ليلة جابت ولد شلاح من خير الليالي..ناصر

[شهاب العطاوي]

من لسان الشاعر اللي لاحضر دك الجبالي=ياسلام الله على كل الحضور من القبيله
وليلةً جابت ولد شلاح من خير الليالي =مرحبابه عد مابل الثرى وبل المخيله

[نواف الشيباني]

الله الله

صح لساانك

وننتظر ناصر,,,

[ولدعساف]

ياسلام ياسلام

صح لسانك يابن عطيه وصح لسان ولد شلاح مقدماً

[شهاب العطاوي]

صح بدنك يانواف الشيباني

[ناصر الشلاحي]

صح لسانك يا شهاب العطاوي انتظرني يجيك الرد
و الاتصال احيانا ينقطع ويحرجني مع الشعار

[شهاب العطاوي]

صح بدنك ياولد عساف

[شهاب العطاوي]

صح بدنك ياناصر ومايكون الا خير

[ناصر الشلاحي]

من لسان الشاعر اللي فاللوازم ما يبالي = بارك الله فالزميل اللي يبا هرجه زميله
اعتبرني معك و اجيب الاجابه لسوالي = لين نعرف منهو اللي منتصر ما فيه حيله

[عبد الكريم العازمي]

الله الله


عليكم يا شعار واصلو


ولي متابعه لآحقه

[ناصر الشلاحي]

نواف الشيباني
ولد عساف
عبدالكريم العازمي

صحت ابدانكم جميع لا هنتو على مروركم

[شهاب العطاوي]

المطيه عن هواها لاتعقل بالعقالي =سوقها وانته عميلٍ مايخالف مع عميله
كل مازان القمر في طلته عود هلالي =يخلف الله للعيون اللي تحوقه كل ليله

[شهاب العطاوي]

عبدالكريم العازمي حياك الله بكل وقت

[ناصر الشلاحي]

يا شهاب انته معك عتبان ولا انا لحالي = لا يضيع الزاد من يمناك و الطرقه طويله
اخذ من بحر الشمال اللي ورا القطب الشمالي = لا تقول ان الامور مسيره باهون وسيله

[شهاب العطاوي]

خابرك منت بشريك بمكسبي وبراس مالي =واعرف اني من فصيله وانت ترجع في فصيله
المطر مبطي علينا والبحر ماهوب حالي =والجمل شقران حمله مال وازرى لايشيله

[ناصر الشلاحي]

ما نويت اشاركك و اللي طرالك ما طرالي = كل واحد معه زند يشب في راس الفتيله
انتظر لين الهبوب اتهب و يميل العقالي = ثم كلن ياجد المقسوم و يعبي شليله

[شهاب العطاوي]

مانلوم اللي يقول الحق من بين الرجالي =لومنا للي يقول الماء تغطيه النثيله
والله انا مانباها هامله من دون والي =وانت تعرف شرهتي لاعودت ماهي قليله

[محمد ابن رووق]

شهاب والله إنك مبدع ولاهان زميلك


مكانك في الميدان

[شهاب العطاوي]

محمد بن روق الابداع مرورك وفخر لي انا وزميلي

[ناصر الشلاحي]

يا عسانا ما تجينا المنقده فاول و تالي = البنادم يبذل المجهود و الخالق وكيله
يمكن انك ما تحصل لا جنيه ولا ريالي = و انت لا صاحب سعاده يا شهاب ولا فضيله

[شهاب العطاوي]

اطلب الله فالخفا يبعد مجالك عن مجالي =يمكن انك تسري الليل الظليم بلادليله
وقتي الحاضر يسير موجته وقتٍ مضالي =وكل رجل يرجع لماضيه ويحصل حصيله

[الرحماني]

صحت اللسنتكم

[شهاب العطاوي]

صح بدنك يا اخوي الرحماني

[ناصر الشلاحي]

اطلب الله يبطي الغالي وهو لا زال غالي = يسرح الواحد و يضوي محد ياقف في سبيله
وقتك الحاضر تمام ولا عليك ايا ميالي = مع طلوع الشمس ما يطلع معنين الاصيله

[شهاب العطاوي]

صح لسانك ياناصر وبيض الله وجهك ولافيك حيله والشكر موصول لجميع من مر متصفحنا من زملائنا الكرام

[ناصر الشلاحي]

صح لسانك ياشهاب و اشكرك على دعوتي لهذه المحاوره
الله يوفقك و جمبع من مر

[مهنـا العتيبي]

المطر مبطي علينا والبحـر ماهـوب حالـي
والجمل شقران حمله مـال وازرى لايشيلـه

ياسلام ياسلام

كذا الشعر

صح لسانك ياشهاب

ولاهان خويك

[محمد الذيابـــي]

الله عليك

مشكوووووووووووور

[صقر ال قير]

صح الله السنتكم



وتقبلو مروري

[زياد المزرمي]

الله الله

شهاب العطاوي @@ ناصر الشلاحي

صح اللسانتكم يا مبدعين

طاروق رائع بروهعة شعراءه

خالص التقدير