من يقدر ينقي؟؟؟

[عبدالمحسن المورقي]

السلام عليكم يالربع من يقدر يجيبلنا من قصايد الشاعر سلطان الهاجري ظروري كل واحد ينقيلنا من ذوقه لاني لي حاجه فيها والله يبيض وجه اللي يعين ويعاون

[عبدالمجيد النفيعي]

قصيدة جميلة هي أكيد قيلت في موقف معين لاأدري ماهو ولكن تحمل في معانيها كلام جميل عن الخوه


عليـك الفـرج يـاالله ياحـي ياقـيّـوم=إلـهٍ عـبـاده كلـهـا تلـفـت يـمّـه
الا يارفيقـي والله انـه عـداك الـلـوم=انا اللي علي اللـوم فـي ذمتـي ذمـه
ولكن سامحني ترى العلـم فيـه علـوم=ولا يفـرح اللـي بيننـا ينقـل النمـه
حصل ماحصل والعبد يصبر على المقسوم=يدور الزمـان ويخلـف العـزم والهمـه
طرات الرجل لا لحقه من الزمان همـوم=ما يدري بسده كود خيـرة بنـي عمـه
وسيع البنايد في الشدايد قـوي عـزوم=لعظك زمانـك شـال همّـك مـع همّـه
وانا والله انـي ماتهنـى بحلـو النـوم=ورفيقـي عليـه همـوم الايـام ملتمـه
اشيل الحمل منه واحطّـه علـي واقـوم=مقام يورد مظمـي المـا علـى الجمّـه
لكن الزمان الشين ظالم وانـا المظلـوم=على الهون ياللي تمدح الوقـت وتذمـه
تهب الهبايب والسفن في البحور تعـوم=وتقفي بها صلف الهبايـب عـن اليمـه
هبوب تصلفقها وبحـر وسمـا ونجـوم=ومـوج تقفـاه العواصـيـف وتـزمـه

القصيدة منتشرة في المنتديات وأخذتها وتأكدت من أبياتها من مقطع للشاعر نفسه ولكن فيه موسيقى ولانقلته

[عبدالمحسن المورقي]

بيض الله وجهك يالنفيعي بس انا ابغى شي ماشيل يعني مالحن وتكون من شعر الحكمه

[فهد علي العازمي]

http://www.youtube.com/watch?v=CcZDIG6TAi4
http://www.youtube.com/watch?v=rJqOTKJW4yc&feature=related
http://www.youtube.com/watch?v=RQ_M4r5BFP4&feature=related
http://www.youtube.com/watch?v=A-YHZ9WFvPk&feature=related
http://www.youtube.com/watch?v=f79VkPAbzZI&feature=related
http://www.youtube.com/watch?v=f79VkPAbzZI&feature=related
http://www.youtube.com/watch?v=fT6Zh8xpFUI&feature=related
http://www.youtube.com/watch?v=p3FrUT-YAj8&feature=related
http://www.youtube.com/watch?v=gTjiL9Lj2E4&feature=related
http://www.youtube.com/watch?v=YnYgBNq-Ohg&feature=related


أتمنى أن تكون قد حصلت على طلبك

[عبدالمجيد النفيعي]

وجهك أبيض أخوي عبدالمحسن وإذا كان ودك تشيل لقصائد سبق ماأحد شالها ويوجد بها حكمة يوجد قصيدة للشيخ تركي بن حميد وهي موجوده في الكتب مع إختلاف بسيط في بعض الكلمات ولم أسمع أحدي يشيلها وسبق وإن يوجد شخص شمري طلب قصائد يشيلها هنا في المنتدى وأعرضت عليه هذه القصيدة وماأدري هو شالها أو لا لكن أعتقد ماقرأها لأن كان ردي عليه متأخر

والقصيدة تتميز بأن كلها نصح فإذا تبي القصيدة بنقلها لك من كتاب الحمدة

[المـرشدي]

بيض الله وجهك يالنفيعي

[محمد الذيابـــي]

من قصائد سلطان الهاجري الجميله وانا لم احفظها كامله




قالو شرا له ستميه وخمسين= مسكين قلت اللي على البال كافي
مدامني بعيون الاقزام مسكين= هذا دليل اني عزيز ووافي
نعم شريت البنز الاخضر بتسعين = سمته وتليته بتسعين صافي
ابغاه لا قفى من الليل ثلثين= واقفن مدابيح النجوم المقافي
انخاه والدمعه تحت محجر العين= نخوة دريكٍ ناخيٍ له سنافي
غيرت له زيته وعبيت بنزين=واتنشق البنزين عقب الوقافي
كنه يسعط من سعوط المجانين=ويرسي لياجا فالطريق انعطافي





والقصيده اطول من ذلك

[عبدالمحسن المورقي]

طيب يالنفيعي الله يبيض وجهك نزلها هنا ويكونة خير

[عبدالمحسن المورقي]

اخووي فهد ماقصرت يالغالي
بس ماادري هذي بس قصايد سلطان؟؟

[عبدالمجيد النفيعي]

أخوي المرشدي ، وجهكـ أبيض طال عمرك ، أخوي المورقي وجهك أبيض وهذه القصيدة من كتاب الحمدة نقلتها

قال اللذي بين من القلب مكنون = في حنكةٍ بالصدر مابان لحذاك
إترك عشيرٍ عشرته يوم أو دون = ثم يبدل بك عشير وينساك
عاشر قطاميٍ على السر مامون = درع القفا ماينهض الراس لعداك
اللي ليا أوحى فيك ناسٍ يقولون = حامي على عرضك ويدمح خطاياك
أنا رفيقي لو يجي دونه الدون = ماأنساه لو إني على حوض الأدراك
يستاهل البيضا والأخيار يوحون = ولا الردي خله يباري بيسراك
شِم للعلا وإترك هوا كل مزيون = لاتعتني بالغي يازبن من جاك
ترى الهوى ضرب المعادي بمسنون = ورد على التالي اليا قام ينخاك
وترى الهوى في يوم طاعن ومطعون = بيوم تغاب الشمس من كل الافلاك
هذا الهوى يعتز ربعه ضحى الكون = فعل به نعم إلى قيل يقراك
ياعبيد خذ مني من القول مازون = وأسلم ودم ماغرد الورق بالراك

هذا حسب مانقلت من كتاب الحمده ويوجد إختلاف بسيط في الأبيات من كتاب الى آخر ميوجد كلمة أعتقد إنها خطأ مطبعي في الكتاب وعدلتها حسب ماقريت في ديوان آخر وزي ماأنت شايف القصيده نصح لأبنه عبيد ويستفاد منها يرحمهم الله

[عبدالمحسن المورقي]

اخوي النفيعي وين القصيده ؟؟قصيده تركي بن حميد

[عبدالمجيد النفيعي]

ماإطلعت لك القصيدة معقول ؟ موجوده في المشاركة اللي قبلك

على العموم هذه القصيدة بدون تنسيق يمكن تطلع معك

قال اللذي بين مـن القلـب مكنـون
في حنكةٍ بالصـدر مابـان لحـذاك
إترك عشيرٍ عشرتـه يـوم أو دون
ثـم يبـدل بـك عشيـر وينسـاك
عاشر قطاميٍ علـى السـر مامـون
درع القفا ماينهض الـراس لعـداك
اللي ليا أوحى فيـك نـاسٍ يقولـون
حامي على عرضك ويدمح خطاياك
أنا رفيقي لـو يجـي دونـه الـدون
ماأنساه لو إني على حوض الأدراك
يستاهل البيضا والأخيـار يوحـون
ولا الردي خلـه يبـاري بيسـراك
شِم للعلا وإترك هوا كـل مزيـون
لاتعتني بالغي يازبـن مـن جـاك
ترى الهوى ضرب المعادي بمسنون
ورد على التالي اليـا قـام ينخـاك
وترى الهوى في يوم طاعن ومطعون
بيوم تغاب الشمس من كل الافـلاك
هذا الهوى يعتز ربعه ضحى الكـون
فعل بـه نعـم إلـى قيـل يقـراك
ياعبيد خذ مني من القـول مـازون
وأسلم ودم ماغرد الـورق بالـراك