عائله القباع من عتيبه وهل هي فعلا من برقا ؟؟

[ابو سطام الروقي]

السلام عليكم ..
حيا الله عيال العم كلن باسمه
سؤالي مثل ماهو مبين في الموضوع
هل فعلا عائله القباع من برقا ؟؟

لان جلست اسولف انا وواحد اعرفه وقالي ان القباع من اهل الرياض المعروفين وان اصلهم من برقا من عتيبه

فــاياليت من اللي عنده علم يفيدنا مشكور

[(مہودع دنہيأهہ)]

الصدق والله ما أجيكم عنهم وأول مره أسمع بهم ولاكن أعتقد إنهم ماهم بعتبان ولا أحط في ذمتي لآن لو إنهم عتبان كان عرفنان أو عرفو الناس هم من ايت قبايل عتيبه لاكن يا اخوي قسم بالله شي يقهر ذلحين كل شويتين ضاهر لنا واحد ويقول أنا عتيبي وهذه كله عشان حمية عتيبه ومكنتها بين القبايل صار كلن يتمنى يكنون منهم


والمعذره لا طلعت عن الموضوع لاكن والله من غبنه قلتها

وزي ما قلت لك وماعمري سمعت بهم وأدري عنهم الصدق لاكن أتوقع إنهم ماهم بعتبان

وإنشاء الله يجيك من الأخوان من هو ادرى مني ويفيدك

[أخو جوزا]

مرحبا



لان جلست اسولف انا وواحد اعرفه وقالي ان القباع من اهل الرياض المعروفين وان اصلهم من برقا من عتيبه

اساله من اي فخوذ برقا؟

[فهد العازمي العتيبي]

..

فيه عائله اسمها .. القباع .. يقولون انهم من قريش

وليسوا من عتيبه ،،

لكن هناك عدة عوائل بإسم ( القبع ) في قبيلة عتيبه منهم :


القبع .. من العوازم من الروقه من عتيبه

القبع .. من الدغالبه من برقا من عتيبه


ويوجد ايضا عوائل بإسم القبع في عدة قبائل اخرى ،،،

[محمد المرشدي]

وفيه من الاسماء المتشابهه


القوبع المفرجي النفيعي

القوبع الدماسي العضياني

[مشاري العتيبي]

بسم الله الرحمن الرحيم

بالنسبة لعائلة القباع الذين عرفتهم بأنهم من اهل الرياض المعروفين فلا معرفة لي بهم

ولكن تعقيبي على الأخوان الذين ذكروا بأنهم لم يسمعوا بعائلة قباع في عتيبه

فعائلة القباع إحدى عوائل الحناتيش من عتيبه

ويتدرجون في نسبهم إلى سافر بن حنتوش بن دعلوج بن جسار بن حمارس بن طلحه بن روق

الذي هو أحد اجداد اسرة المحياء العريقه ابناءمحياء بن هويدف بن سافر بن حنتوش

وهم متواجدين في مدينة ساجر ومنهم مطلق بن عبدالعزيز القباع

وهو احد الرتب في إدارة الدفاع المدني

إن لم تخني الذاكره واعتقد انه قد اصبح إما عقيد او عميد والعلم عند الله

ولعل هناك من الحناتيش من يستطيع ربط نسبهم لنا بحنتوش لتتوضح كامل الصوره


هذا والله من وراء القصد

،،

[بن القباع]

اسعدالله مسائكم اخواني
ابي استفسر عن نسب القباع العتيبي بالدوادمي لماذا تسموا بالقباع
هل هو اسم اب ام العائلة اسمها القباع

ارجو منكم التوضيح لانا توجد عائلة بالرياض تدعى القباع ماصلت قرابتهم بالقباع العتيبي :):)

[بن القباع]

هل من مجيب

[حيــاّد]

8


انت قباع انت اللي اجبنا وعلمنا انت من اي العرب

[محمد الذيابـــي]

ابن قباع محافظ الجموم سابقاً يرجع شريف

هذا مالدي والله أعلم


,,,,,,

[بن القباع]

انا من قباع الرياض فاستفسر عن عائلة القباع من عتيبة

[ابوعبدالعزيز العصيمي]

اسرة القباع الكريمه اهل الرياض لا يمتون لقبيلة عتيبه باي صله اما اذا كان هناك اسر اخرى باسم القباع في مناطق اخرى فهذا شي ثاني .. و ما افتي فيه لاني ما اعرفهم

اما اسرة القباع اهل الرياض فهم اسره كريمه عريقه من اهل الرياض الاولين و أنا اعرفهم زين و اعرف احد ابناء هذه الاسره معرفه شخصيه وهم من الاسر الكريمه التي لا تنتمي لقبيله

من هذه الاسره ابن قباع (نسيت اسمه الاول) من بنايين الرياض المعروفين والذي قام ببناء معظم قصور الملوك و الامراء في وقته و على رأسها قصر المربع وكان معروف جدا عند اهل الرياض بهذا الشي
و كان هو المسؤول عن تثمين منفوحه و غيرها من المناطق ذيك الايام و يقولون الاولين اذا جا ابن قباع و معه (حبله المعقد) درينا ان فيه تثمين d:
و كان بعد قاضي يجونه المتخاصمين و مجبر وراعي نخل و بناي و يعالج الناس و كان محبوب عند هل الرياض و كانت مزرعته (اذا مانيب واهم انها الى الان موجوده جنوب الرياض) بمثابة مستشفى لاهل الرياض
و اذكر و انا صغير اذا رحنا انا و الوالد الله يطول عمره نزور بعض شيبانا الله يرحم الميت و يطول في عمر الحي في سلام و الشميسي و العود (احياءفي الديره) يوريني بيت كبير و يقول هذا بيت ابن قباع الله يرحمه ( يقولها بحزن و توجد )!

اتمنى اني افدتكم و ازلت الالتباس الي حصل
تحياتي للجميع

[بن القباع]

ان اتكلم عن قباع الذي يتمون للهيلا اود المعرفة عنهم

[أبو جميل العتيبي]

هناك عائلة القباع او ابن قباع وهم عائلة معروفة ومحترمه من الحاضرة
وقد تبواءو رجالهم عدة مناصب مهمة وكان احدى رجال هذه العائلة امير مدركة
ويقال له ابن قباع وهذه العائلة ليست تابعة لقبيلة عتيبة لهذا فإنني أوئد تعقيب أخينا / العصيمي

وممكن هناك تشابه في اسماء بعض العائلات - وهذا شئ طبيعي -

تقديري

[بن حطيم]

اخوي القباع اسأل رابطة الذب والدفاع عن نسب قبيلة عتيبة من الدخلاء ربما تجد لديهم جواب لسؤالك ؟

[بن القباع]

انا القباع من اهل الرياض نرجع صناع واصولنا ترجع الى بني مخزوم لاكن لانهتم بامور النسب في الزواج القباع اسرة عريقة بالرياض ولها تاريخ رغم انا صناع فمناسبين كبائر القبائل منهم الغامدي والخالدي والقحطاني والشمري والتميمي لاكن سؤالي لاني اعرف شخص من الدوامي يقول بان عائلة القباع بالداودمي تنتمي لكم وحبيت اتاكد هل هو تشابة اسماء ام اسم العائلة القباع ام اسم الجد القباع :):) واتمنى التواصل مع قباع الدوادمي

[الغضنفر]

من قال ان القباع عتيبي جعله ياكل كبر القبعه لان اساسا خضيري من اهل الرياض

[بن القباع]

اخوي الغنصفر كل اناء بما فيه ينضج انا سئلت لاني متاكد بوجود عائلة تدعى القباع العتيبي وحبيت المعرفة وقباع الرباض نرجع لبني مخزوم والخضيري ليس بمسلم حقيقه كل اناء بما فيه ينضج والحمدلله على نعمه العقل والدين اهم مايفتخر به المرء والباقي زائل لاينفع المرء