنى إلى اخر الطاروق



اما كلمة مقلب فهي مستبعده نهاياً وكلمة( لازم يقوم) هذه كلمه دارجه بين


الناس لم تفسر بغير تفسيرها الصحيح اللي هو كلمه حسنه وليس غير ذالك



المقلب يجي في جمله ليس بهذه الجمله ابد




وانا اخترت لكم رد سفر حتى نثبت ان الطاروق ليس فيه مقلب وقلت لكم


حللوا هذا الرد لانه قاطع الشك وتحليلك ياعبد الكريم صح ولايوجد غيره وهذا الرد>



ســـفــــر الـدغـيـلــبــي:
دام البقاء من هجوسن كل ليلـة و يـوم....تلقـى كثيـر البيـوت وتأخـذ جزالهـا
سفر حضر عندكم في حفلكـم و معـزوم....ما هـو بسلعـه تـروج عنـد دلالهـا


لا نقاش بعد ذالك

[ماجد الحبردي]

الشهاده لله الربيقي شاعر جزل وقليل امثاله في ساحة المحاوره شاعر محترم

[البرلمان]

هههه حلوة يالظاهري

خايف سفرالدغيلبي يصيرمثل سوارالذهب بالأخلاق !!!!!!!!!!!!!!!

هذا وين وهذا وين


سفر وجه رياجيل فالمحاورة وخارجها وأخلاق شيخ قبيله ودين ونظافة وكرم _ ولانزكي على الله أحد _



وسوارالذهب ______لاتعليق

اكيد مافيه مقارنة بين سوار الذهب وسفر لان سوار الذهب يغرد خارج السرب واكثر الشعراء يتعبون في مجاراته ماعدا حبيب العازمي هو اللي يستطيع مجاراة عبدالله في بعض المحاورات وماضنك ناسي محاورة سفر وعبدالله اللي يقول فيها انت قسمك مثل قسم .... وبالنسبة للمحاورة الربيقي وسفر انا اشوف ان سفر مارد بالطريقة المناسبة على بيت الربيقي ودمتم ....

[بطـران العتيبي]

البرلمان صح النوم !! فرق بين سفر وسوار الذهب ياعزيزي واحد شاعر والثاني يسولف في عالم ثاني هرجه مانفهمه وكل الشعراء مايفهمونه وسفر شاعريته اقوى منه بكثير ..

[غالب الذيابي]

الربيقي اكل المطب اللي ماكان على باله، كان هذا البدع لارباك سفر فقط..
وكان عند الربيقي معنى,, لكن سفر اجبره يلعب على المطب اللي سواه بنفسه..

طبعاً المعنى ماهوب الشين اللي بعض الاعضاء يتوقعه ( والعياذ بالله).. المعنى
يقول لازم يقوم يعنى ينقلع تكرمون ويكرم سفر..معروفه الى بغيت طردة أي واحد
تقول له ( قم )!!..

مطب الربيقي


مادام معنـا سفـر موجـود لازم يقـوم=واللـي يقـرب حمـول البـدو يشتالهـا

وهنا دهاء ســـفــــر الـدغـيـلــبــي:

سفر حضر عندكم في حفلكـم و معـزوم=ما هـو ب سلعـه تـروج عنـد دلالهـا

سفر هنا في الشطر الاول يعلمه درس في سلوم القبايل : كيف تعزمونيّ
واحضر في حفلكم وتجيب هاالرد يالربيقي !! هذا في شطر البيت الاول..
وفي شطر البيت الثاني وضع له سفر معنى ثاني ، يقول انا مانيب سلعة مثلك
اجي في الحفلات بدون عزيمة وانطرد وابلعها!!لا لا طردتي ليست بهذه البساطة!!


يابن الحلال انتظر حنـا نعـرف السلـوم=السالفـه ياطويـل العـمـر يبغالـهـا

هنا حاول الربيقي يتلافى الموقف ويتفادى المطب لكن ماعاد يمديه ، حاول
يقول لسفر لاتزعل وانت توك ماسمعت معناي الاساسي .. لكن فاتت!!..



سمعت لي كلمـةٍ مالـي وراهـا لـزوم=لا عل مـن حطهـا فـالارض يشتالهـا

هنا سفر يقول للربيقي توّنا على معناك الاساسي ،اول لازم القنك الدرس
حتى تعرف كيف تخاطب الرجال ...
اشهد لله ان سفر كبير بشعره والكبير الله..والحربي ابياته قويّه لكن تورط
فالمعنى بسبب مزحته الثقيلة..[/align]

[شافي النتيفات]

انا اوافق غالب الذيابي في تحليله للبيت 100 %

[سلمان المرشدي]

اقول سفر الدغيلبي شاعر استطاع ان يغير مستوئ من عادي الئ رمز من رموز الشعر فالخليج خلال سنتين وهو يعتبر الان من طبقة حبيب العازمي و مستور العصيمي
شاعر لايمكن يطوف عليه كلمه فالمحاوره وبسسسسسسسسسسس لايكثر

[ماجد الحبردي]

هولاء هم شعراء شبابه رضي من رضي واباء من اباء ولايكثر اقوال اهل النفاق والرياء وشحن العداوه بين الناس المعنى بينهم انتهى

[قرنــاس الصبيحي]

تبون رايي ان الربيقي والله اعلم انه يقصد بيقوم يعنى يواجهني او يقابلني

يمكن كان تعبيره غلط بوجهة نظر شاعر الهيلا سفر استغلها الشاعر لقاها فرصه واسلخ في الربيقي

في المحاوره اللي جرت بينهم وكلهم شعار ماقصروا لكن سفر كانت القوه في صالحه



والمعنى في بطن الشاعر






تحيااااااااااااااااااااااااااااااااااااتي لك

[مهجرس]

مادام معنا سفر موجود لازم يقوم= و اللي يقرب لحمول البدو يشتالها
الله اكبررر

و الله انك خطير يالربيقي

يالربع البلا و المصيبة بالشطر الاخير ...... و اللي يفهم يحلل او يسأل اي شاعر يفهم.

و اللي يقول ان الدغيلبي رد رد قوي و قلبها على الربيقي هذا غير صحيح....

و الربيقي مايقصد ان سفر ماهوب معزووووم ... هاذي ماتجي ابداً و لكن رجاااااااائي عدم التحريف

سفر معزوم و هذا شئ يعرفه الدغيلبي و غيره.........


خطير يابن عبيد خطيييييييير