هوش بعض الأوادم مثل مشخ الأظافر

[ابراهيم الجـــــذع]

السلام عليكم ورحمة الله وبركاته




مساكم الله بالخير جميعاً





مرحبا من هجوسٍ حاضره ما تسافر=ردةٍ عن رجالٍ يخلفون الهقاوي

هوش بعض الأوادم مثل مشخ الأظافر=قالها واحدٍ لــ الشعر ما هو براوي

[ناصر الشلاحي]

صح لسانك يا ابراهيم الجذع حضور و ابداع متجدد الله يوفقك
صح لسانك يا محمد القحطاني

[ابراهيم الجـــــذع]

صح بدنك أخوي ناصر

الله يوفق الجميع إن شاء الله

شرفني مرورك يا الغالي

[ولدعساف]

ياسلام ياسلام

صح لسانك يابو نايف وصح لسان قبيلك

محبك ومغليك

:)

[فالح العصيمي]

البقا والاوادم ماتحب المعافر :::: لو حميت هل البحرين جرت حساوي


ثورة ٍ عند شيعي وثورة ٍ عند كافر :::: والوطن دونه المسلم يلج العزاوي

[ابراهيم الجـــــذع]

هلا وغلا ولد عساف

صح بدنك يا الغالي

شرفني مرورك

[ابراهيم الجـــــذع]

من سقط فالمعارك تحت خمسين حافر=وأنت ميز طريقك والطريق متساوي

ناقة ابليس طول الوقت رايم ونافر=مير ما للجروح الا الطبيب المداوي

[عبد الكريم العازمي]

طيب طيب


متابعين

[ابراهيم الجـــــذع]

يشرفنا حضورك ومتابعتك يا الغالي

[فالح العصيمي]

كيف تنسى القضيه في سجل المخافر ::::: ودرب سوق المراجل بين سارح وضاوي


جعل حظك مع الاجواد ياذيب وافر :::::: المكاسب ترى ماجات راع المناوى

[ابراهيم الجـــــذع]

لو لــ السيف ضربه عقب فرك الخنافر=كان ما شفت من بين الفتاوي فتاوي

والله أني مع أهل الطيب بالطيب ظافر=والفقارا فقرا والغناوي غناوي

[فالح العصيمي]

لا تجيب الخطا وتقول للذنب غافر ::::::: الشريعه ترى ماهيب بالحكم تاوي


الله اكبر على من هيضوه السنافر :::::: بين درب الحقايق وألتباس الدعاوي

[ابراهيم الجـــــذع]

من شهق بالعوافي جاك بالشر زافر=لا تجود بغير موثقات العراوي

كان منته مطبق علمنا بالحذافر=خلو الذيب يشبع من حلال الشواوي

[فالح العصيمي]

كم زعيم ً عن السلطه تنحا وسافر ::::::::: ومن ضياع العداله كم زعيمً جلاوي



ليت مايجفل السرحان صوت الاصافر :::::: والمصيبه على ماقيل هاوي وغاوي

[فيحان العوتلا المهيمزي]

صح السانكم جميع ومتابعين

[فالح العصيمي]

فيحان صح بدنك


ابراهيم الجذع صح ألسانك وبيض الله وجهك يالذيب



وتصصبحون على خير

[صقر ال قير]

صح الله لسانكم وتقبلو مروري

[ابراهيم الجـــــذع]

صح بدنك أخوي فالح

و وجهك أبيض يا الغالي

تشرفت باللعب معك

[ابراهيم الجـــــذع]

صحة ابدانكم جميعاً

شرفنا مروركم

[معجب العتيبي]

ابراهيم الجذع


صح لسانك


دائما متألق

[معجب العتيبي]

فالح العصيمي


رد وافي


وشاعر مافيك حيله


صح لسانك

[ابراهيم الجـــــذع]

هلا وغلا أبو سلطان

صح بدنك يا الغالي

اشكرك على الإطراء

شرفني مرورك

[السبيعي فلاح]

السلام عليكم ورحمة الله وبركاته




مساكم الله بالخير جميعاً





مرحبا من هجوسٍ حاضره ما تسافر=ردةٍ عن رجالٍ يخلفون الهقاوي

هوش بعض الأوادم مثل مشخ الأظافر=قالها واحدٍ لــ الشعر ما هو براوي





ياسلام يابراهيم الجذع صح لسانك مليونين؟؟ههه ههه اما هوش بعض الاوادم مثل مشخ الاظافر ؟؟


المشوخ وش جابها يالجذع ؟شاعر مافيك حيلة تسلم