التناحي

[النحاوي مثيب مفلح القثامي]

السلام عليكم ورحمة الله وبركاته,




نحاوي تناحيت ادفع الرجل والدي=جهت دراي اللي رحت ماني بعايدها..
تناحيت عن داري وعن مورثة جدي=ولااصبر على اللي بسرة الكبد لاهدها..
إلدارن ماهي داري وعدن ماهو عدي=وإرجالن ماعرف إرعاتها من مقاودها..
وإحول عن المرقاب وأرجعله أعدي=وعمى العين لاجاها البلا من مراودها..
لاوالله صملنا طلعة الشمس بنشدي=وعلى أدنا إعدود إعيال عمي بوردها..
ولامنا نزلنا بينهم والخبر ردي=لعل الحمول تخف وألا نزودها..
وإلا بركب اللي حجزها حاشر البدي=حمرا سديسن تتعب اللي يناكدها..
أصيلة وبنت اللي تودي من إمودي=بنت الأصيلة من أصيلن مولدها..
ومع الأرض الدعث وإن نطحت الريع واسندي=تشل كنها شافت أدنا مواردها...
وعلى دور حزتها أكرب الحبل وأشدي=وكن متقفيها سباعن تهددها.
واهديلها بالمخنقه وازرت اتهدي=والخرج والقربه اعراها شرايدها..
والظهر مع خل المخيتم ومتعدي=والعصر من عند أبرق الملح جالدها..
سودن ترايبها من الرشح مسودي=وألا كني من الشال الأسود مقلدها..
ومع الغروب وباقي الشوف مجردي=يكفيك عن ناقص اعلومي وزايدها..
وصلت ربعي اللي تمسح الدمع عن خدي=إزحول الرجال اللي اوساعن بنايدها..
عز الرفيق اللي من الضد منضدي=ومنصا الجياع اللي اخلين مزاودها...
ياالله عسى غر السحاب المسدي=غاراته عليها كل يومن يجددها..
دارن تضم إعيال عمي وبدي=إعتابه سلاطين الرجال وسنايدها...
هيف السمان وتشتري الكيف بالمدي=ولطمة مطولة الشوارب عوايدها..
وماها على كبدي حليب المجدي=وهواها شفا نفسن عناها موالدها....
عليها بكيت وضايق اواصلن حدي=وهذا جدى اللي ريشها مايساعدها...

وسلامتكم.


ولكم باقات الشكر أخوكم النحاوي

[مرزوق حمدان العتيبي]

..

.

صح لسانك يالنحاوي وبيض الله وجهكــ

[النحاوي مثيب مفلح القثامي]

صح بدنك يامرزوق

وبارك الله فيك وفي ماتحت يديك من مال وبنون

اشكرك على هذا المرور الكريم