مذكر مبارك الصخيل
15-Mar-2011, 04:30 AM
رواد منتدى قبيلة الهيلا
السلام عليكم ورحمة الله وبركاته
أهدي لكم هذه القصيدة وأتمنى أن ترتقي لذائقتكم
يابنت يلي كل يوم تدقين= مليت من كثر اتصالك على ماش
يابنت أنا من روس قوم عزيزين=ماني بمثل في الزمن طاش ماطاش
لاقمت ميقافي يكيل الموازين= وقفة عزيز ماهيب وقفة اللاش
ولاصار ماحبيت سيد المحبين= اللي غلاه ومنزله بوسط الجاش
وشلون أحبك وانت مالك عناوين=أجيك خوفي منك وروح منحاش
لأني اعرفك عشرتك بس يومين= ولياانتهت يومين وصبحت مهناش
الحب كلمه ترمز القلب والعين= للي غلاهم مسك وبيض من الشاش
ماهوب حب ألو هلا فيك وهلين= والكل منهم قلبه اسود وغشاش
تقول تكفا أرسل بطاقات هلحين= رصيدي مخلص وانا مامعي كاش
ويقول انا من وين اجيب ألك من وين=طفران حتى لامخده ولافراش
عاطل ومتحمل عليه من الدين= لكن في بحر الهوى أهيم ونداش
قالت ترانا مانعامل مساكين= حنا نبي يبن الأجاويد نعتاش
قال اصبري يابنت تكفين تكفين= لعل يمطر بارق الصيف برشاش
قالت له آسف منتظر منك بعدين= لاعاش من يرجي الضعيفين لاعاش
روح وراحت وستقلوا مقفين= وكل خذاله مع خريمه ومطراش
هذا زمان البهذله والمعنين= حصيله لعشاقه قشاش وقماش
راحو هل العزة كنوز الملايين= اللي قيمهم فوق ماهيب تناش
قوم مذاهبهم على العز والدين= وفي وقتهم كل على الطيب حواش
أنا متثل فيهم وثبت براهين=ويشوش راس بالصعاطير شواش
لاذكرت افعال الرجال السلاطين= ولارمع لي هاجس فيه مغباش
أشد حملي في ظهور البعارين= وضرب تخاتيخ الخلا وترك اللاش
ولا لد عيني في الردي والمزايين= اللي معرفتهم نهاياتها ماش
الشاعر / مذكر مبارك الصخيل
السلام عليكم ورحمة الله وبركاته
أهدي لكم هذه القصيدة وأتمنى أن ترتقي لذائقتكم
يابنت يلي كل يوم تدقين= مليت من كثر اتصالك على ماش
يابنت أنا من روس قوم عزيزين=ماني بمثل في الزمن طاش ماطاش
لاقمت ميقافي يكيل الموازين= وقفة عزيز ماهيب وقفة اللاش
ولاصار ماحبيت سيد المحبين= اللي غلاه ومنزله بوسط الجاش
وشلون أحبك وانت مالك عناوين=أجيك خوفي منك وروح منحاش
لأني اعرفك عشرتك بس يومين= ولياانتهت يومين وصبحت مهناش
الحب كلمه ترمز القلب والعين= للي غلاهم مسك وبيض من الشاش
ماهوب حب ألو هلا فيك وهلين= والكل منهم قلبه اسود وغشاش
تقول تكفا أرسل بطاقات هلحين= رصيدي مخلص وانا مامعي كاش
ويقول انا من وين اجيب ألك من وين=طفران حتى لامخده ولافراش
عاطل ومتحمل عليه من الدين= لكن في بحر الهوى أهيم ونداش
قالت ترانا مانعامل مساكين= حنا نبي يبن الأجاويد نعتاش
قال اصبري يابنت تكفين تكفين= لعل يمطر بارق الصيف برشاش
قالت له آسف منتظر منك بعدين= لاعاش من يرجي الضعيفين لاعاش
روح وراحت وستقلوا مقفين= وكل خذاله مع خريمه ومطراش
هذا زمان البهذله والمعنين= حصيله لعشاقه قشاش وقماش
راحو هل العزة كنوز الملايين= اللي قيمهم فوق ماهيب تناش
قوم مذاهبهم على العز والدين= وفي وقتهم كل على الطيب حواش
أنا متثل فيهم وثبت براهين=ويشوش راس بالصعاطير شواش
لاذكرت افعال الرجال السلاطين= ولارمع لي هاجس فيه مغباش
أشد حملي في ظهور البعارين= وضرب تخاتيخ الخلا وترك اللاش
ولا لد عيني في الردي والمزايين= اللي معرفتهم نهاياتها ماش
الشاعر / مذكر مبارك الصخيل