يالسايق اللي معك موتر جديد ؛؛؛؛

[أبو طالع العتيبي]

بسم الله الرحمن الرحيم


يالسايق اللي معك موتر جديـد=ساهر نظامه على قيـد الحيـاه
خلك حذر قبل تلقالـك رصيـد=في كل شارع وبعيونـك تـراه
سرعتك ستيـن عنهـا لاتزيـد=والخط الابيض توقف من وراه
وان صورك شوف عذرك مايفيد=هذا خطاك انت مايحسب خطاه
اللي يخالف ترى ماهـو سعيـد=ياخذ قسيمه ومحسوبـه عـلاه
ساهر نظامه كما الراس العنيـد=مايقبل الواسطه في اللي نـواه
اليا نوى صيدته يعـرف يصيـد=واللي يصيده يبـى يلقـى دواه
مايعكس الانظمـه غيـر البليـد=وان شافك الناس قالوا وش بلاه
ويش اللي يزعلك وانت المستفيد=قدام كم راح في الساعـه وفـاه
الناس راحوا تحت كوم الحديـد=الا اللي كاتب له الخالق نجـاه
ساهر نظامـه يخطـط للبعيـد=وان جيت للصدق مانلحق مـداه
يالسايق اللي معك موتر جديـد=ساهر نظامه على قيـد الحيـاه

[سيف نت]

صح لسااااااانك

[فهد النفيعي]

يالسايق اللي معك موتر جديـد=ساهر نظامه على قيـد الحيـاه


الله يـــــــــــــطــــــــــــول في عمر ساهر ويجعله دايم على قيد الحياه

فوائده كثيره شهدناها من قلة الحوادث والوفيات والاصابات

[أبو طالع العتيبي]

الله يعطيك العافيه علي مرورك

[أبو طالع العتيبي]

أشكرك علي مرورك أخويه

[سمي جدي]

الناس راحوا تحت كوم الحديـد=الا اللي كاتب له الخالق نجـاه
ساهر نظامـه يخطـط للبعيـد=وان جيت للصدق مانلحق مـداه

الله الله ’,

صح لسسسآن قآيلهآ وسملت يمنآك على النقل ’,