@مــاجد@ مطلوووب

[الخــراص]

ماجد يشرفني إن العب معك هالطاروق
ونتعلم من خبرتك

أستلم لاهنت


الليله الملعبه تبغى كلامٍ ثقيل=إن غاب ماجد هلا وأهلين كانه حضر
قم شد حيلك ترى المسرا يبا شد حيل=وأقصى خويي بعرفه كان طال السفر

[النووي]

الاخ الخراص

صح السانك


وننتظر ماجد


تحياتي

[مرزوق حمدان العتيبي]

..............
.........
الخراص يشرفنا في قسم المحاووووووره
هذي والله الساعه المبروكه...
الله الله
الليله الملعبـه تبغـى كـلامٍ ثقيـل ..... ان غاب ماجد هلا وأهلين كانه حضر

مبدع يالخراص
في انتظار ماجد..
تحياتي لكم.

[الخــراص]

النووي

مرحبا والله ومسهلا

حضور يسعدنا

لاهنت

[الخــراص]

مرزوق العتيبي

الشرف لي أنا

ولاهنت يأبو محمد

[ماجد الهذلي]

الخراص حياك الله وأنا أتشرف باللعب معك

أنت شاعر منت في حاجه الي تعليم

والله يعينني عليك

أستلم لا هنت






الليله الملعبه مثل الجبل ماتميل=ماغيب عن لازمي يالشيخ جعلك ذخر
أحسب حسابك وحنا فالطريق الطويل=وليا توخرت أنا بعطيك لفتت نظر

[ماجد الهذلي]

النووي

حضورك يسعدنا

تحياتي لك وتسلم

[ماجد الهذلي]

الأخ مرزوق أشوفك مستغرب ؟؟؟

الخراص شاعر نظم ( هذا اللي قريته له )

بس الظاهر أنه وجه المدافع على المحاوره ( الدور جايك ياوصل وجاي غيرك من الشعراء )

الله يعيننا ويعينكم ههههه أنا جيت في وجه المدفع يالله أستر

وشاكرين متابعتك يا مرزوق العتيبي

[الخــراص]

مرحبا ياماجد

استلم لاهنت


في لوحةٍ فالبلد قريت قولٍ جميل=قولٍ ثمينٍ قريته مثل نظم الدرر

أشوف بعض العرب يتعب ولاله حصيل=مثل المحاله يدور ولالقاله مقر

[الخــراص]

تحرجنا بكلامك الجميل ياماجد

انا اتعلم منكم

وبعدين لاتنكبني مع مرزوق و وصل يادوب اسيرها

تحياتي لك

[ماجد الهذلي]

استلم لاهنت


هاجس يجيب المثايل ماله ألا مثيل=مالي ومال الدروب اللي تجيب القهر
أقصير الثوب قالو ما كساله طويل =بعض العرب يا عميل الخير علة نحر

[الخــراص]

خلوووووووووووها


فالمنتدى عندنا ماشفت غير القليل=اللي كلامه كما همال وبل المطر

وأشوفلي ناس تعجب بالكلام الهزيل=دليل واضح علينا بأقتراب الخطر

[ماجد الهذلي]

خلوووووووها




المنتدى معتدل ما همه اللي يميل= من مال ما يعتدل نعطيه مهلة شهر
أشوف ما شفت ياللي جبت بن ن وهيل=يعش وألا يموت يموت ماله نصر

[ماجد الهذلي]

معليش ملة هي (مهلة ) عدلتها

[الخــراص]

خلووووووها

قمت أتغلط ياعميلي فالحروف وتشيل=والظاهر أنه لحقك اليوم بعض السهر
أسمك عرفته ولكن باقن أيضا دليل=شيل الستاره عشان إيبان نور القمر

[ماجد الهذلي]

هييييييييييييييه خلوووووووووووها


هذا حلالي وانا وأياك في كل ليل= بكره يبين الخبر لن كان جبت الخبر
ماني قمر دامت إني شاعر ن من هذيل= ومافي ستاير وجنب عن طريق الحفر

[الخــراص]

خلوووووووووووووها


حنا عتيبه نحط الهيل ونحط حيل=والغدر مانعرفه أيضا وطعن الظهر

يامرحبابك وبكره جاهزلك عميل=مغرف حديدٍ وقدمك يالهذيلي صخر


تشرفت بالعب معك ياماجد

ولاهنت وأعذرنا على القصور

وتقبل تحياتي

أخوك الخـــــراص

[مرزوق حمدان العتيبي]

....
الخراص العتيبي
وماجد الهذلي
والله ومليون نعم فيكم.... طاروق رائع ومعاني اروع
لاهنتم سعدنا بتواجدنا معكم بهذا المتصفح ... وفرحنا بمشاركاتكم وتفاعلاتكم
في قسم والمحاوره...

تحياتي

[ماجد الهذلي]

الخراص تصدق إني إستمتعت بالمحاوره معك



ما أنته موكل وأنا من دون ربعي وكيل= لقيت جرتك يا ذأ الأجودي بالأثر
عند دربي أنصحك خلك وسط ظل ظليل= أبحورنا مغرقه ولا أنته بغارف بحر

وأنا أيضاً تشرفت باللعب معك والسهر ؟؟ ههههههه

أسهرتني

والله لا قصور لا شي أنت اللي أعذرنا

وتسلم

[ماجد الهذلي]

الخراص ما عليك زوووود

والله يا مرزوق

علوم علوم ( إنتبهوا له ) الخراص للي يفهمه يا سلاام


الي اللقاء في محاوره أخرى

[الخــراص]

مرزوق العتيبي

ماعليك زود يأبن العم

أسعدني مرورك وأطراءك

..........................

ماجد

الف شكر

ومثل ماقلتللك لاتنكبنا مع العيال ....

شعر المحاوره له أساتذته وأنا طالب كسوووول


لاهنت ولاهان غاليك وتحياتي لك ....

[وصل العطياني؟؟؟]

لا هنـــتـــــوا :)

محاورة جميلة ...


تحيااااااتي