ابيات خالده طالها التحريف

[غالب الذيابي]

:
:
:
في هذه الزاوية سوف اسلط الضوء على بعض الابيات
التي شابها التحريف ازاء الرواية الخاطئية يوم ان كان الشعر
يتم تناقله شفهيا على السنة الناس ..





يقول الشيخ تركي بن حميد

والشيخ من يغني الفقارا المفاليـس=عسـاه بالدنيـا بعـز ٍ يـدومـي

من خلال هذا البيت نجد ان الشيخ الحقيقي
هو من يغني البائيس الفقير وليس من يعطي الفقير
لان العطاء احيانا لايزيد الفقير الا فقر وحاجة .. ومفردة (يغني )هي الفيصل
بين الكرم والبخل ، وقد حرف البيت الى :


والشيخ من يعط الفقارا المفاليـس=عسـاه بالدنيـا بعـز ٍ يـدومـي

ويقول بديوي الوقداني


يا بو حســـــن ودّي بـــلاما عزايه =لو كــــان فيهم خلّةٍ تحت الأستار
أحبهم لكـــــن بذّوا خــفايه =والحـــــرّ ما يصـبر على الكيّ بالنار
عبـــــدالعزيز اقفى وخيّب رجــايه =وانتــــه وعبـــدالله سلاحي بعد بار

حرفت الى

يا بو حســـــن ودّي بـــلاما عزايه =وإن كــــان فيهم خلّةٍ تحت الأستار
أصبّهـــــم بالذوق لكـــــن خــفايه =والحـــــرّ ما يصـبر على الكيّ بالنار


كلكم تعرفون ( بذّ الخفى ) أي اضهار الغيض وهذا ماعبر عنه
بديوي في البيت وليس كما ورد في الكثير من الكتب
( اصبهم بالذوق لكن خفاية). !!لاتوجد اي جملة مفيدة. وبالتالي
يصبح البيت

احبهم لكن بذوا خفاية =والحر ما يصبر على الكي بالنار

ويقول الشيخ ناصر بن بتال الشغار

وانا احمد الله مارفيقي شمتني = والعوج ماعقبتها فالقبيلة
واليا بغى هاف البخت يبتهتني = ينشد هل الذمة عسى الله يزيله



حرف البيت الى:

وانا احمد الله مارفيقي شمتني = والعوج ماعقبتها فالقبيلة
واليا بغى هاف البخت يبتهتني = ينشد طياب الذمة الله يزيله


شاعر علم مثل الشيخ ناصر الشغار لا يمكن ان يستخدم مفردة ( طياب ) لانها
ركيكة المعنى ناهيك عن انها لاتؤدي الى مدلول اصحاب الذمة . وبذلك اجد
الصواب كالتالي ..


واليا بغى هاف البخت يبتهتني = ينشد هل الذمة عسى الله يزيله


بقلمي

يتبع

[جابر الشفيعي]

الشاعر المتمكن يتذوق الشعر ويبحر في معانيه
بارك الله بك , شكراً على هذا التوضيح

[سيف نت]

لاهــــــــــــــــــــــــــــــــنت

[ابو ضيف الله]

غالب الذيابي بيض الله وجهك على الموضوع الجميل كعادتك
وننتظر بقية الموضوع واضافات الاخوان

[غالب الذيابي]

:
:
:


تتمة..

الله من العيلا ت وانا ولد روق..
هذي الابيات لها قصة وقصتها ان ثنين من المغايرة واحد اسمه

معلا وواحد اسمه مرزوق ، كانوا في الجيش اللي في جده..

ويوم من الايام جاهم ضابط في المعسكر وقال لهم ( حنا بادين في تشكيل سلاح خفر السواحل)

واللي يبي منكم القطاع الجديد والترقية يرفع يده.)..

تشاوروا المغايرة الثنين معلا ومرزوق،، وقرروا النقل لسلاح لخفر السواحل.

واخذوهم وطلبوا منهم يباشرون على الحد الشمالي .. واول ماوصلوا تهاوش مرزوق مع شمري.

وبالملعونه واختها انتهت القضية.. ويوم جت الترقيات قالوا الاولوية للي لهم اقدمية في سلاح

السواحل .. ومن اول اهلهم قريب منهم ولا والله لا ترقية ولا اهل قريب وزادتها هوشتهم مع الشمري

فقال معلا ( وبالمناسبة هو والد الشاعر نايف معلا اللي شارك بشاعر المليون)..

قال معلا


مانيب لا معلا ولا انته بـمرزوق= حنا اسمنا اللي بالمشاكل وقعنا
الله من العيلات وانا ولد روق= ياليتنا من باب جدة رجعنا
جيت السلاح ورافعٍ رايتي فوق= نبا الترفع مير ما الله رفعنا

والقصيدة اطول .. وتم تحريف احد ابياتها الى



الله من العيلات وانا ولد روق= حنا اربعة واللي خذونا ثلاثة!!

بقلمي .. يتبع فالقريب العاجل

[خالد بن مورق]

لاهنت بيض الله وجهك على التوضيح

[غالب الذيابي]

:
:
:
:
جابر الشفيعي ،، اشكر مرورك الطيب .

تقديري لك.
:
:
:
:

[غالب الذيابي]

للشيخ ناصر الشغار ، طالها بعض التحريف


هجي عن الرديان ياعنق الأشبوب=وأدري تـــــرى الرديان حقرين الابيات
لأخطا دروب المرجلة كــل سبسوب=لا قــايلٍ عطني ولاقايلٍ هات
أرميه مثل اللي رمى سهلة الثوب=أرميه مثل اللي رمى ميتٍ مات
ياكثر ما نرخي على العضد عرقوب=حرايرٍ نرخي عليهن الأصــوات
جا لي سنة وأنا على الكور مصلوب=من أول دخول الصيف لين أقبل السات
ماني بغزايٍ ولا رحت مركوب=ويامرحبا يادبرة الله ليا جات
وأنا لقيت المرجلة لي وتعوب=ولولا تعوب المرجلة كان ماجات


والصحيح

هجي عن الرديان ياعنق الأشبوب......................وأدري تـــــرى الرديان حقرين الابيات
لأخطا دروب المرجلة كــل سبسوب......................لا قــايلٍ عطني ولاقايلٍ هات
أرميه مثل اللي رمى سملة الثوب......................أرميه مثل اللي رمى ميتٍ مات
ياكثر ما نرخي على العضد عرقوب......................حرايرٍ نرخي عليهن الأصــوات
جا لي سنة وأنا على الكور مصلوب......................من أول دخول الصيف لين أقبل السات
ماني بغزايٍ ولا رحت مركوب......................ويامرحبا يادبرة الله ليا جات
وأنا لقيت المرجلة لي وتعوب......................ولولا تعوب المرجلة كان ماجات

[المـرشدي]

صح لسان ناصر
وسلمت يمناك ياغالب على النقل الرئع

[غالب الذيابي]

:
:
:



وللشغار ايضا في رثاء ابنه عيد



ألا وا ولدي بواج الخلا مرذي النظا...................يبوج الخلا لو ما معه رديف
ولدي مقيله بالخلا وسق عوصاء...................وان دوجرن البيض الكل وليف
بواردي وأن يبست الريق في الشفا...................خيال وأن جات الجموع صفيف
أول فعل ولد الهدى حزت الندى...................ذبح عقيد القوم على عفيف
وأيضا ليا من البلا حرك البلاء...................يمناه تورد بالسهوم ذريف
في كون أبن عبودعشا أشهب القرى...................مع دربه الحيزا ترف رفيف
يالله عضني فيه ياللي خذ يته...................يا عايض الوادي السنة بالريف
وتصويب القصيدة


وا ولدي بواج الخلا مرذي النظا=يبوج الخلا لو ما معه رديف
الا واولدي يضوي على شوبة العدا=ولاهاب ضرب المارتي والسيف
ولدي مقيله بالخلا وسق عوصا=وان دورجن البيض للوليف
بواردي وأن يبست الريق بالشفا=خيال وأن جات الجموع صفيف
أول فعل ولد الهدى حزة الندى=ذبح عقيد القوم فوق عفيف
وايضا ليا من البلا حرك البلا=يمناه تورد بالسهوم ذريف
عاين دمي القوم في واسط الفلا=يم الخْرَج واللي عليه يهيف
في كون أبن عبودعشا أشهب القرى=ومع دربه الحيزا ترف رفيف
يالله عضني فيه ياللي خذ يته=يا عايض الوادي السنة بالريف

[ابو فايح]

واصل يالذيب متابع لما يخطه قلمك موضوع رائع

[^روقي عفيف^]

مشكـــــــــــــــــــــــــــــــور خيي

[الحوت الازرق]

:
:
:



وللشغار ايضا في رثاء ابنه عيد



ألا وا ولدي بواج الخلا مرذي النظا...................يبوج الخلا لو ما معه رديف
ولدي مقيله بالخلا وسق عوصاء...................وان دوجرن البيض الكل وليف
بواردي وأن يبست الريق في الشفا...................خيال وأن جات الجموع صفيف
أول فعل ولد الهدى حزت الندى...................ذبح عقيد القوم على عفيف
وأيضا ليا من البلا حرك البلاء...................يمناه تورد بالسهوم ذريف
في كون أبن عبودعشا أشهب القرى...................مع دربه الحيزا ترف رفيف
يالله عضني فيه ياللي خذ يته...................يا عايض الوادي السنة بالريف
وتصويب القصيدة


وا ولدي بواج الخلا مرذي النظا=يبوج الخلا لو ما معه رديف
الا واولدي يضوي على شوبة العدا=ولاهاب ضرب المارتي والسيف
ولدي مقيله بالخلا وسق عوصا=وان دورجن البيض للوليف
بواردي وأن يبست الريق بالشفا=خيال وأن جات الجموع صفيف
أول فعل ولد الهدى حزة الندى=ذبح عقيد القوم فوق عفيف
وايضا ليا من البلا حرك البلا=يمناه تورد بالسهوم ذريف
عاين دمي القوم في واسط الفلا=يم الخْرَج واللي عليه يهيف
في كون أبن عبودعشا أشهب القرى=ومع دربه الحيزا ترف رفيف
يالله عضني فيه ياللي خذ يته=يا عايض الوادي السنة بالريف

تحياتي وتقديري لك الشاعر الناقد القدير غالب الذيابي

هناك البيت الأخير طاله التحريف وأخلف القافيه, وكماذكرت لايمكن ان تصعب على مثل هولاء
الشعراء الفطاحله
وجدته في بعض المواقع بهذه الصيغه وهي الأقرب مارأيك؟؟

يالله عضني فيه يارب الملا==ياعايض الوادي السنه بالريف

[غالب الذيابي]

:
:
:
:



شليويح العطاوي


ياسايق الفنجال عدّه لـــ مدوخ
...............................وعده لــ ابن صلال والجلال

والصواب:
ياسايق الفنجال عده لــ مدوخ
...............................واثنه لــ ابن صلال والجلاوي


يتبع .. قريباً..

[فهد العازمي العتيبي]

..


لاهنت يا غالب الذيابي

على الموضوع الرائع والقيم

ومتابعين لك فإستمر بارك الله فيك ...

[فيصل المسعودي]

عزالله موضوع قيم بكل ماتعنيه الكلمة

ذوق ،معنى ،جزالة ،دقة ،صدق

متابعين ياغالب

ولا تحرمنا من جديدك

لك كل التحايا

[زعيم المراجل]

جميل جدا هذا النقد الموضوعي

واصل ياغالب منك نستفيد

[ابو ضيف الله]

احببت ان ارفع هذا الموضوع القيم بهذه المشاركة

من اشهر الابيات التي طالها التحريف بيت بندر بن سرور اللي يقول:


البر دجته والبحر رحت يمه = يقطعك يا حظ على الله مساعيه

والصحيح:


البر دجته والبحر رحت يمه = ادرج سبب حظ على الله مساعيه

[غالب الذيابي]

احببت ان ارفع هذا الموضوع القيم بهذه المشاركة

من اشهر الابيات التي طالها التحريف بيت بندر بن سرور اللي يقول:


البر دجته والبحر رحت يمه = يقطعك يا حظ على الله مساعيه

والصحيح:


البر دجته والبحر رحت يمه = ادرج سبب حظ على الله مساعيه


مشكور على المشاركة يابو ضيف الله .. وعلى فكرة في المنتدى مشكة بالصندوق

الماسي ردك مايطلع الا باقتباس

[محمد ناصر الأكلبي]

مبدع مبدع جدا

بيض الله وجهك

على مثل هذا الموضوع

شيق ونافع

ويحفظ حقوق الآخرين

لاهنت وتقبل مروري
..

[ولـد الـهـيـلا]

الله الله ياغالب ..
بيض الله وجهك - يالامير
لكن عندي إستفسار : قصيدة (( الله من العالات وانا ولد روق ))
ابياتها كثيره وأنا أعرفها لكن ماني بحافظها كلّها هل ممكن أن تأتي لنا بها

ثاني شيء قصيدة شليويح في طلال لاتحاول فيها لانها سمكروها هل الورش :)
حذّفوا منها وقصوا وغيّروا ؟؟؟؟؟؟
والقصيدة فيه واحد حافظها كلها إن شاء الله اني اقدر اجيب النواقص والتعديلات !!
--
--
--
الخطأ :

ذوي ثبيت اهل المناخ شيوخنا = اهل الكرم والمنزل المتساوي

الصح :

اهل العطف واهل المقام شيوخنا = واهل الكرم والمنزل المتساوي--
--
--

[شاعر زمانه]

كما أن النقل يحتاج ذمة وأمانة , فالتصويب كذلك أيضا
ولا أشكك فيك أبدا
لكن إذا كنت تعتمد على مصادر في تصويب الأبيات فيجب ذكرها
أما إذا كانت المسألة تخمين وأنك تعتمد على فراستك الشعرية فلكل وجهة نظر

أولا:
الله من العيـلات وانـا ولـد روق00حنا اربعة واللي خذونا ثلاثة

هذا البيت لشاعر على ما أعتقد أنه غنامي وله قصة مستقلة , وشاعره اقتبس الشطر الأول من الأبيات اللتي ذكرتها


ثانيا
ألا وا ولدي بواج الخلا مرذي النظا...................يبوج الخلا لو ما معه رديف
ولدي مقيله بالخلا وسق عوصاء...................وان دوجرن البيض الكل وليف
بواردي وأن يبست الريق في الشفا...................خيال وأن جات الجموع صفيف
أول فعل ولد الهدى حزت الندى...................ذبح عقيد القوم على عفيف
وأيضا ليا من البلا حرك البلاء...................يمناه تورد بالسهوم ذريف
في كون أبن عبودعشا أشهب القرى...................مع دربه الحيزا ترف رفيف
يالله عضني فيه ياللي خذ يته...................يا عايض الوادي السنة بالريف

أختلف معك جدا في تعديلك لهذه الأبيات وهي بهذا الشكل صحيحة ,,,,وجاري التحقق أكثر
وإذا لم تفهم بعض المفردات , فلا يحق لك تعديلها
فهناك كلمات وعبارات تكون دارجة في مكان , وقليل استخدامها في مكان


هذا الاختلاف لا يفسد للود قضية ولا يقلل من جمالية الموضوع
شكرا لك

[ولـد الـهـيـلا]

أولا:
الله من العيـلات وانـا ولـد روق00حنا اربعة واللي خذونا ثلاثة

هذا البيت لشاعر على ما أعتقد أنه غنامي وله قصة مستقلة , وشاعره اقتبس الشطر الأول من الأبيات اللتي ذكرتها



شاعر زمانه مالك لوى قايلها مغيّري
وأنا سامعها من أبوي .. قبل شهرين
سالفتهم مغايره في واد الرشا أتركوا الحلال وطلعوا يقولون بنسجل في حرس الحدود في جده
ويوم سجلوا وباشروا في عملهم .. مادروا إلا جايهم أمر لـ ( ضباء ) عشان حرب أكتوبر مع إسرائيل
الشاهد في الأمر : قوله - ياليتنا من باب جده رجعنا