الخرااااص مطلوب عاجلا ً

[نادر بن طريخم]

استلم يالخراص




جات يالخراص ساعات القـرار= قبل تبدا شوري انـك تستشيـر
وانصحك لاسرت معنا للمطـار= شف نظام النبض من قبل المطير

[الخــراص]

مرحبا ومسهلا

أستلم لاهنت


مرحبا فاليل وألا فالنهار=في مجال الشعر ماعندي وزير
واقفٍ قدام عينك فالمسار=محتسلك فالقاء سيفٍ شطير

[نادر بن طريخم]

استلم لاهنت


لو يصيبك بعد لحظات انهيار = ساعةٍ فيها يناديك المصير
ساعةٍ ماعاد لك فيها خيار = والقدر باعك عن كتابه قصير

[الخــراص]

لو رفعت البيت حناله دمار=وإن نسيت العام قد جالك نذير

أشرم البرطم ترى ماشب نار=وأنته الليله وصلت أمرٍ خطير

[نادر بن طريخم]

خلوووووووووووووووها


انتبه لاصرت في درب الكبار = وابتدا لعب الكبير مع الصغير
لو سرى ليل الرمك كر وفرار= تصبح المجروح فيها والضرير

[الخــراص]

خلها انت


انت يانادر تبا رد أعتبار=مار تبطي وأنت في سجني أسير

التجاره غير عن لعب القمار=لايضيع الفكر وإتعكس المسير

[نادر بن طريخم]

خلوووووووووووووووها


يوم انا وياك بالفصل اختبار = ماقويت الحكي في حضرة مدير
كيف عاد اليوم يالخراص صار = لك كلام ٍفيه هقوات الكبير

[الخــراص]

خلوووووووووووووها


لاتشب النا من قدحت شرار=مغلقٍ كل الطرق مالك منير

الخطر لاتقتربله كان ثار=ثم أتعود لـ الرغا عقب الهدير

[نادر بن طريخم]

استلم


سيفنا مجرود لك سر وجهار = بالمهمه ماحملنا له جفير
غمدته بالحلق من خلف الزرار = فتحة ٍمنها شهيقك والزفير

[ماجد الهذلي]

الله الله

محااااااااااااوره رائعه


تسلموووووون ومتابع لك لين الفجر

[نادر بن طريخم]

الأخ @ماجد@
الرائع هو متابعتك
نتشرف بوجودك والظاهر أذن الفجر

[الخــراص]

خلووووووووووووووووها



ما يجهز للهدد غير الحرار=وأنت لو حاولت ماتقدر تطير

ياعميلي فزتك فزت إحوار=والحمول الكايده تبغا بعير

[الخــراص]

ماجد

مرحبا والله ومسهلا

حضورك ومتابعتك

شرف كبير

لاهنت

الخراص

[نادر بن طريخم]

خلووووووووووووووها


محكمين الحظر حولك والحصار= وانتبه للموت نزعات وغرير
انطق بلفظ الشهاده باختصار = واعلم ان الحشر له يوم ٍعسير

[عايض الحبابي]

نادر .. والخراص ..

يازين هالمحاوره والله ...

سجلوا أعجابي وتقديري لكم ..

واصلوا وتقبلوا تحياتي ..

[الخــراص]

الله الله

استلم يأبن طريخم

أرفع البندق وضبط فالعيار=لا يجيك اليوم شرٍ مستطير

لا تجي يم البحر هذا أنتحار=كيف تسبح وأنت تغرق في غدير

[نادر بن طريخم]

والله مانت بسيط ياولد العلم بحر
استلم استلم



ياقمر وتدور في نفس المدار = كن مالك في سما نجد ٍخشير
ليلك الثاني سرى وقته ودار = وحبلنا من حول حلقك يستدير

[الخــراص]

الأخ العزيز

نادر بن محمد

تشرفت بالعب معك

وأمسحها في وجهي هاذي المره

ولاعاد اعودها
تحياتي لك

[نادر بن طريخم]

الأخ العزيز / بنيدر الخراص
مستقبلك بالمحاوره مستقبل
مشرق تستخدم مخارج عده
من الأزمات وتصعب السيطرة
عليك ... تهاجم كثيرا ً
أبدعت وأجدت أسعدني اللعب معك
لا أثق فيما كتبته بعدم العودة مجدا ً
تقبل شكري وتقديري