: قصائد ابن جدلان اسطورة الشعر

[أبو طالع العتيبي]

بسم الله الرحمن الرحيم

الهبوب الباردة



ياوليفـي دمعكـم فـي غيابـي ردّ لـي

وأدري انّ دمعتك خوفٍ عليّ ومن غلاي



أنت ممرضني وأشوف المرض فيكم وفيّ
الهبوب البارده منّك هبّت فـي حشـاي



والله انّ كبدي عليكم عراويهـا أضمـيّ
والمشارب غير هرجتك ماتقطع ضمـاي



كيف تستغرب بطاي ومجييّ يـوم أجـيّ
منك اجيك أبدون رأيٍ وأروح ابدون رأي



ليلي أسهر به والا جاء النهـار أشلـى
شوّيمرتٍ أشلى ومـرٍ يعاودنـي بـلاي



وأنت سبّة كلّ شـي ولا داويـت شـيّ
كيف ياقـادر علـى داي ماتقـدر دواي



بعد مـا شتتـوّ الفكـر وأخليتـو يـديّ
كثرت أعلوم الشماميت وأفرحتو عـداي



مابعد جاني من يوم التقـو بـي والـديّ
ولابعد مرّ المحبين مـنّ حـوّاء وجـاي



لوّ خبر به حيّ يبكي على فقـدان حـيّ
كان يمدي من عرفني يشاركني عـزاي



جعل يسقى يوم كان الهوى ماغير غـيّ
فأول الرحلـه مثـل مبتـداك ومبتـداي


ياعيون اللي على المرقب تعـلاّ

ياعيون اللي على المرقب تعـلاّ = مايرب الا المراقيـب الطـوالا
طرتّك منها غثاء البـال يتجـلاّ = نعـسٍ مابينهـا بيـضٍ تـلالا
تذهل إلّي في جواهرهـا تحـلاّ = واهني من ذاق من ريقـك زلالا
لا وجاه الله ومنّ زكّى وصـلاّ = مانبيك الاّ على السنّـه حـلالا
مايرّد الجوع شخبٍ فـي المفـلاّ = ولا يخضّ السعن من ذوده هجالا
أنت غالـي ياوليفـي لا تغـلاّ = يثبت الليّ بيننـا ايـامٍ طـوالا
واللهّ انّي ميسٍ من وصلـك الاّ =فزعةٍ من ربنـا جـلّ وتعـالا
أدخل الضولات من شان أتسـلاّ = كود جرح القلب يبرى ويتشـالا
والمجنّب مـن الأوادم مايخـلاّ = لا سلم من شرّ ذولا ..جـوه ذولا



ياعيون الوحش


ويش أسوي ياعيون الوحش عنق الغزال = لاحصل طاريك يفتح على قلبي أرواق
لي ثلاث سنين بين الحقيقـه والخيـال = وأخر اشهر ذالسنّه تكمل الرابع غـلاق
شبه وضحاّ فالمخاضير زاويها الحيـال = من غلاها عند أهلها تبـارى ماتسـاق
تيهّت من صغرها بين ثنتيـنٍ هجـال = مهتويها راعيّ البل وعاشقهـا عشـاق
عنديّ إنّك ماخذٍ تـاج ربّـات الجمـال = سلموّك الحسن من باب صنعاء للعراق



ياعيون مرقـبٍ فعـل الجدايـر


ياعيون مرقـبٍ فعـل الجدايـر = في صعانين الطوال المستديـره
صاحبك يعطي على شوفك بشاير = ديرةٍ منتو بهـا ماهـي بديـره
من خذا منكم خفيّـات السرايـر = والله انّ يبطي ولعكم في ضميره
لبـةٍ بيـن المعنّـق والزرايـر = مثل شمس الصبح قدّام السفيـره
ويتفرشها من الخمـري ستايـر = ذيل شقراّ شعشعت قدم المغيـره
جوهرة قارون غاليـة التجايـر = أشهد انّك بهجة العمـر الكبيـره
واحدٍ حضّك مع حضّـه يسايـر = شايفٍ القدر فالعشـر الأخيـره
جعل أبو من لامني حمر المناير = في محبّة واحـدٍ مالـي بغيـره



الرفقة


البارحـه يـوم الاوادم خواشـيـع = في نومها وناعلى الكـوع واعـي
هم(ن)يمزع سترة القلـب تمزيـع = تقول ينهش ثومـة القلـب افاعـي
خذت القلم من بين روس الاصابيع = وحبيت اميز سيرتـي وانطباعـي
عزلت من صدقـان عطلةالاسابيـع = وعزلت من ضحك الوجيه الصناعي
وعزلت من بنين بامالـي مشاريـع = جميد برد ولانس الشمـس ماعـي
وعزلت من زرع الخلـي البلاقيـع = وعزلت من رفـع الثنيـه رباعـي
من نفعة اللـي ماطلبنـي منافيـع = جميلة(ن)في غيـر اهلها ضياعـي
في اسواقها ماعاد لشـري ولابيـع = لخطيت من رفقة طويـل الذراعـي
اللي على الرفقـه يسوقـه دوافيـع = هـذاك تشـرى رفقتـه ماتباعـي
امايشجعني علـى الطيـب تشجيـع = والايعلمنـي حمـيـد المسـاعـي
والا ليامنـه رمعـنـي روامـيـع = وضاقت على كل الفجوج الوساعي
جيته ويسرلي عسيـر المواضيـع = وخلاخفايا خاطـري لـه وسـاعـي
معرفته ماهـي معرفـة طماميـع = ماتنتـج الاالغطرسـه والضياعـي



حـزازات ومشـوخ


يامل قلب(ن) تقول يقلا على صيخ = خلت به الدنيا حـزازات ومشـوخ
دنيا تنوخ راعـي العقـل تنويـخ = وينداش فيها صاحي الفكر ويـدوخ
تغيـرو فيهـا العيـال المطانيـخ = وسبابها شمل العرب صار مشلوخ
خلتهـم الدنيـا مناشـف طبابيـخ =حتى الاقارب بينها الذيب مصلـوخ
ماعاش فيها الاأعيـال الطخاطيـخ =خطوا البعير اللي من المدح منفـوخ
من شان ماله صار شيخ ولد شيـخ =وامشيخٍ نفسه على النصب والجوخ
بالحكـي لعتـازوه ويـاك مريـخ =وليا جاء لزومٍ عندهم صاروا فروخ



ياكبديّ الليّ من الحرمـان



ياكبديّ الليّ من الحرمـان منهشمـه =فيها مـن العـام نجـارٍ بشاكوشـه
والليّ هشمها شفاتٍ دونهـا حشمـه =أرهى على الليّ تبي نفسي ولا أنوشه
حجزٍ يرّد الرجاوي من ورى خشمه =وأنّ رده الحجز والاّ ضاع فالطوشه
عمّر بيوتٍ علـى بيبانهـا رشمـه =وبطونها بأفخم الشيـراز مفروشـه



لعبة الشطرنج




انا يوم اجيّ وأمركـم ياوليفـي حنـج =ولا وديّ أقرابـك تلـدّ النظـر فـيّـه
لعبّ بيّ غرامك فالخفا لعبة الشطرنـج=ليا دار لعبه بين الأعضـاء السياسيـه
وسبح بي غرامك سبح موج البحر فاللنجّ =غفلت وغدابي حبّـك شويّـه ..شوّيـه
لاشفت زولك قام يدخل أعظامـي بنـج = أسولف مع العالـم وقلبـي لـه نحيّـه

الخوي

تدري وش اللي يصدم الرجال في بعض اخوياه
وجودهم في النايبـات الملزمـه مثـل عدمـه


وتدري وش اللي يقهر الرجـال ويبيـن خفـاه
الا بغى المحـزم ولا عيـن ذخايـر محزمـه


من غير ربعٍ ينقلون الحمل جعل امحـق حيـاه
امحق حياه توجع الرجـال غصـب وتلزمـه


وين الرفيق اللي الى ابطى صاحبه يومين جاه
يفرح الا شافـه وياقـف لاتضايـق وزهمـه


لايارفيقي والرفيق الـى خطـا يدمـح خطـاه
ماهو يدور زلـه الصاحـب وعثـرات قدمـه


ياصاحبي والطيب لاهل الطيب مايخفـى نبـاه
الطيب للطيـب بلـد محكـوم والذكـر علمـه


وش لي برفقه واحـدٍ لاحتجـت لقانـي قفـاه
بلسانه ابشر با السعد عونك وبا الفعل رخمـه