يامرحبا بالشاعر اللي لاوعدني مايغيب / ابو فهد

[فهد الشهيب الثبيتي]

مساك الله بالخير يابو فهد انت ومن يتابعنا

واستلم كان وقتك يسمح


يامرحبا بالشاعر اللي لاوعدني مايغيب=شاعر من عتيبه رجال المعرفه واسمه علي
مدري يجيب العلم بين الناس ولا مايجيب؟=لن كان جاب العلم تال الوقت ابا اذبح له طلي

[ناصر الشلاحي]

صح لسانك يا فهد الثبيتي
و صح لسان علي مقدما
طاروق يستحق المتابعه

[فهد الشهيب الثبيتي]

ارحب ارحب ياناصر

صح بدنك ومتابعتك وحضورك يشرفناا

[زياد المزرمي]

الله الله

صح السانك يالشهيب

مبداا رائع بروعة شاعره

وصح اللسان علي مقدما

متابعين

[فهد الشهيب الثبيتي]

ارحب ارحب يازياد

والروعه كلها في حضورك الكريم

شرفتنا طال عمرك

[علي الثبيتي]

مساك الله انت والجميع بالنور والعلم الزين


فيك البقا واللي يقدم طيب نجزاله بطيب؟=نمشي على سلم الجدود من الزمان الاولــــــــــــــي!!

الجاه والله ماقصرته عن بعيد وعن قريـــــــــــب؟=واللي بتال الوقت تكرم لحيتي ماهي بلــــــــــــي!!

[علي الثبيتي]

ناصر
زياد

حياكم الله وصحت ابدانكم ويشرفنا تواجدكم

[سعود العصيمي]

لن كان جاب العلم تال الوقت ابا اذبح له طلي



واللي بتال الوقت تكرم لحيتي ماهي بلي!!







هههههههههه

مجرمين

كلكم
لكن صحت الالسنه والقلوووووب

[فهد الشهيب الثبيتي]

ياللي تقول علاجها عندي ولا جبت الطبيب=مدري غفلت اعن المرض ولا تلقيّت الخلي؟
الله يبارك فيك مار الظن جعله مايخيب=لكن ياراع الوفا, وش قلتلك وش قلتلي؟

[فهد الشهيب الثبيتي]

ارحب ارحب يابو طايل

كان للأجرام منظمة تراك زعيمها هههههه

صح بدنك وشرفتنا بمرورك طال عمرك

[علي الثبيتي]

لازم نشخص حالته والعاااااااااافيه حظ ونصيب؟=ماله عن المكتوب والخالق على خلقه ولــــــــــي!!

لن قلتلك تبشر بعزك يافهد ماهو بعيب= حنا بدون مجامله نمشي على الوجه الجلــــــــــــــي؟

[علي الثبيتي]

هلا وغلا يابو طايل وصح يدنك

[فايز بن سرحان الثبيتي]

ياسلاااااام سلم "


يامرحبا بالشاعر اللـي لاوعدنـي مايغيـب
شاعر من عتيبه رجال المعرفه واسمه علـي
مدري يجيب العلم بين النـاس ولا مايجيـب؟
لن كان جاب العلم تال الوقت ابا اذبح له طلي


فيك البقا واللي يقدم طيب نجزاله بطيـب؟
نمشي على سلم الجدود من الزمان الاولي!!
الجاه والله ماقصرته عن بعيد وعن قريب؟
واللي بتال الوقت تكرم لحيتي ماهي بلي!!


متابعين لكر والفر والفتل والنقض على اصووووله

محاورة جزله وشعراء جزلين


ابو عواض وابو فهد

صحت السنتكم ومتابعين لابداعكم الى نهاية المطاف "

[فهد الشهيب الثبيتي]

طيب ياطيب


مادامة انه من عتيبه والمرض ماهو غريب=الواجب انك تبذل المجهود وانت امجملـّي
بشرتني وافرحتني لكن موضوعك عجيب=من عقبها ماعاد تستقبل علوم وترسلي

[فهد الشهيب الثبيتي]

ارحب ارحب يابو ريان

ماعليك زود طال عمرك

صح بدنك وشرفتنا بمرورك وكلامك الطيب

لاعدمناااك

[علي الثبيتي]

نعمل عمل لله والخالق على خلقه رقيب=ماريد شهره يافهد من شان ترفع منزلـــــــــــي

نطلب من المولى يابن عواض تسهيل الصعيب= وانا ليامني ضمنت العد شليت الدلــــي

[علي الثبيتي]

هلا وغلا يابو ريان وصح بدنك

[فهد الشهيب الثبيتي]

لولا الشجاعه ماسمعنا ذكر شباب وشبيب=يوم انت تحري بالوفا والطيب والمخرج ملي
بعض العلوم تروح ماتخلص طليب ٍ من طليب=ياجعل حظك ياعلي طول الليالي معتلي

[علي الثبيتي]

ياجعل حظك ياعلي طـول الليالـي معتلـي




حظي وحظك انشاء الله معتلي

تصبح على خير انت وجميع الاخوان ولهم مني كل الود والاحترااااااااااااام

تصبحون على خيررر

[فهد الشهيب الثبيتي]

تصبح على خير ياابو فهد ماقصرت ونشكرك على اجابة الدعوه