ياحضرت التجار

[ربح السبيعي]

السلام عليكم ورحمة الله وبركاته

أسعد الله مساكم بكل خير


هذي قصيده لعمي الشاعر / علي بن ربح السبيعي

ياحضرت التجار مدو كل جايع بالزكاه=ركن و فريضة والوعيد لم تجاهل شانها
لوتجمعون بدفعها لوكان مره فالحياه=أغنت جميع شعوب بقعاء بأختلاف أديانها
حق الفقير من الغني شكر الغني لمن عطاه=الفضل لله والنعم تشكر بحال لسانها
جل و تعالى لو خفاء فالكون شي(ن) ماخفاه=خافوا من الله والسلع لاترفعون أثمانها
السوق دبل واحتكر فتره ودبل في غلاه=وأنعام ربي من جميع أصنافها وألوانها
كان الرقابه ماتحسب كل مخطي عن خطاه=الله رقيب الناس يعلم سرها وأعلانها
لاتبخصون بحال من ينقص حصيله عن عشاه=وتشاركون ام اليتامى في عشاء ورعانها
وتضيقون العيش ببلاد المعوشه والغناه=في ارض(ن) تفوح من الكنوز و لاشبع جيعانها
والكارثه وامر وأدهى نسأل الله النجاه=تجار الأمه يجمعون لمصلحة عدوانها
لولا المضارب والرباء والمشي عكس الأتجاه=كان أفلسة بعض البنوك وقفلة بيبانها
يامن سمعتو وال الأمر و لا أمتثلتو في ولاه=حتى مصاريف الأغاثه مهدت بكفانها
الخيل من خيالها والأمر دبرة من رعاه=إذا انفلت سرج العبيه طوحت بعنانها
ترى النصيحه واجبه وابها نلد الأنتباه=حسب العقيدة والشريعة واجبا(ن) تبيانها
المال يلعن صاحبه لاحان واجب ماقضاه=وش عاد ينفع فالنفوس إذا حضر ديانها
ماينفعك يوم القيامه لا صيام ولا صلاه=لاقمت تكوى بالكنوز إللي جمعت أطنانها
قيل القناعه كنز والموت البشاعه والدناه=وإللي يجمل بيض الأيدي مدها وأحسانها

[راعي القوافي]

تسلم يدين اللي كتبها ونقلها......وصح لسان الشاعر/ علي بن ربح السبيعي,,,,,,,,



ابيات جزله ومعانيها قويه,,,,,,,,,,

[سيف نت]

صح لساااااااااانه

[سمي جدي]

يآمرحب بسبيع الغلبآ ’,

صح لسآنه ’, ولآهنت على القصيده << لآكن مآظهرت عندي ..

سلمت يمنآك وننتظر قصيدك آنت يآربح ,.

[محمد الذيابـــي]

ونعم بك وبجدك يالسبيعي فعلاً القصيده رائعه.

[ربح السبيعي]

أشكر حميع من مر على الموضوع



لاهنتو جميعاً

[عبدالمجيد النفيعي]

ماأجمل أن يجعل الشاعر يُقال له في قصيدته مع صح الله لسانك ، جزاك الله خير وهذا مانقوله لعمك ولك ، وإن شالله إن ماذُكر بالقصيدة من سلبيات لايعمم على التجار

[صارم عتيبه]

صح لسان عمك وصح ذوقك الراقي على النقل الجميل


ودي

واحترامي

[فوازالعتيبي]

صح لسان عمك

وسلمت على النقل