قصيدة رثاء ام بندربن سروربعد وفاته

[البرهان]

هذه قصيدة قالتها ام بندربن سروربعد وفاته


( الضلع القصير)

طويت حبل الياس يابدر دونه
وجاني عليه من الأذى ماكفاني
في الليل جسمي مقلقاته همومه
والعين تسهر ماتذوق المنامي
عليه روحي يابسات شنونه
وحره على الضلع القصير كواني
امشي وقلبي يابسات غصونه
ومني صناديق الضماير حطامي
بلا مرض حالي تقول مهيومه
والكبد صامت عن لذيذ الطعامي
اللي عليه القبر ركزت وسومه
ولاعاد يمحى وسم حزنه دوامي
يابدر متى الوسم تدخل حتونه
من نو مزن مانشا بالغمامي
ابيه يزي القبر ماء مزونه
يزيه ربان السحاب الهشامي

[((الدلبحي))]

تسلم يمناك

لاهنت

يالبرهان

تحياااااااااااااااتي

[السويلم]

مشكور يالبرهان
ورحم الله بندر بن سرور
الذي صاغ الحكم في شعره
ولك كل الشكر

[البرهان]

اخوي الدلبحي ياهلا بك يالغالي

[البرهان]

اخوي السويلم ( آ ميـــــــــــــن ) فعلا بندر رحمه الله كان متنبي عتيبه وكان كذلك حكيم فشعره اصبح حكم على افواه الناس .... شكراً لك

[مرزوق حمدان العتيبي]

....
يزيــــــــــــــــــــــه (بمعنى يسقيه ) :)
كلمات خارجه من القلب و تحترق معها القلوب
رحمك الله يابندر واموات المسلمين
واثابك الله وعوضك بالاجر يا امّه ..

الف شكر لك ياغالي على حسن اختيارك

[البرهان]

اخوي مرزوق رد رائع ومشاعر جياشه تدل على رجل ذو احساس كبير الف شكر

[مرزوق المغيري]

ماقصرت على كتاب هذه القصيدة التي احزتنا على بندر رحمه الله بعد حزن امه عليه .
وننتضر كل جديد منك.
ولك جزيل الشكر والتقدير.
( مقدم الطيب )

[البرهان]

مشكور اخوي مرزوق على مرورك على القصيدة كما اشكر لك مشاعرك واحاسيسك المرهفه ايه الغالي