السامي الجعيد
05-Mar-2011, 08:02 AM
قصيدة لشاعر الشاب والرائع : ـــ محمد بـــن جـــاراللــه الــســهـــلــــي
الصح منه يدوم ويخلد أموات
والا الغلط مجرد سنين ويموت
والشعر لوماصار ( ساعي قناعات )
يصبح حكي ..لكن على هيئة بيوت
والصدق مفتاح الكرامة ومنجات
يكسيك من لبس الثنا مشلح وكوت
والكذب نقص عقول فعول واثبات :
بان أغلب الياقوت ماهو بياقوت
والحب (أحلى شي ) الا مع الذات
والدار ( أغلى شي )الا بلا قوت
والدين . .عز . .وهيمنة . .وانتصارات
لاصار قول وفعل وجهاد وقنوت
يوم المشايخ . . قبل عصر الدويلات
تنقل كفن واسلاح ماتنقل بشوت !
في وقتها يااهل الخطب والشعارات
سالت دموع العز من (عين جالوت!)
وفي وقتنا . . ياصانعين القرارات
نضحي بغزة على شان بيروت !
والفرق شاسع . . ياصراع الحظارات
والقول أكيد . . وبالادلة . . ومثبوت
الماضي : امجاد وشموخ وفتوحات
والحاضر : مهايط ومقهى وبيلوت !
وآمر وآدهى . . ماهو قادم وات
لاصار واقعنا مبهذل وممقوت
يمثل الأمة في الأمة عصابات
وعلى خراب بيوت تتعمر بيوت !
جلسات سرية علشان جلسات
تفوت اللي مستحيل انه يفوت !
واللعب واضح في جميع المجالات
بتشوت ؟! صلح لي اصلح لك تشوت!
والخير بين في وجيه البشاوات
والشعب مستهلك ومتعب ومكبوت
حرية الرأي :اختصاص القيادات !!
وحنا تخصص ذل وانصات وسكوت !
ياصاحبي . . خل القصص والحكايات
وش ميزة التوت ؟ إن فقد لذة التوت
إن مت ! من قول الحقايق سهالات
على الاقل تعرف على ويش بتموت!
والمشكلة ماهيب في كثر الاصوات
المشكلة لاصار مال العقل صوت !
الصح منه يدوم ويخلد أموات
والا الغلط مجرد سنين ويموت
والشعر لوماصار ( ساعي قناعات )
يصبح حكي ..لكن على هيئة بيوت
والصدق مفتاح الكرامة ومنجات
يكسيك من لبس الثنا مشلح وكوت
والكذب نقص عقول فعول واثبات :
بان أغلب الياقوت ماهو بياقوت
والحب (أحلى شي ) الا مع الذات
والدار ( أغلى شي )الا بلا قوت
والدين . .عز . .وهيمنة . .وانتصارات
لاصار قول وفعل وجهاد وقنوت
يوم المشايخ . . قبل عصر الدويلات
تنقل كفن واسلاح ماتنقل بشوت !
في وقتها يااهل الخطب والشعارات
سالت دموع العز من (عين جالوت!)
وفي وقتنا . . ياصانعين القرارات
نضحي بغزة على شان بيروت !
والفرق شاسع . . ياصراع الحظارات
والقول أكيد . . وبالادلة . . ومثبوت
الماضي : امجاد وشموخ وفتوحات
والحاضر : مهايط ومقهى وبيلوت !
وآمر وآدهى . . ماهو قادم وات
لاصار واقعنا مبهذل وممقوت
يمثل الأمة في الأمة عصابات
وعلى خراب بيوت تتعمر بيوت !
جلسات سرية علشان جلسات
تفوت اللي مستحيل انه يفوت !
واللعب واضح في جميع المجالات
بتشوت ؟! صلح لي اصلح لك تشوت!
والخير بين في وجيه البشاوات
والشعب مستهلك ومتعب ومكبوت
حرية الرأي :اختصاص القيادات !!
وحنا تخصص ذل وانصات وسكوت !
ياصاحبي . . خل القصص والحكايات
وش ميزة التوت ؟ إن فقد لذة التوت
إن مت ! من قول الحقايق سهالات
على الاقل تعرف على ويش بتموت!
والمشكلة ماهيب في كثر الاصوات
المشكلة لاصار مال العقل صوت !