نادر مطلوب

[ماجد الهذلي]

نادر أستلم لاهنت



سلام تسليم في وقت اليال الملاح=تسليم وافي وكل اللي حضر يسمعه
يا نادر العلم واضح وأنت تبغا النجاح=منهو يشجعك قلي وأنته تشجعه

[مرزوق حمدان العتيبي]

سلام تسليم في وقت اليال المـلاح .....تسليم وافي وكل اللي حضر يسمعه
يا نادر العلم واضح وأنت تبغا النجاح.....منهو يشجعك قلي وأنتـه تشجعـه

الله الله
ياسلام ياماجد طاروق محمس وحنّا في انتظارك يابو طريخم.
تحياتي

[نادر بن طريخم]

يامرحبا ومسهلا واستلم لاهنت



يارمحبا بك عدد ماناض برق ٍولاح= حييت في حومة الميدان والمعمعه
جهزت لك باللقا خيل الوغى والسلاح= والسيف وان هف للاعناق مانرفعه

[مرزوق حمدان العتيبي]

ياسلالالالالالالالام يانادر
والسيف ون هف للاعناق مانرفعه...
واصلوا والله يقويكم..
تحياتي

[ماجد الهذلي]

خلوووووها


عل البقا يالمكافح ما يفيد الكفاح=زيد الثنين بثلاث وزيدها بأربعه
حنا عرفناك خايف من هبوب الرياح= مشتال لك أسلحه وتخاف من قرقعه

[ماجد الهذلي]

هلا والله بالغالي مرزوق

حضورك شرف لنا

وتسلم

[نادر بن طريخم]

الأخ/ مرزوق العتيبي
تواجدك ومتابعتك شرف ياطويل العمر
وازهل الخصم عندي

وشد حيلك ياماجد

[نادر بن طريخم]

خلووووووووووووووهااا



إما كسرتك مسا ولا كسرتك صباح = شويه وتسمع لقلبك بها صرقعه
جر اللحن بس بعده لاتجر الصياح = الامر عندي زمامه واملك لمرجعه

[ماجد الهذلي]

يا شايل الأربعه مبدى وإذا إفتتاح=والظاهر إنه مضرى عشر ما تشبعه
إن كان روحت من فوق الخطر والرماح=تلقى الدواء والدوى مثل الحدج تجرعه

[نادر بن طريخم]

خلووووووووووووووهاا



ياطير ياللي ترف مربطين الجناح = خلك أديبٍ وخلك داخل الصومعه
اسقيتك السم في كاس ٍتظنه قراح= والحقته القاضيه والضربه الموجعه

[الخــراص]

الله الله

واصلوا لاهنتوا

ولا أوصيك يامــــــــــاجد

تراني مفحمٍ الرجال ومعاد معه نفس

وأنت يانادر

تراني في صفك

الليل الليل

[ماجد الهذلي]

خلووووووها هيه


لا كن دور مداوي ياكثير الجراح=أنته مريض ومع أهل الصومعه أمعه
يالمرشدي ماش عندي غير سم ن ذحاح=والداب بالسم وانته دام جيت ابلعه

[ماجد الهذلي]

الخراص سمي بالرحمان تراني ناااااااويك ؟؟؟ هههههه

وبعدين لا عاد تكتب كتابه تحرك حنا يالله يالله نقرى الله ثابته

( ولا بعد تغمز الله يغمز شيطانك) ليش هذي الكتابه

[نادر بن طريخم]

استلم استلم



من عقب نستيسرك مافيه فكة سراح = حتى تحط اصبعك للبصمه وترفعه
المرشدي صار دمك في يمينه مباح= ياكم وكم من عدو ٍباللقا يصرعه

[نادر بن طريخم]

الخراص
سعيدين بمتابعتك
واظن ماجد صار يلخبط
والدليل هذا الشطر ( والداب بالسم وانتـه دام جيـت ابلعـه)

حط الداب بالسم والعكس صحيح

طيب طيب ياماجد ههههههههههههه

[ماجد الهذلي]

ماجد ما لخبط هداك الله

والدليل ( والداب بالسم وأنته دام جيت أبلعه ) أين اللخبطه يالغالي

لأن الداب بالسم يالغالي ولكي أوضح لك أكثر ألا تقول فلان بالعصاا تضارب مع فلان اللي بالسكين ؟؟؟؟؟؟؟

أرجوا أنت تنقدني نقد صحيح ولا ترمي علي التهم ويسرني النقد الذي يريني الخطأ ويعلمني الصواب

وإذا لم تقتنع بكلامي أنا وأنت وشعراء والنتدى والنقاد


ما أوقع ألا على خد الوجيه الملاح=وأبا أزرع الخوخ والرمان فالمزرعه
ما ينفعك ياعميل الخير كثر النياح=هات الوفا والوفا يا صاحبي مطمعه

[نادر بن طريخم]

استـلم ,,,,,,,,,,,,,,,,,,,,, استلم



ودك تشوف السما وانته تنام انبطاح = طفل ٍلعب ليل وشروخه لها فرقعه
العلم جاك بحذافيره صحيح الصحاح = وش لك بكثر الكلام وكثرة الزوبعه

[ماجد الهذلي]

خلوووووووووووها


ان كان خدك تحت خدي وش اللي يباح=حرام واللي نقوله ربنا شرعه
إبن طريخم يغطرف كل ليل إنشراح=وأليا هرج معه واحد هرجته مرقعه

[نادر بن طريخم]

خلوووووووووووها




ماعاد تدري ياماجد بالذي جا وراح = والنار قلي طفت او باقي مولعه
ابن طريخم يلبسك الذهب والوشاح= وضرس ٍنخره التسوس هاته ويقلعه

[ماجد الهذلي]

خلووووووووها هيه


في تسعة شهور حملك هاك مني اقتراح= الحبل لو توصله نعمين لاتقطعه
الضرس نداح يندح وش تبا بالنداح= وأليا وصلته يبا يشبعك مما معه

[نادر بن طريخم]

خلوووووووووووووووووها



بيتٍ بلا ساس جاه السيل ميل وطاح= من يرفعه بعد ساوا الارض ويجمعه
مهما تحاول تزيح الشر ماعنك زاح= لكن حاول بجاه عتيبه وتدفعه

[ماجد الهذلي]

خلوووووووووها


الله يشفيك يا المجروح أنا قول صاخ=أحيان تهدر وبعض أحيان لك بعبعه
أنا أغلبك بالشجاعه وأسبققك للفلاح=واللي فبطنه حراره وإلتهاب أوجعه

[نادر بن طريخم]

سلام تسليم في وقت اليـال ( المـــلاح)
ما أوقع ألا على خد الوجيه( المـلاح )

الله يشفيك يا المجروح أنا قول (( صاخ؟ ))

(والحقته القاضيه والضربه الموجعه) _______ واللي فبطنه حراره وإلتهاب أوجعه


خلووووووووووووووووووووووووووووووها

ماعاد لك بالتمادي بالخطيه سماح = قل هي خطا الفكر ولا غلطة المطبعه؟
نور ٍبدى بالسطوع اليوم يادوب ضاح = جارت عليه الظروف وليلة الجربعه

[ماجد الهذلي]

الأخ نادر تخطيء مرة أخرى بعد إن تركتك المرة الأولى وأعلمتك بخطاك

تعال أقلك وين الخطااااااا ؟؟

أولا ً ( صاخ ) ما تعرف معناه أليس كذلك وهذا لا يدل على فراغ الكلمة وإنما الكلمة مشهورة في الغربية بمعنى

( قوي ) أو بلوة ومصيبة قوية

2- الموجعه ــــ وأوجعه الموجعه هي التي الشي الموجع وأوجعه مرضه ووجعه بارك الله فيك

جايك فالملاح يا ابن طريخم

الوجيه الملاح هم الصبايا ـــــــــــــ والليال الملاح معررررررروفه بدون توضيح

والفرق واضح ولا تلف وتدور علي يا ابن طريخم

نقدتني مرتين يا أبنطريخم ولا كن أبا أقلك شي ممكن الشاعر يخطي في كلمة مرة لاكن الشاعر ما يخطيء في وزن البيت ؟؟؟؟؟؟؟؟؟
الوزن خطااااااااااااا في هذا الشطر

قل هي خطا الفكر ولا غلطة المطبعه؟

خلوووووووووووووووووووووووووووووووووووووهاااااااااا ااااا


مدام مخك سوات الثلج فالحر ساح=الثلج لو ساح يلقى مصنع ن يصنعه
النخل ينج تمر بعد الوبر واللقاح=وأليا خرب موترك جينا لكم ننتعه

والله لو ما التحليلات لأكمل معك بس أنت مسعجل على التحليل لو خليت التحليل بعد المحاوره كان أفضل

المهم إذا تبا تجب بيتين هات وخلنا نختم المحاوره

وتشرفت باللعب معك والي محاوره أخرى معك وتسلم وسامحني وأنا تراي مسامح ( السماح طيب)

[نادر بن طريخم]

الأخ العزيز / ماجد
أولا استنتاجك لمضمون تحليلي السابق كان خاطئا ً
جملة ً وتفصيلا
لأنني لم أقصد معاني الكلمات بل قصدت تكرار القافيه
سواءًً في الشطر الأول مثل تكرارك (للملاح )مرتين
وكذلك تغييرك للقافيه في الشطر الأول بكلمة صاخ
مع العلم بأن القافية حرف حاء __ والموجعه أتيت بها
قبلك وقد استخدمتها لي مره ثانيه
لا أدري هل تجهل نظام المحاوره في هذا الشأن أم ماذا

أما بالنسبة لقولك أنني كسرت الوزن فيما يلي

(قل هي خطا الفكر واللا غلطة المطبعه؟)

ولا ___ اللام مشدده وكتبتها لك مكرره للتوضيح

أين الكسر بارك الله فيك أتمنى أن تكون فهمت تحليلي


الأخ / ماجد
بالنسبة لختام المحاورة أترك الختام لك بردك السابق وبهذا التحليل

والله لايجيب الزعل بيني وبينك
أسعدني اللعب معك كثيرا ً والمعذره إذا كان قد حصل مني خطأ بالنقد أو المحاوره
ولنا لقاء أخر معك وتقبل شكري وتقديري

نادر محمد العتيبي