لغز خفيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أبو ماجد 1]

لغز خفيف
اتمنى ان يعجبكم


وش لباسٍ يعــطي نقشه بر تهــاش= فا يــقٍ نقشه على لبس العروس
ماكسى من عاش في ظل المعاش= ون تبدّل حالته يصــــــــــبح لبوس
نوب يعطي بزود ونوبٍ بنكـــــماش= ولا تغير حتى لو صار امـــعكوس

وتحياتي للجميع

[قرناس الصبيحي]

الله يمسيك بالخير ابو ماجد والحل هو على مااعتقد هو الكفن .
لانه ماتلبسه العروس مستحيل لكنها ان ماتت راح تلبسه
ومصير الميت يلبسه لكن الحي مايلبسه لانه مايكسي ولايستر العوره...

ومشكوور يابو ماجد

[أبو ماجد 1]

اخوي قرناس الصبيحي
يامساء النور
والكفن مالك لوى
انتظر المرماع القادم
تحياتي

[ساري ليل]

السلام عليكم
صح لسانـــــــك على هذا اللغـز الجميل.

ايش رأيك في الليــــــــل . ( ليــــل )

مجرد محاولة .

[أبو ماجد 1]

اخوي ساري الليل
صح لسانك يالغالي وبيض الله وجهك ..وللتوضيح
وش لباسٍ يعطي نقشه بر تهاش.. فا يقٍ نقشه على لبس العـروس..قال تعالى..وجعلنا الليل لباسا..ونقشه النجوم
ماكسى من عاش في ظل المعاش.. ون تبدّل حالته يصبـح لبـوس..قال تعالى..وجعلنا النهار معاشا.
نوب يعطي بزود ونوبٍ بنكماش....ولا تغير حتى لو صار امعكوس...الليل يطول ويقصر ولو عكست كلمة ليل لم تتغير
وتحياتي للجميع

[ساري ليل]

الغالي ابــــــــو ماجـــــــــــــد .

شكرا لك والحمد للـــــــه على التوفيــق بحـــــــل اللغـــــــــز ,

واكــــــــرر الشكـــــــــر علـــــى التوضيـــــــــــح .


تقبل اخــــــــي صادق الـــــــــــــــود .